PMINDIA

News Updates

The content is auto sourced from PIB

ইন্তর্নেস্নেল কনফ্রেন্স ওন কঞ্জ্যুমর প্রোতেক্সন্দা প্রধানমন্ত্রীনা পীখিবা ৱারোলগী ইংলিসকী ৱাহন্থোক

ইন্তর্নেস্নেল কনফ্রেন্স ওন কঞ্জ্যুমর প্রোতেক্সন্দা প্রধানমন্ত্রীনা পীখিবা ৱারোলগী ইংলিসকী ৱাহন্থোক

ইন্তর্নেস্নেল কনফ্রেন্স ওন কঞ্জ্যুমর প্রোতেক্সন্দা প্রধানমন্ত্রীনা পীখিবা ৱারোলগী ইংলিসকী ৱাহন্থোক

মন্ত্রীমন্দলগী ঐগী খোংলোই শ্রী রাম বিলাস পাসৱানজী, শ্রী সি. আর. চৌধরীজী. য়ুএনসিতিএদি (অঙ্কতাদ)কী সেক্রেতরী জেনরেল দাক্তর মুখীসা কিচুয়ীজী, অমসুং মফম অসিদা লেংসিনবীরিবা অখঙঅহৈশিং

 

ইহান হানবদা কঞ্জ্যুমর প্রোতেক্সনগুম্বা মরু ওইবা হিরমদা ইন্তর্নেস্নেল কনফ্রেন্স পাংথোকপগীদমক্তা হন্না হন্না নুংঙাইবা ফোংদোকচরি। থৌরম অসিদা খা এশিয়া, খা নোংপোক এশিয়া অমসুং নোংপোক এশিয়াগী লৈবাক কয়ামরুমগী মীহুৎশিংসু য়াওরি।ঐনা অদোম পুম্নমকপু থৌরম অসিদা তরাম্না ওকচরি।

খা এশিয়াদা পাংথোকপা অহানবা থৌরম্নি মসি। ঐনা অঙ্কতাদপুসু থাগৎপা ফোংদোকচরি মদুদি মসিনা ফারতকী অনৌবা খোংথাং অসিবু অচেৎপা খোংফমগা লোইননা মাংদা পুখৎপীরি অমসুং মসিবু অসিগুম্বা মশক অসি ওইনবা হোৎনবদা অচৌবা থৌদাং লৌবীরি।

মরূপশা, মালেমগী অসিগুম্বা লমদম অসিদা মতৌ অসুম্না পুৱারি ওইবা মওংদা অমগা অমগা শম্নরিবা অসুম্না অতৈ মফমশিংদা তাংনা উবা ফংই। চহি লিশিং কয়াদগী ঐখোয় ত্রেদ, কলচর অমসুং রেলিজন্না শম্নহন্দুনা লাক্লি। কোস্তেল ইকোনোমীনা লমদম অসিবু কনেক্ত তৌবদা মমাংঙৈদগী হৌনা মরু ওইবা থৌদাং লৌদুনা লাক্লি। মীয়াম্না চৎথোক-চৎশিন তৌনবা, ৱাখল্লোন পীথোক-পীশিন তৌনবা, মসি তু-ৱে-প্রোসেস অমা ওইরি মসিগী কান্নবা লমদম অসিগী লৈবাক পুম্নমক্না লৌরি। ঐখোয় ঙসিসু শুপ্নগী শেনমিৎলোন খক্তা নত্তনা নাৎকী ওইবা মওংদসু শিয়ার হেরিতেজ অমগী খুদম ওইরি।

মরূপশা, ঙসি মোদর্ন ইরাদা ঐখোয়গী মরক্তা লৈনরিবা মরি অসি অনৌবা মায়োন অমদা লৈরি। এশিয়াগী লৈবাক অসি শুপ্নগী মশাগী লৈবাক্তা গুদ্স অমসুং সর্বিসকী মার্কেৎপু কেতর তৌবদা নত্তনা মখোয়বু অতোপ্পা লৈবাকশিংদা শন্দোকখ্রি।

মসিদা কঞ্জ্যুমর প্রোতেক্সন অসি লমদম অসোমদা ললোন ইতিক তৌবা য়োকখৎনবা, মসিবু চেৎসিনহন্নবা ইম্পোর্তেন্ত কম্পোনেন্ত অমা ওইরিবা হিরম অমনি।

