PMINDIA

News Updates

The content is auto sourced from PIB

চেনাইদা দেলি থানথিগী প্লেতিনম জুব্লিগী থৌরমদা পিখিবা প্রধানমন্ত্রীগী ৱারোলগী খঙ্গৎলবা ৱাফম

চেনাইদা দেলি থানথিগী প্লেতিনম জুব্লিগী থৌরমদা পিখিবা প্রধানমন্ত্রীগী ৱারোলগী খঙ্গৎলবা ৱাফম

চেনাইদা দেলি থানথিগী প্লেতিনম জুব্লিগী থৌরমদা পিখিবা প্রধানমন্ত্রীগী ৱারোলগী খঙ্গৎলবা ৱাফম

চেনাইদা দেলি থানথিগী প্লেতিনম জুব্লিগী থৌরমদা পিখিবা প্রধানমন্ত্রীগী ৱারোলগী খঙ্গৎলবা ৱাফম

অহনবমক্তদা, ঐহাক্না চেনাই অমসুং তামিল নাদুগী অতোপ্পা শরুক খরদা হন্দক্তা থোকখিবা অকনবা নোং অমসুং ইশিং ইচাওদা লৈখিদ্রবশিং অমসুং পাক চাওনা অৱাবা মায়োক্নরিবা অদুগী ইমুং মনুংশিং অদুদা অৱাবা ফোংদোকচরি অমসুং শরুক য়াজরি । ঐহাক্না পাংবা য়াবা মতেং পুম্নমক পাংগনি হায়না রাজ্য সরকারদা থাজবা পিরে । ঐহাক্না সেনিয়র জর্নেলিস্ত থিরু আর. মোহন্না লৈখিদবদশু অৱাবা ফোংদোকচরি ।

দিনা থানথি অসি চহি হুমফুতরা মঙা মপুং ফারে । শাংলবা মায়পাক্লবা খোংচৎ অসিগীদমক্তা থিরু এস.পি. অদিথানর, থিরু এস.তি. অদিথানর অমসুং থিরু বালাসুব্রমনিয়নজীগী কন্ত্রীব্যুসন অদু ঐহাক্না থাগৎপা ফোংদোকচরি । হৌখিবা চহি হুমফুতরা মঙা মমাদগী মখোয়গী মশক নাইবা হোৎনবা অদুনা থানথিবু খ্বাইদগী চাওবা মিদিয়া ব্রান্দশিংগী মরক্তা অমা ওইহল্লে । তামিল নাদু রাজ্য খক্তদা নত্তনা লৈবাক শিনবা থুংনা ফংহল্লি । মায় পাকপা অসিগীদমক্তা ঐহাক্না থানথি গ্রুপকী মেনেজমেন্ত অমসুং স্তাফপুশু থাগৎপা ফোংদোক্লি ।

পুং ২৪গী ই-পাওগী চেনেলশিং হৌজিক্তি ইন্দিয়ান মিলিয়ন কয়াদা ফংহল্লে । অদুম ওইনমক, মীওই কয়াদি খুৎ নামদা চা নত্রগা কোফী পায়দুনা অমসুং অতোপ্পা খুৎ নামনা পাওচে পায়দুনা মখোয়গী নুমীৎ হৌই । ঙসিদি দিনা থানথিনা মসিগী ওফরশিং অসি এদিসন তরাতরেৎকী খুথাংদা তামিল নাদু খক্তা নত্তনা বেঙ্গলুরু, মুম্বাই অমসুং দুবাই ফাওবা ফংহল্লে হায়বা ইফমদা খংহনবিরে । চহি হুমফুতরা মঙাদগী মসিগী রিমার্কেবল এক্সপান্সন অসি থিরু এস.পি. এদিথানারগী লিচিংগী মীৎয়েংখাদা ত্রিব্যুত অমনি, মহাক্না মসিগী পাও-চে অসি ১৯৪২দা হৌদোকখি । মতম অদুদা পাও-চে নম্বা অসি শেল য়াম্না চংলম্মী । অদুবু মহাক্না চরু শিজিন্নদুনা খুৎনা শাবা চেদা নম্দুনা পাও-চে অসি হৌখি ।

