PMINDIA

News Updates

The content is auto sourced from PIB

প্রধানমন্ত্রীনা প্রধানমন্ত্রী সৌভাগ্য য়োজনা হৌদোকখ্রে, দীনদয়াল উর্জা ভবন জাতিদা কৎথোকখ্রে

প্রধানমন্ত্রী শ্রী নরেন্দ্র মোদীনা ঙসি দিল্লীদা প্রধানমন্ত্রী সহজ বিজলী হর ঘর য়োজনা, নত্রগা সৌভাগ্য হৌদোকখ্রে। স্কিম অসিগী পান্দম য়ুম খুদিংমক্তা মৈ ফংহনবনি।

পন্দিৎ দীনদয়াল উপধ্যায়গী মপোক কুমওনগী থৌরমদা, প্রধানমন্ত্রীনা অনৌবা ওএনজিসিগী শঙলেন দীনদয়াল উর্জা ভবনসু কৎথোকখি।

প্রধানমন্ত্রীনা জাতিদা বেসীন গ্যাস ফিল্দদা বুস্তর কম্প্রেসর ফেসিলিতিসু কৎথোকখি।

থৌরম অদুদা ৱা ঙাংলদুনা প্রধানমন্ত্রীনা জন-ধন য়োজনা, বীমা য়োজনা, মুদ্রা য়োজনা, উজ্জ্বলা য়োজনা অমসুং উড়ানগী মাই পাকপগী খুদম পীরদুনা হায়খি মদুদি মতৌ করম্না কেন্দ্র সরকারনা মসিগী কান্নবা লাইরবদগীনা লাইরবা ফাওবদা ফংহল্লিবা স্কিমশিং অসিবু পাইখৎলি।

মসিগী মতাংদা মহাক্না প্রধানমন্ত্রী সহজ বিজলী হর ঘর য়োজনাগী মতাংদা পনখি মদুদি মখোয়দা হৌজিক মৈগী কনেক্সন ফংদ্রিবা খনগৎলবা ইমুং কোতি মরিদা মৈগী কনেক্সন ফংহনগনি। স্কিম অসিগী অচংবা শেনফম অসি লুপা কোতি ১৬০০০দগী হেনগনি। প্রধানমন্ত্রীনা হায়খি মদুদি কনেক্সন অসি লাইরবশিংদা লেম্না ফংহনগনি।

থৌরম অদুদা ৱা ঙাংলদুনা ব্রধানমন্ত্রীনা ফোংদোকখি মদুদি মতৌ করম্না মহাক্না নুমিৎ ১,০০০নিগী মনুংদা মৈ ফংদবা খুঙ্গং ১৮,০০০দগী হেনবদা মৈ ফংহনবগী পান্দম মপুং ফাহনখি। মহাক্না হায়খি মদুদি হৌজিক খুঙ্গং ৩০০০দগী তাবা মফমশিংদা মৈ ফংহনগদবা ৱাৎলি।

মহাক্না হায়খি মদুদি মতৌ করম্না কোয়লা ৱাৎপা অসি মমাংগী ৱাফম ওইনা থোক্লে, অমসুং মৈ পুথোকপদা অহেনবা পাঙ্গলগী থোংদা পান্দমদগী হেন্না ফংবা ঙম্লে।

প্রধানমন্ত্রীনা রিন্যুএবল পৱার ইন্সতোল্দ কেপাসিতীদা খোংজেলগী হেনগৎলক্লিবা অসিগী মতাংদা পনখি অমসুং ২০২২ ফাওবদা গিগাৱাৎ ১৭৫গী পান্দমগী ৱাফম ফোংদোকখি। মহাক্না পনখি মদুদি মতৌ করম্না রিন্যুএবল ইনর্জীগী মতাংদা পাৱর তারিফতা ফজনা হন্থরে।

প্রধানমন্ত্রীনা হায়খি মদুদি মতৌ করম্না উদয় য়োজনানা পৱার দিস্ত্রিব্যুসন কম্পেনীশিংগী অমাংবশিং হন্থহনখি, মসিুবু মহাক্না কোওপরেতিব, কোম্পিতিতিব ফেদরেলিজমগী খুদম ওইনা পীখি।

উজালা য়োজনাগী শেনমিৎলোন্দা পীরিবা শাফু অদুবু ফোংদোক্লদুনা প্রধানমন্ত্রীনা হায়খি মদুদি এলইদিগী ব্লবকী মমলদা য়াম্না হন্থরে।

প্রধানমন্ত্রীনা হায়খি মদুদি অনৌবা ভারতপু ইনর্জী ফ্রেমৱর্ক অমগী মথৌ তাগনি মদু মান্ন্বা, অরোন-অথুপ লৈতবা অমসুং তুং কোইবা পান্দমদা থবক তৌরি। মহাক্না হায়খি মদুদি কেন্দ্র সরকারগী ৱার্ক কলচরদা অহোংবা পুরকপনা ইনর্জী সেক্তরদা অচেৎপা পুরক্লি। মহাক্না হায়খি মদুদি, মদুগী ওন্নবদা, লৈবাক অপুম্বগী ৱার্ক কলচরবু কান্নগদবা মওংদা ইথিল পীগনি।
খি।