ঙসিগী থৌরম অসি ৱাফম অসিগী খুদম্নি মদুদি ঐখোয়না ঐখোয়গী মীয়ামগী তঙাইফদবশিংবু মতৌ করম্না লুম্না লৌবরি, মখোয়গী অৱাবশিংবু কোকহন্নবগীদমক মতৌ করম্না কন্না হোৎনরি। মীপুম খুদিংমক কঞ্জ্যুমর অমসু ওইরি অমসুং মরম অসিনা থৌরম অসি ঐখোয়গী কলেক্তিব দিতর্মিনেসনগীসু খুদম্নি।

মরীপশা, থৌওং অপুনবা অসিদা য়ুনাইতেদ নেসনগী খোংলোই অমা ওইনা মাংদা থোরকপা অসি নুংঙাইবা অমনি। ১৯৮৫দা অহানবা ওইনা কঞ্জ্যুমর প্রোতেক্সনদা য়ুএননা গাইদলাইনশিং শেমখি। চহি অনিগী মমাংদা মসিদা হেন্না শেমদোক-শেমজিন তৌখি। শেমদোকৃশেমজিন তৌবগী থৌওং অদুদা ভারতকীসু অচেৎপা থৌদাং য়াওখি। চাওখৎলক্লিবা লৈবাক্তা সস্তেনেবল কঞ্জুম্পসন, ই-কমর্স অমসুং ফাইনান্সিএল সবিসকী মরমদা গাইদলাইন অসি য়াম্না মরু ওই।

মরূপশা, ভারত্তা চহি লিশিং কয়াদগী কঞ্জ্যুমর প্রোতেক্সন, লৈঙাক্কী থানবা য়াদ্রবা শরুক অমা ওইদুনা লাক্লি। চহি লিশিং কয়াগী মমাংদা ইরম্বা ঐখোয়গী বেদশিংদা কঞ্জ্যুমর প্রোতেক্সনগী মতাংদা পল্লি। অর্থবেদদা হায়রি মদুদি –

“ইমা মাত্তা মিমীয় হে য়থ পরা ন মাসাতৈ” হায়বদি পোৎকী ফিভম অমসুং অরুম-অয়াংদা করিগুম্বা মখল অমত্তগী অশোইবা লৈহল্লোইদবনি। চহি লিশিং কয়াগী মমাংদা ইরম্বা লাইরিকশিংদা কঞ্জ্যুমর প্রোতেক্সনগী কাংলোনশিং নীংথিজনা তাক্লম্মি, অরানবা মওংদা ত্রেদ তৌবশিং করম্বা মখলগী চৈরাক পীগনি হায়বসিসু পল্লম্মি।

অদোম্না খঙবদা অঙকপা পোক্কনি মদুদি চাওরাক্না চহি লিশিং অনি মখাইগী মমাংদা কৌতিল্যগী মতমদা চাং নাইবা লৈঙাক্কীদমক্তা গাইদলাইনশিং শেমখি মদুদি ত্রেদপু মতৌ করম্না রিগুলেৎ তৌগনি অমসুং সরকারনা পোৎ লৈরিবশিংগী খুদোংচাবশিং ঙাক্তুনা থমগনি। কৌতিল্য মতমগী লৈঙাক্না অদুগুম্বা মখলগী থৌরাং তৌরম্বা অদু, ঙসিগী মতম অসিদা মদুগী ফম অদু দাইরেক্তর ওফ ত্রেদ অমসুং সুপরিতেন্দেন্ত ওফ স্তেন্দর্স হায়না কৌনবা য়াই। ঐখোয়গী অসিদা পোৎলৈবশিংবু লাই ওইনা লৌনৈ, দুকান কয়াদা অদোম্না ইদুনা থেৎপা থেংনবগীগনি – গ্রাহক দেবো ভব:। করিগুম্বা মখল অমা হেক্তগী ব্যুজিনেস ওইরবসু, মসিগী অমত্তা ঙাইরবা পান্দমদি কঞ্জ্যুমরশিংবু পুক্নীং পেলহনবনি।

মরূপশা, ভারত অসি য়ু এন্না গাইদলাইনশিং এদোপ্ত তৌখ্রবা মতুং হেক মথংগী চহিদা ১৯৮৬তা মশাগী কঞ্জ্যুমর প্রোতেক্সন এক্ত চৎনা হৌখিবা লৈবাকশিংগী মনুংদা অমনি।