ফোন্ত সাইজ, অচম্বা লোন অমসুং খংবদা লাইনা থোকহনবা অদুনা দিনা থানথিবু মীয়াম্না পাম্নবা ওইহনখি । মতম অদুদি মসিনা মখোয়দা পোলিতিকেল এৱার্নেস অমসুং ইনফোর্মেশন পিরম্মী । মসিগী পাও-চে অসি পানবগীদমক মীয়াম্না চা য়োনফমবা ক্রক ক্রক ইন্নরম্মী । মতৌ অদুম্না খোংচৎ হৌরকখি, মদুনা হৌজিক ফাওবা চৎথরি, মসিনা চাং নাইনা কোভর তৌবদগীদি রাজ্য অসিদা লৈরিবা নোংমগী চারা তাল্লগা চাবা মীওইদগী হৌরগা থাক ৱাংলবা পোলিতিকেল ফঙ্কসনরি ফাওবা দিনা থানথিবু পোপুলর ওইহল্লে ।

থানথি হায়বদি তেলেগ্রাম হায়বনি হায়বা অদু ঐহাক খংলে । দিনা থানথি হায়বদি “দেলি তেলেগ্রাম” । হৌখিবা চহি হুমফুতরা মঙাদগী পোষ্টেল দিপার্তমেন্তনা দেলিবর তৌরিবা ত্রেদিস্নেল তেলেগ্রাম অদু শিজিন্নখিদ্রে অমসুং মুৎখ্রে । অদুবু মসিগী তেলেগ্রাম অসিদি নুমীৎ খুদিংগী চাওথোরক্লি । মসিদি নোম্বা কনবা অমসুং কমিতমেন্তগী তুংদা নোবল আইদিয়াগী পৱারনি ।

ঐহাক্না তাবদা নুঙাইবা ফাওই মদুদি থানথি গ্রুপনা মসিগী ফাউন্দর থিরু অদিথানারগী মিংদা তামিল লিতরেচর প্রমোত তৌনবগীদমক এৱার্দশিং ইনস্তিত্যুত তৌরি । ঐহাক্না মসিগী এৱার্দিশিং অসিবু থমোয় শেংনা নুঙাইবা ফোংদোকচরি: থিরু, তামিলানবন, দা. ইরাই অনবু অমসুং থিরু. ভি.জি. সানথোশম । মসিগী রিকোগনিসন অসিনা ইবা খোৎপবু নোবল প্রোফেসন অমা ওইনা লৌরিবা মখোয় অদুগীদমক মোতিবেতিং ফেক্তর অমা ওইরগনি হায়বা ঐহাক্না থাজবা থম্মী ।

ইচল ইচে অমসুং ইচিল ইনাওশিং,

খংনবগীদমক মীওইবা জাতিনা থিজিনবা অসি ঐখোয়গী পুৱারিদগী হৌরক্লবনি । জর্নেলিজমনা মসিগী খৌরাংবা অসি কোকহনবদা মতেং পাংই । ঙসিদি, পাও-চেনা থৌদোক ৱাথোক্কী পাও খক্তমক পিদ্রে । মখোয়না ঐখোয়গী ৱাখল্লোন শেমগৎপা অমসুং মালেমদা থোংনাও অমা হাংদোকপশু ঙমলে । হেন্না ময়েক শেংবা ৱাফমদা মিদিয়া অসি সোসাইতি ত্রান্সফোর্ম তৌনবা পাম্বৈ অমনি । মদুমক্ননি ঐখোয়না মিদিয়াবু দেমোক্রেসিগী মরিশুবা য়ুম্বীনি হায়রিবা । কলমগী শক্তিবু উৎথোক্তুনা তাক্লিবা মখোয়শিং অদুগী মরক্তা পুনবা ফংজবা অসি ঐহাক্কী লাইবক ফবনি ।

