PMINDIA

News Updates

The content is auto sourced from PIB

স্বচ্ছ শ্ৰমদানত ভাগ ল’লে প্ৰধানমন্ত্ৰীয়ে, পশুধন আৰোগ্য মেলা পৰিদৰ্শন, বাৰাণসীৰ ছাহানছাহপুৰত জনসাধাৰণক সম্বোধন

স্বচ্ছ শ্ৰমদানত ভাগ ল’লে প্ৰধানমন্ত্ৰীয়ে, পশুধন আৰোগ্য মেলা পৰিদৰ্শন, বাৰাণসীৰ ছাহানছাহপুৰত জনসাধাৰণক সম্বোধন

স্বচ্ছ শ্ৰমদানত ভাগ ল’লে প্ৰধানমন্ত্ৰীয়ে, পশুধন আৰোগ্য মেলা পৰিদৰ্শন, বাৰাণসীৰ ছাহানছাহপুৰত জনসাধাৰণক সম্বোধন

স্বচ্ছ শ্ৰমদানত ভাগ ল’লে প্ৰধানমন্ত্ৰীয়ে, পশুধন আৰোগ্য মেলা পৰিদৰ্শন, বাৰাণসীৰ ছাহানছাহপুৰত জনসাধাৰণক সম্বোধন

প্ৰধানমন্ত্ৰী শ্ৰী নৰেন্দ্ৰ মোদীয়ে আজি বাৰাণসীৰ ছাহানছাহপুৰত এটি শৌচালয়ৰ আধাৰশিলা স্থাপন কৰি স্বচ্ছ শ্ৰমদানত ভাগ লয়৷ অঞ্চলটোক মুকলিত শৌচ-মুক্ত গাঁও হিচাপে গঢ় দিয়াত আগভাগ লোৱা লোকসকলৰ সৈতে তেওঁ মত বিনিময় কৰে৷ শৌচালয়ক ‘ইজ্জত ঘৰ’ আখ্যা দিয়াৰ ক্ষেত্ৰত গাঁওবাসীৰ পদক্ষেপকো প্ৰধানমন্ত্ৰীয়ে প্ৰশংসা কৰে৷

প্ৰধানমন্ত্ৰী মোদীয়ে গাঁওখনত অনুষ্ঠিত পশুধন আৰোগ্য মেলাও পৰিদৰ্শন কৰে৷ এই আৰোগ্য মেলা প্ৰাংগণত আয়োজিত বিভিন্ন স্বাস্থ্য আৰু চিকিৎসা বিষয়ক কাৰ্যসূচীৰ বিষয়ে তেওঁক অৱগত কৰোৱা হয়৷

অনুষ্ঠানত সমবেত বৃহৎ জনসমাগমক উদ্দেশ্যে প্ৰধানমন্ত্ৰী মোদীয়ে পশুধন মেলাৰ সফল আয়োজনৰ বাবে উত্তৰ প্ৰদেশৰ মুখ্যমন্ত্ৰী যোগী আদিত্যনাথ আৰু তেওঁৰ চৰকাৰক অভিনন্দন জ্ঞাপন কৰে৷ তেওঁ কয় যে এই নতুন প্ৰচেষ্টাই ৰাজ্যখনৰ পশুপালন উদ্যোগক উপকৃত কৰিব৷ অধিক দুগ্ধ উৎপাদনে জনসাধাৰণৰ অৰ্থনৈতিক স্থিতি মজবুত কৰিব৷

জনসাধাৰণৰ কল্যাণ সাধনেই চৰকাৰৰ প্ৰধান লক্ষ্য বুলি উল্লেখ কৰি প্ৰধানমন্ত্ৰীয়ে পুনৰ কয় যে ২০২২ৰ ভিতৰত কৃষি আয় দুগুণ কৰিবলৈ তেওঁলোক সংকল্পবদ্ধ৷ ছইল হেল্থ কাৰ্ডসমূহে দেশৰ কৃষকক লক্ষ্যণীয়ভাৱে উপকৃত কৰিছে বুলিও তেওঁ কয়৷ আমাৰ স্বাধীনতা সংগ্ৰামীসকলে দেখা সপোন পূৰণ কৰিবলৈ তথা ভাৰতক প্ৰগতিৰ দিশে আগুৱাই নিয়াৰ ক্ষেত্ৰত ইতিবাচক বৰঙণি আগবঢ়াবলৈ তেওঁ সকলোকে আহ্বান জনায়৷

পৰিষ্কাৰ-পৰিচ্ছন্নতা আমাৰ সকলোৰে কৰ্তব্য বুলি প্ৰতিগৰাকী নাগৰিকে অনুভৱ কৰা প্ৰয়োজন বুলি প্ৰধানমন্ত্ৰীয়ে উল্লেখ কৰে৷ তেওঁ কয় যে স্বচ্ছতা তেওঁৰ বাবে এক প্ৰাৰ্থনাস্বৰূপ আৰু পৰিচ্ছন্নতা হ’ল দৰিদ্ৰৰ প্ৰতি সেৱা কৰাৰ এক পন্থা৷

*****

AKT/SH/MS