পোৎ লৈবশিংগী কান্ননবা খনবা অসি সরকার অসিগী মরু ওইবা থৌরাংশিংগী মনুংদা অমনি। সরকারগী অসিগুম্বা মরু ওইবা থৌরাং অসি ন্যু ইন্দিয়াগী ৱাশক অদুগসু লোইনরি। ন্যু ইন্দিয়া, মসিদা কঞ্জ্যুমর প্রোতেক্সন্দগী হেন্দোক্তুনা কঞ্জ্যুমর প্রাক্তিসশিং অমসুং কঞ্জ্যুমর প্রোস্পরিতীগী মতাংদসু খন্নগনি।

মরূপশা, ঐখোয়না ঙসিগী লৈবাক অসিগী তঙাইফদবশিং, ঙসিগী ললোন-ইতিক্কী মওং মতৌশিং অসিদা মিয়েং থমদুনা অনৌবা কঞ্জ্যুমর প্রোতেক্সন এক্ত অমা শেম্লি। অনৌবা কাংলোন অসিদা কঞ্জ্যুমর ইম্পৱার্মেন্ততা অখন্ননা শাফু পীরি। কঞ্জ্যুমরশিংগী অৱাবা অতেনবা মতমদা, হন্থবা চাদিংদা কোকহন্নবা, মসিগীদমক্তা কাংলোনশিং অসি লাইথোকহল্লি। মিসলীদিং এদভর্তাইজশিংদা হেন্না অচেৎপা থম্বগী থৌরাং তৌরি। খুদক্তা ৱারেপ তানবগীদমক এগজ্যুকেতিব পৱারগা লোইননা সেন্ত্রেল কঞ্জ্যুমর প্রোতেক্সন ওথোরিতীসু লিংখৎকনি।

ঐখোয়না রিয়েল স্তেৎ রেগুলেতোরী এক্ত শেম্লে মসিনা য়ুম লৈবা মীওইশিংগী কান্নবশিং ঙাক-শেল্লি। হান্নদি বিল্দরশিংগী অনীংবা অপাম্বনা মরম ওইদুনা চহি কয়া মীওইশিংনা মশাগী য়ুমগীদমক ঙাইনবা তারম্মি। ফ্লেৎকী এরিয়াগী মতাংদসু চয়েৎনবগী ফিভম মায়োক্নরনরম্মি। হৌজিক্তি আরইআরএগী মতুংদা শুপ্নগী রেজিস্তার দিব্লপরশিংদতা তঙাইফদবা  পার্মিসন ফংলবা মতুংদা য়ুম অদু বুকিং তৌবা য়ারগনি। মসিগা লোইননা সরকারনা বুকিং এমাউন্তকী ঙমখৈ চাদা তরাদা লেপখ্রে।

হন্দক্তা ভারতনা গুদ্স অমসুং সর্বিস তেক্স-জিএসতিসু চৎনহনখ্রে। জিএসতিগী মতুংদা লৈবাক অসিদা তোঙান তোঙানবা মওংগী ইন্দাইরেক্ত তেক্স কয়ামরুমগী লাং থাক্লম্বদু লোইশিনখ্রে। হিদন তেক্স মখল কয়ামরুমসু লোইশিনখ্রে। পোৎ লৈবশিংনা হৌজিক মাংদা রিসিপ্ত উরে মদুদি মহাক্না তেক্স কয়াম্না রাজ্য সরকারদা, কয়া য়াম্না কেন্দ্র সরকারদা থিবগে হায়বদু। ঙমখৈদা ত্রকশিংনা লেংবা অশাংবা জাম অদুসু লোইখ্রে।

জিএসতিদগী লৈবাক অসিনা অনৌবা ব্যুজিনেস কলচর অমা ফংলে অমসুং লোং তার্মদা জিএসতিগী খ্বাইদগী চাওবা কান্নবা কঞ্জ্যুমরশিংনা ফংগনি। মসি নুং-পান উবা থৌরাংনি মসিদা কনানসু কঞ্জুমরগী কান্নবদা শেরান-তুরান তৌবা ঙমলোই। মসিখক্তসু নত্তনা, জিএসতিগী মরমদগী কম্পেনীশিংগী মরক্তা চাং তান্নবা হেনগৎলগদি পোৎ-চৈগী মমলদসু হন্থরক্কনি। মসিগীসু কান্নবা লাইরবা অমসুং ময়াই ওইবা কাংলুপকী কঞ্জ্যুমরশিংনা ফংগনি।