কোলোনিয়েলিজমগী অমম্বা নুমীৎশিং অদুগী মতম অদুদা রাজা রাম মোহন রোয়গী সম্বাদ কাউমুদি, লোকমান্যা তিলক্কী কেসরি অমসুং মহাত্মা গান্ধীগী নবজীবন অসিনচিংবা পব্লিকেসনশিংনা নিংতম আন্দলোনদা মীরা চুখৎতুনা থৌনা হাপখি । লৈবাক অসিগী মফম খুদিংদা জর্নেলিজমগী লময়ানবা কয়া লৈরি মখোয়না নুঙাইরবা পুন্সি মহিং থাদোকখি । মখোয়না মখোয়গী পাও-চেশিংগী খুথাংদা পাক চাওনা ভাব তাহনবা অমসুং মীকপ থোকহনবদা মতেং পাংখি । মসি অদুগুম্লবা লময়ানবশিং অদুগী ৱাংলবা ৱাখল্লোনশিং অদুনা ওইরম্বা য়াই মদুনা ব্রিতিশনা পাল্লিঙৈ মতমদা মশিং য়াম্লবা পাও-চেশিং লিংখৎখি, ঙসিসু লেপতনা চৎথরি ।

মরূপশিং,

ঐখোয়না শুকাও কাওরোইদবনি মদুদি থংনবা চারোলশিংনা সোসাইতি অমসুং জাতিগী মায়কৈদা মথৌতাবা থৌদাংশিং অদু পাংথোক্তুনা লাক্লি । মতৌ অদুম্না ঐখোয়না নিংতম্বা ফংখিবনি । নিং তম্বা ফংলবা মতুং পব্লিক্না ৱা ঙাংবদা  নাগরিকশিংগী ফংফম থোকপা হক অদু ফংবা মরু ওইরকখি । লাইবক থিবনা মতম কয়াদগী ঐখোয়গী লনাই অমসুং অপুনবা থৌদাংগী সেন্স অদু মীরাইবা ঐখোয়না উবা ফংলি । মসিনা ঙসিদি ঐখোয়গী সমাজ অসিবু মখল কয়াগী লৈনানা নাহল্লে । পুংফম অসিদা মথৌ তারিবা অসি “নাগরিকশিংবু এঙ্গেজ তৌবা, থৌদাং লৌহনবা অমসুং এৱেয়র তৌবনি” ।  “এনতাইতলনেন্তকী” সিভিক সেন্স অসি “রেস্পোন্সিবল এঙ্গেজমেন্তকী”  সিভিক সেন্স অমনা মতিকচাবা থাক মান্নবা পুরক্কনি । মসি ওইথোক্কনি, অদুম ওইনমক, ঐখোয়গী এদুকেসন সিস্তেম অমসুং ঐখোয়গী রাজনিতীগী লুচিংবশিংগী খুথাংদা । অদুবু মিদিয়ানশু মফম অসিদা মরুওইবা থৌদাং অমা লোরি ।

ইচল ইচে অমসুং ইচিল ইনাওশিং,

নিং তম্বগীদমক ৱা ঙাংলিবা অদুগুম্বা পাও-চে কয়া অদু ইরৈবাক ইজাতিগী পাও-চে ওইরম্মী । অশেংবদি, ব্রিতিশ সরকারনা ভারতকী ইরৈবাক ইজাতিগী পাও-চেশিংদা অকিবা পোকলম্মী । ইরৈবাক ইজাতিগী পাও-চেশিংদা য়াচল থাংনবা ১৮৭৮দা অদুগুম্বা ভর্নাকুলর প্রেস এক্ত চৎনহনখি ।

