PMINDIA

News Updates

The content is auto sourced from PIB

প্রধানমন্ত্রীনা বেঙ্গলুরুদা দশমাহ সৌন্দর্য় লহেরী পারায়নোৎসব মহাসমর্পন্দা শরুক য়াখ্রে

প্রধানমন্ত্রী শ্রী নরেন্দ্র মোদীনা ঙসি বেঙ্গলুরুদা দশমাহ সৌন্দর্য় লহেরী পারায়নোৎসব মহাসমর্পন্দা শরুক য়াখ্রে।

সৌন্দর্য় লহেরী অসি আদি শঙ্করাচার্যনা লেংলম্বা শ্লোকশিংগী খোমজিনবনি। থৌরম অসিদা সৌন্দর্য় লহেরী মীয়াম পুন্না থিমিন্নখি।

থৌরম অদুদা ৱা ঙাংলদুনা প্রধানমন্ত্রীনা হায়খি মদুদি মহাক অসিগুম্বা মীয়াম্না পুন্না থিমিন্নবা মরক অসিদা থোইদোকপা থৌনা অমা ফংবগুম তৌরি।

প্রধানমন্ত্রীনা মতম খরগী মমাংদা কেদরনাথকী মাগী খোংচৎ অদুবু নীংশিংখি অমসুং হায়খি মদুদি মহাক আদি শঙ্করাচার্যনা মাগী তেল্লবা মতমদা অরাপ্পা মনুং হঞ্জিনবা মফমশিংগা লোইননা ভারতকী অতৈ মফমশিংদা তৌবীরম্বা থবকশিং অদুবু উরুরগা নোল্লুকপদনা পীক থল্লে। মহাক্না হায়খি মদুদি আদি শঙ্করাচার্যনা বেদ অমসুং উপনিষদশিংগী থোংদা ভারতপু অমত্তা ওইনা পুন্সিনবীরম্মি।

প্রধানমন্ত্রীনা হায়খি মদুদি আদি শঙ্করাচার্যনা ইবীরম্বা – সৌন্দয় লহেরীগা মীচম মীয়াম্না মশাবু মরি লৈনহনবা য়াই। মহাক্না হায়খি মদুদি আদি শঙ্করাচার্যনা খুন্নাই অসিদগী ফত্তবশিংবু তান্থোকপীখি অমসুং মখোয়বু তুংলমচৎকী মীরোল ফাওবা য়ৌশিনবা অদুদগী ঙাকথোকপীরম্মি। মহাক্না হায়খি মদুদি আদি শঙ্করাচার্যনা তোঙান তোঙানবা ৱাখল্লোনশিংগী অফবশিং অদু লৌশিল্লম্মি অমসুং মদুদা খন্না নৈনরম্মি। মহাক্না হায়খি মদুদি আদি শঙ্করাচার্যগী লাইনীং ঙসিসু ভারতকী ইনাৎ লৈরিবা শক্তম অসিদা মমি তারি। মসি পুম্নমক্না য়ানরবা অমসুং অপুনবা ওইনা মাংদা পুখৎলিবা ইনাৎ অমনি। প্রধানমন্ত্রীনা হায়খি মদুদি ইনাৎ অসি অনৌবা ভারতকী য়ুম্ফম অদুনি অমসুং পুম্নমক্কা লোইননা পুম্নমক্কী চাওখৎপা মন্ত্র অদু ঙাক্লি।

প্রধানমন্ত্রীনা হায়খি মদুদি অমরোমদা ভারতকী নাৎকী লন অসিদা মালেমগী ওইবা সমস্যা খুদিংমক্কী পাউখুম য়াওরি। মহাক্না হায়খি মদুদি ভারত্তা মহৌষাবু মাংহন-তাকহনবা থিংননবা মতম পুম্নমক্তা শাফু পীরি।

প্রধানমন্ত্রীনা হায়খি মদুদি মসিগী মমল হান্না লুপা ৩৫০দগী হেন্না পীরম্বা এলইদি ব্লব অদু হৌজিক উজ্জ্বালা য়োজনাগী মখাদা শুপ্নগী লুপা ৪০দগী ৪৫ খক্তদা ফংলে। মহাক্না হায়খি মদুদি হৌজিক ফাওবদা এলইদি ব্লব কোতি ২৭তগী হেন্না য়েন্থোকখ্রে। মহাক্না হায়খি মদুদি মসিদগী মৈগী বীলসু কনবা ঙম্লগনি।

প্রধানমন্ত্রীনা পনখি মদুদি উজ্জ্বালা য়োজনাগী থোংদা এলপিজি কনেক্সন কোতি ৩দগী হেন্না য়েন্থোকখ্রে। মসিদগী শুপ্নগী খুঙ্গংগী নুপীশিংগী পুন্সিদা কান্নবা অহোংবা পুরকপদা নত্তনা মসিনা অকোইবগী ফিভমবু লু-নান্না থম্বদসু থৌদাং য়ারি।

প্রধানমন্ত্রীনা হায়খি মদুদি ভারতপু ময়েক চৎতবা, লৌশিং লৈতবা, পীজ-পথক ৱাৎপা, অরোনবা লন-থুম অমসুং শেঞ্জা-থুমজাদগী নান্থোক্নবা হোৎনবা অসি মতমগী পুরকপনি।