মরূপশা, কাংলোনগী থোংদা পোৎ লৈবশিংগী কান্নবশিং চেৎশিনহন্নবগা লোইননা ৱাকৎশিং অথুবা মতমদা লোইশিনবা অসিসু য়াম্না তঙাইফদে। হৌখিবা চহি অহুমলোম অসিদা তোক্নোলোজী শিজিন্নদুনা ঐখোয়গী সরকারনা গ্রীভেন্স রিদ্রেসেলগী অনৌবা ইকো-সিস্তেম অমা শেম শারে।

নেস্নেল কঞ্জ্যুমর হেল্পলাইনগী মপাঙ্গল অসি শরুক মরি হেনগৎহনখ্রে। কঞ্জ্যুমর প্রোতেক্সনগা মরি লৈনবা পোর্তেল অমসুং সোশিয়েল মেদিয়াবুসু ইন্তিগ্রেদ তৌখ্রে। পোর্তেলদগী লনাইগী কম্পেনীশিংসু মশিং য়াম্না য়াওররে। পোর্তেলগী থোংদগী ৱাকৎ চাওরাক্না চাদা ৪০ হকথেংননা কম্পেনীশিংগী মফমদা ওতোমেতিক ত্রান্সফর তৌই মদুদা য়াম্না থুনা থবক পাইখৎলি। জাগো-গ্রাহক জাগো খোংজংগী থোংদগীসু পোৎ লৈবশিংবু মিকুপ-নাহুম শিংহল্লি। ঐনা চাওথোকচনা হায়বা ঙম্মি মদুদি কঞ্জ্যুমর প্রোতেক্সন্দা মতৌ অসুম্না সোসিয়েল মেদীয়াবু পোজিতিব ওইবা মওংদা শিজিন্নবা অসি সরকার অসিনা তৌরিবা অসিগুম্না লৈবাক অসিদা হান্ননা অমুক্তা তৌখিদ্রি।

মরূপশা, ঐগী মিৎয়েংদা অমসুং ঐখোয়গী সরকারগী ভিজন্দা কঞ্জ্যুমর প্রোতেক্সনগী অকোইবা অসি য়াম্না পাক চাওই। লৈবাক অমা হেক্তগী চাওখৎ-থৌরাং অমসুং কঞ্জ্যুমর প্রোতেক্সন অসি অমনা অমগী মখা য়াম্না পোল্লি। চাওখৎ থৌরাংগী কান্নবা মীপুম খুদিংমক্তা ফংহনবদা গুদ গবর্নেন্সকী চাওরবা থৌদাং লৈ।

হন্দক্তা লৈবাক অসিগী য়ুমথোং খুদিংদা মৈগী কনেক্সন ফংহন্নবগীদমক্তসু স্কিম অমা হোদোক্লে। পুম্নমক অসি মীয়ামদা বেসিক লাইফ লাইন সপোর্ত পীবগা লোইননা মখোয়গী পুন্সি লাইথোকহন্নবগীদমক্তসুনি।

কঞ্জ্যুমরশিংগী কান্নবশিং ঙাক-শেনবা শুপ্নগী মসি মখোয়দা অধিকার পীবা খক্না ওইদ্রি। ভারত্তা ঐখোয় মাইকৈ অসোমদসু থবক তৌরি মদুদা সরকারগী স্কিমশিংনা কঞ্জ্যুমরগী পৈশা কনবদা মতেং ওইরি। স্কিমশিং অসিদগী খ্বাইদগী য়াম্না কান্নবা অসি লৈবাক্কী লাইরবা অমসুং ময়াই ওইবা কাংলুপশিংনা ফংলি।