ঐখোয়গী তোপ তোপ্পা লৈবাক অসিদা, ভর্নাকুলর ন্যুসপেপরশিংগী থৌদাং- রিজনেলগী লোনশিংদা ফোংলিবা পাও-চেশিং- মতম অদুদা মরু ওইরম্বা অদুম্না ঙসিসু মরু ওইরি । প্রজা মীয়াম্না লায়না খংবা ঙম্বা লোনশিং মখোয়দা য়াওরি । য়াম্না তোইনা, মখোয়না খুৎশু খুৎলাই পাইবা অমসুং সমাজদা কান্নদবা কাংলুপশিংগী চাকথাক হুল্লি । মখোয়গী মপাঙ্গল, মখোয়গী ইম্পেক্ত, মতৌ অদুম্না মখোয়গী থৌদাং অদু কৈদৌনুংদা অন্দরস্তিমেত তৌরোইদবনি । মখোয় অসি অথাপ্পা মফমশিংদা সরকারগী থবক থৌরম অমসুং পোলিসীশিংগী পাও পুরিবশিংনি । মদুগা মান্ননা মখোয় অসি ঐখোয়গী প্রজাগী ৱাখল্লোনশিং, ফিল্লিংশিং অমসুং ইমোসনশিংগী লমজিং মৈরানি ।

মরূপশিং,

ঐহাক্না য়াম্না তোইনা মীয়াম্না অঙকপা ফাওরিবা অদু উরে মদুদি নুমীৎখুদিংগী মালেম অসিদা থোক্লিবা থৌদোকশিংগী চাং অসি য়াম্না য়াম্লবসু মদু পাও-চেদা ফিত ওইখি । তশেংবদি ঐখোয় পুম্নমক্না মসি খংলে মদুদি মালেম অসিদা নুমীৎ খুদিংগী থৌদোক কয়া থোক্লি । ইদিতরশিং অদুনা মরুওইবা ই-পাও অদু খন্দোকই অমসুং লেপথোকই । করম্বা পাওনা মমাংদা হাপকনি করম্বা পাওদা মফম কয়া য়াম্না কলহনগনি করম্বা পাওনা হাপত্রবশু য়াগনি হায়বা অদু মখোয়না লেপথোকই । তশেংনা মসি ইদিতরশিংগী য়াম্না চাওবা থৌদাংনি । মতৌ অসুম্না ইবগী নিং তম্বা অমসুং করি ইগনি হায়বা অদুগী ৱারেপ লৌবা অদুগী নিং তম্বা ফংবা অদুদা অচুম্বা অদু তাথনা নত্রগা অরানবা মওংদা ইবগী নিং তম্বা অদুদি লৈতে । মহাত্মা গান্ধীগী ৱারোলদা, প্রেসপু দেমোক্রেসিগী মরিশুবা য়ুম্বীনি হায়বিরম্মী । তশেংবদি মসি শক্তি অমনি অদুবু মসিগী শক্তি অসি লান্না শিজিন্নবদি মরাল লংশিনবনি ।
মিদিয়া অসি লনাই মীওইগী ওইজরগশু, মসি প্রজা ময়ামগী কান্ননবা ওইগদবনি । খং হৈরবশিংনা হায়বিরি মদুদি মসিনা পাঙ্গল থৌনাগী মহুৎ শান্তিগী মতেংনা ৱারোইশিন পুরকপদা মতেং ওই । মরম অদুনা মসিবু মীয়াম্না খন্দুনা শেমলবা সরকার নত্রগা জুদিস্যরিগী অচৌবা থৌদাং লৈ । শক্নাইরবা লাইনিংবা থিরুবল্লুবরগী ৱাহৈদা, মালেম অসিদা ইথিক্স নত্তনা করিসু লৈতে, মদুনা মীংচৎ অমসুং লন-থুম অনিমক পুরক্কনি ।