অদোম্না খঙবীরমগনি মদুদি য়ুনিসেফনা হন্দক্তা ভারত্তা তৌখিবা সর্ভে অমগী মতুং ইন্না লাওথোকখি। সর্ভেগী মতুং ইন্না স্বচ্ছ ভারত মিশনগী মতুংদা লমহাংদা খোংহাম-খুৎহাম তৌবা তোক্লবা খুঙ্গংশিং অদুদা ইমুং খুদিংমক্না চহিগী লুপা লিশিং ৫০ কনবা ঙমলে। নত্রবদি শেনফম অসি ইমুং অদুগী অনা লায়েং, হোস্পিতাল চৎথোক-চৎশিন অমসুং ওফিসতগী লৌখিবা ছুতিশিং অদুদা চাদিং তৌবা তাখি। মরূপশা, লাইরবশিংনা অহোংবা হিদাক-লাংথক ফংননবা ভারতী জন ঔষধি পরিয়োজনা হৌদোক্লে। হিদাক ৫০০ রোমদগী হেনবগী মমল হন্থহন্দুনা মখোয় অদু তঙাইফদবা হিদাকশিংগী মনুংদা হাপখ্রে। স্তন্তকী মমলদা কেপিং তৌদুনা চাদা ৮৫ ফাওবা হোংথহল্লে। হন্দক্তা খু-উ শিন্দোকপগী মমলসু সরকারনা চাং অমদা থমখ্রে। মসিদগীসু লাইরবা অমসুং ময়াই ওইবা থাক্তা লৈবা কঞ্জ্যুমরশিংগী লুপা কোতি কয়া কঞ্জরি।

ঐখোয়গী ৱাখল্লোন কঞ্জ্যুমর প্রোতেক্সন্দগী হেন্দোক্তুনা কঞ্জ্যুমর ইন্তরেস্ত প্রমোসনগীনি। কঞ্জ্যুমর ইন্তরেস্ততা মীয়ামগী পৈশা কন্ননবা অতোপ্পা খুদম অমনি ঐখোয়গী উজ্জ্বালা স্কিম। মসি এলইদি ব্লব য়েন্থোকপগী অচম্বা স্কিম্নি, অদুবু ফল অদুদি অচম্বা নত্তে। সরকার অসিনা লাকপা মতমদা এলইদি ব্লব লুপা ৩৫০দগী হেন্না তাংনা য়োল্লম্মি। সরকারনা হোৎনরবা মতুংদা হৌজিক ব্লব অদুমক উজ্জ্বালা স্কিমগী মখাদা শুপ্নগী লুপা ৪০দগী ৪৫দা ফংহল্লে। এলইদিগী মমল হন্থহন্দুনা অমসুং মীয়াম্বু মৈগী বিলদগী পৈসা লেমহন্দুনা সরকারনা শুপ্নগী থৌরাং অসি খক্তদগী পোৎ লৈবশিংগী লুপা কোতি লিশিংদগী হেন্না কল্লে। মরূপশা, ইনফ্লেসনদা চুপ্লি লাকপনা মরম ওইদুনসু লাইরবা অমসুং ময়াই ওইবা থাক্তা লৈবা কঞ্জ্যুমরশিংগী শেনমিৎলোন্দা কান্নবা ওইরে। নত্রবদি মমাংগী সরকারদা হেনগৎখিবা ইনফ্লেসনগী খোংজেল অদুদা অদুম্মক হেনগৎলম্লগদি লৈবাক্কী মীচম-মীয়ামগী চাকখুমগী চাদিং অদুক্কী মতিক হেনগৎলমগনি।

তেক্নোলোজীগী পাম্বৈনা পাব্লিক দিসত্রিব্যুসন সিস্তেমবু চেৎসিনহন্দুনসু মসি লেপথোক্লি মদুদি অদুগুম্বা অহোংবা চাননবা পোৎলম অদুদা হক ফংলিবা লাইরবা অদুমক্না চেং অসি ফংগদবনি।

দাইরেক্ত বিনিফিৎ স্কিমগী মখাদা কান্নবা ফংলবশিংনা বেঙ্ক একাউন্তা চুমদ্রিং পৈশা ত্রান্সফর তৌদুনা সরকারনা লুপা কোতি লিশিং ৫৭তগী হেনবা শেনফম্বু অরানবা খুত্তা তাখিগদবদগী কনখ্রে। মরূপশা, সস্তেনেবল দিব্লপমেন্ত গোল্স ফংনবগীদমক মথৌ তাই মদুদি কঞ্জ্যুমরসু মখোয়গী থৌদাং শরুক অদু খঙনা মখোয়গী থৌদাং য়াগদবনি।

মফম অসিদা তৌঞ্জা অসিদা ঐনা অতোপ্পা লৈবাকশিংদগী লাকপা ঐগী মরীপশিংবু গিব-ইৎ-অপ স্কিমগী মতাংদা অখন্ননা ফোংদোকপা পামজৈ। ঐখোয়গী অসিদা গ্যাসকী সিলিন্দরদা মীয়ামদা সবসিদী পী। ঐগী আপিল মচা অমদা চহি অমগী মনুংদা কোতি অমদগী হেনবা মীয়াম্না মখো.গী গ্যাস সবসিদী লৌবা তোকখি। মীয়াম্না লৌবা তোকখিবা গ্যাস সবসিদী অদু হৌজিক ফাওবদা লাইরবা ইমুং কোতি ৩দা লেম্না গ্যাস কনেক্সন পীবদা শিজিন্নখি।

মসি খুদম অমনি মদুদি মতৌ করম্না কঞ্জ্যুমর খুদিংমক্কী শিয়ার কন্ত্রিব্যুসনদগী অতোপ্পদা কান্নহনবগে অমসুং খুন্নাইদসু মখোয়গী থৌদাংগী মতাংদা পোজিতিব ওইবা মফম অমা শেম্লি।

মরূপশা, সরকারনা লৈবাক অসিগী খুঙ্গংগী লমদা লৈবা পোৎ লৈবশিংগী দিজিতেল ইম্পৱার্মেন্তকীদমক্তা প্রধানমন্ত্রী গ্রামীন দিজিতেল সাক্ষরতা অভিয়ান পাইখৎলিবা অসিগী মখাদা য়ুম কোতি ৬তগী যুম খুদিংদা মীওই অমবু দিজিতেল ওইবা মওংদা মহৈ-মশিং হৈহন্নবা থবক পাইখৎলি। খোংজং অসিদগী খুঙ্গংগী মীয়াম্না দিজিতেলগী পীথোক-পীশিন, দিজিতেল ওইবা মওংদা সরকারগী থবকশিং ফংবদা হেন্না খুদোংচাবা ফংলনি।

ভারতকী খুঙ্গংদা দিজিতেল এৱ্যারনেস তুংলমচৎকীদমক্তা য়াম্না চাওবা ই-কমর্স মার্কেৎসু শেম-শারি। য়ুনিফাইদ পেমেন্ত ইন্তর্ফেস-য়ুপিআইনা ই-কমর্স ইন্দস্ত্রীবু য়াম্না চাওবা পাঙ্গল হাপ্লি। ভারত ইন্তর্ফেস ফোর মনী – হায়বদি ভীম এপনা শহরশিংদা নত্তনা খুঙ্গংগী লমদমদসু দিজিতেল পেমেন্ত শন্দেক্লি।

মরূপশা, কোতি ১২৫দগী হেনবা মী মশিং অমসুং খোংজেল য়াংনা হেনগৎলক্লিবা মিদল ক্লাসনা মরম ওইদুনা ভারত মালেমগী খ্বাইদগী চাওবা বাজারগী মনুংদা অমা ওইরি। ঐখোয়গী শেনমিৎলোনগী অফোংবনা মালেমগী লৈবাক পুম্নমকপু তরাম্না ওকচরি, ভারতকী পোৎ লৈবশিংবু গ্লোবেল প্লেয়রশিংগী মনাক্তা পুসিল্লি। মেক ইন ইন্দিয়াগী থোংদগী ঐখোয় গ্লোবেল কম্পেনীশিংবু ভারত মক্তদা প্রদ্যুস তৌনবা অমসুং মফম অসিগী পাক-চাউবা হ্যুমেন রিসোর্স হেন্না ফনা শিজিন্ননবগীদমক প্লেৎফোম অমা পীরি। মরূপশা, লমদম অসিগী শরুক অমদা মসি অসিগুম্বা মখলগী অহানবা কনফ্রেন্সনি। ঐখোয়গী ইরক্তগী লৈবাক খুদিংমক্না মাগী-মাগী মওংদা মশাগী মরৈবাক্কী পোৎ লৈবশিংগী কান্নবা ঙাক শেন্নবা হোৎনরি। অদুবু মসি খঙজিনগদবনি মদুদি হৌজিক হেনগৎলক্লিবা গ্লোবেলাইজেসনগা লোইননা মালেম অপুম্বা সিঙ্গল মার্কেৎ অমদা হোংলক্লি। মরম অসিনা অসিগুম্বা মখলগী থৌরমগী থোংদা অমনা অমগী খঙবা-হৈবশিংদগী তম্নবা, কোমন অন্দর্স্তেন্দিংগী পোইন্ত থিবা অমসুং কঞ্জ্যুমর প্রোতেক্সনগা মরি লৈনবা করিগুম্বা রিজনেল কোলিজন শেমগৎপগী ওইথোকপশিংদা খন্ন-নৈনবা য়াম্না মরু ওই।