মরূপশিং,

মিদিয়াদা তেক্নোলোজীনা চাওনা অহোংবা পুরক্লে । মতম অমদদি, নুমীৎ অদুগী মরুওইবা পাও অদু খুঙ্গংগী ব্লেকবোর্দতা ইরম্মী, মদুগী মগুন ৱাংলম্মী । ঙসিদি, ঐখোয়গী মিদিয়া অসি রেঞ্জ খুদিংদা পাকথোক চাওথোক্লে, অদুগুম্বা খুঙ্গংগী ব্লেকবোর্দ অদুদগী ওনলাইন বুল্লেতিন বোর্দশিংদা য়ৌখ্রে । ঐহাক্না চেৎনা থাজৈ মদুদি করিগুম্বা মতমদা মিদিয়াদা রিফোর্ম মথৌ তারকপা মতমদা লনাইগী ৱাখল্লোন চুমথোকপগী খুথাংদা খক্তদা ওইথোক্কনি । তশেংনা ঐখোয়না ২৬/১১গী মুম্বাই তেরর এতেক্কুম্বা থৌদোক খরদা ইনত্রোস্পেক্সনগী থৌদোক অসি থোকখিবা থেংনখ্রে । মসি তোয়না পাংথোক্কদবনি ।

মরূপশিং,

ঐহাক্না ঐখোয়গী নুংশিজরবা হান্নগী রাষ্ট্রপতি দা. এপিজে অব্দুল কলামগী ৱাফম নিংশিংজরি: “ঐখোয়গী লৈবাক অসি মমিং চৎপা লৈবাক অমনি । অঙকপনা থল্লবা মায় পাকখিবগী ৱারি কয়া অমা ঐখোয়গী লৈরি, অদুবু মদু ঐখোয়না য়ানিংদ্রিবা অসি করিগীনো?”

ঐহাক্না উবা ফংলে মদুদি ঙসিদি মিদিয়া অয়াম্বা রাজনিগী অকোয়বদা কোয়চৎ চৎলি । দেমোক্রেসিদা রাজনিগী মরমদা কুপ্না নৈনবশু অফবা ৱাফমনি । অদুম ওইনমক ভারত্তা রাজনিতী তৌবশিংদগী হেনবা অতোপ্পা কয়া অমা লৈরি । মফম অসিদা ভারত মচা কোতি ১২৫ লৈরি, মখোয়না পুনশিল্লগা ভারতপু শেম্লিবনি । মীওইশিং অদুগী ৱারিশিং, অমসুং মখোয়গী এচিবমেন্তশিং অদুদা মিদিয়ানা হেন্না পুক্নিং চংলগদি ঐহাক অপেনবা পোক্কনি ।

হোৎনরিবা অসিদা মোবাইল ফোন শিজিন্নরিবা মীপুম খুদিংমক অদোমগী মরুপশিংনি । ইন্দিবিজুয়েলশিংগী মায়পাকপগী ৱারিশিং সেয়ার তৌবদা নাগরিশিগী পাওদম অদু মরুওইবা খুৎলাই ওইবা য়াই । মসিবু ক্রাইসিস নত্রগা নেচরেল দিজাস্তরগী মতমদা মী কনবা অমসুং মতেং পাংনবা পাওতাক পিবদা চাওনা মতেং ওইগনি ।

স্বচ্ছ ভারত মিশনদা লৌরিবা থৌদাং অদুগীদমক মিদিয়াবু থাগৎচনবা তঞ্জা অদু ঐহাক্না লৌজরি । মহাত্মা গান্ধী ১৫০শুবা মপোক কুমোন ২০১৯ ফাওবদা স্বচ্ছ ভারতকী পান্দম অদু ফংনবা হোৎহরি । লু নানবগী মায়কৈদা পুন্না চংশিন্নবা পাওজেল পিবদা মিদিয়ানা লৌরিবা থৌদাং অদুগীদমক ঐহাক্না থাগৎপা ফোংদোক্লি । মরমদি ঐখোয়গী পীন্দম অদু ফংনবা হোৎনবদা করি চিৎথবা লৈরিবগে হায়বা অদু মিদিয়ানা ঐখোয়দা খংহনবিরি ।

ইচল ইচে অমসুং ইচিল ইনাওশিং,

মিদিয়ানা মরুওইবা থৌদাং লৌবা য়াবা অতোপ্পা মরুওইবা লমশিং লৈরি । মদুদি এক ভারত, শ্রেষ্ঠ ভারতকী ইনিসিয়েতিবনি । মসি ঐহাক্না খুদম অমগা লোইননা শন্দোক্না হায়জগে । কনাগুম্বা পাও-চে অমনা মসিগীদমক নুমীৎ খুদিংগী কোলম অমগীদমক্তা ইঞ্চি খরগী মফম কাইথোকপা ঙমগদ্রা? নুমীৎ খুদিংগী, মখোয়না ফোংলিবা লোন অদুদা মদুগী ত্রান্সলেসন অমসুং ভারতকী মরুওইবা লোনশিং অদুদা ত্রান্স-লিতরেসনগা লোইননা অচম্বা ৱাহৈ পরেং অমা ইবা য়াই । চহি অদুগী লোইশিল্লকপদা পাওচে অদুবু পারিবশিংদশু মরুওইবা লোন খুদিংমক্কী অদুগুম্লবা অচম্বা ৱাহৈ পরেং ৩৬৫ খংবা ঙম্লগনি । মসিগী অচম্বা খোংথাং অসিগী পোজিতিব ওইবা ইম্পেক্ত অদু খন্দুনা য়েংবিয়ু । মখা তানা, স্কুলশিংনা মিনিত খরগী ওইনা নুমীৎ খুদিংগী মখোয়গী ক্লাসরুমদা দিসকজ তৌবদা পুক্নিং থৌগৎপা য়াই, মদুনা অঙাংশিংদশু ঐখোয়গী দাইবর্সিতী পাঙ্গল শক্তী অমসুং ইকাকখুনবা অদু এক্সপোজ তৌরগনি ।

ইচল ইচে অমসুং ইচিল ইনাওশিং,

মীওইবনা হিংলিবা চহি ৭৫গী মতম অসি হেন্না শাংদোকপা য়াই করিগুম্বা লৈবাক অমগী নত্রগা সংস্থান অমগীদমক মসিনা মরুওইবা থৌদাং য়ারগদি । চাওরাক্না থা অহুমগী মমাংদা ঐখোয়না ক্বিত ইন্দিয়া মুবমেন্তকী চহি ৭৫ শুরকপগী পালন পাংথোকখ্রে । মওং অমদা দিনা থানথিগী খোংচৎনা ভারতপু মশেক মঙাল থোকপা লৈবাক অমগী মওং মতৌদা উবা ফংলে ।

নুমীৎ অদুদা পর্লিয়ামেন্ততা ৱা ঙাংলদুনা ঐহাক্না ২০২২ ফাওবদা ন্যু ইন্দিয়া অমা শেমগৎনবা ফোংদোকখি । অদুগুম্লবা ভারত অমা মদুদা শেঞ্জা থুমজা, জাৎ বিজাৎ, কমুনিলেজম, লাইরবা, লাইরিক ময়েক চৎতবা, অমসুং অনা অয়েক অসিগুম্বা ফৎতবশিং লৈতবা । লাক্কদৌরিবা চহি মঙা অসি সংকল্প সা সিদ্ধি শোয়দনা পাংথোক্কদবনি । মতম অদু খক্তদা ঐখোয়গী নিংতম লান্মীশিংনা নিংজরম্বা ভারত অদু ওইহনবা ঙমগনি । ক্বিত ইন্দিয়া মুবমেন্তকী মতমদা পুথোকখিবা পাও-চেগী মওং মতৌ অদুদা ঐহাক্না দিনা থানথিদা হায়জনিংবদি হিরম অসিদা মসিগী চাওরবা থৌদাং লৈরি ।

লোইশিল্লকপদা, ঐহাক্না অমুক হন্না তামিল নাদুগী প্রজাগী সেবাদা দিনা থানথিবু নম্লগা পুথোক্লিবশিংগী হোৎনরিবা অদু থাগৎচরি । ঐহাক্না থাজবা থম্লি মদুদি মখোয়না ঐখোয়গী অথোইবা লৈবাক অসিগী লাইবক লেপ্পদা মরুওইবা থৌদাং লৌগনি ।

ময়ামবু থাগৎচরি ।