কোতি ৪০৪দগী হেনবা কঞ্জ্যুমর বেজ, হেনগৎলক্লিবা পর্চেজ পৱার, য়ং দেমোগ্রাফিক প্রোফাইল, ঐখোয় এশিয়াগী লৈবাকশিংদা ব্যুজিনেসকী চাওরবা য়ুম্ফমনি। ই-কমর্স অমসুং মীয়ামগী হেনগৎলক্লিবা ত্রান্স-বোদর মোবিলিতীনা মরম ওইদুনা ঙসি ক্রোস-বোর্দর ত্রান্সেক্সন লেপ্তনা হেনগৎলক্লি। ফিভম অসিদা কঞ্জ্যুমরগী থাজবা ঙাক্তুনা থম্ননবগীদমক মসি য়াম্না তঙাইফদে মদুদি লৈবাক খুদিংমক্তা অকনবা রিগুলেতোরী সিস্তেম অমা লৈহনবা অমসুং সিস্তেম অদুগী মতাংদা অতোপ্পা লৈবাকশিংবুসু মথৌ তাবা ই-পাউ পীবা। অতোপ্পা লৈবাকশিংগী পোৎ লৈবশিংগা মরি লৈনবা মতাংশিংদা খোংজেল য়াংনা পাইখৎলিবা থবকশিং পাংথোক্নবগীদমক কো-ওপরেসনগী ফ্রেম ৱাক লৈবসু মথৌ তাই। মসিদগী অমগা অমগগী মরক্তা থাজবা অমসুং ললোন-ইতিক তৌবসু হেনগৎহনগনি।

কম্যুনিকেসনগীদমক্তা স্ত্রকচর মেকানিজম শেম্বা, বেস্ত প্রাক্তিসকী মুচুএল শিয়ারিং তৌবা, কেপাসিতী বিল্দিংগীদমক্তা অনৌবা ইনিসিএতিবশিং লৌবা অমসুং জোইন্ত কেম্পেনশিং হৌদোকপা, মসিদা নাকল অনিগী কান্নবশিংদা মিয়েং থমদুনা থবক তৌবা য়াবা অসিগুম্বা হিরমনি।

মরূপশা, ঐখোয়গী নাৎ অমসুং ললোন-ইতিক্কী শরুক য়ামিন্নবগী ইপা-ইপুগী লন তুংলমচৎতা ঐখোয়গী ইরক্তা ৱখল্লোনগী মরিনা চেৎপগুম অদুক্কী মতিক অচেৎপা ওইগনি। ঐখোয়গী নাত্তা চাওথোকচবগা লোইননা অতোপ্পগী নাৎপু ইকাই খুম্নবা ঐখোয়গী চৎনবীগী শরুক অমনি। মমাংঙৈদগী অমনা অমদগী তম্নদুনা লাক্লি অমসুং ত্রেদ অমসুং কঞ্জ্যুমর প্রোতেক্সনসু মসিদগী তোঙানবা নত্তে।

ঐনা থাজৈ মদুদি কনফ্রেন্স অসিদা তুংলমচৎকী শিংনবশিংদা মিয়েং থম্লদুনা ময়েক শেংবা বিজন অমগা লোইননা মাংদা চখৎনবা রোদমেপ শেমগনি। ঐনা থাজৈ মদুদি ঐখোয় কনফ্রেন্স অসিগী থোংদা রিজনেল কোওপরেসন অমবু ইন্সতিত্যুস্নেলাইজ তৌবদসু মাই পাক্কনি। কনফ্রেন্স অসিদা শরুক য়াবীবগীদমক্তা ঐনা অদোম্বু অমুক্কা হন্না থাগৎপা ফোংদোকচরি।

হন্না হন্না থাগৎচরি!!!