PMINDIA

News Updates

The content is auto sourced from PIB

প্রধানমন্ত্রীনা মহাক্কী খোংচৎকী নিনি চনবা নুমিত্তা মুশোরীগী এলবিএসএনএএদা ৯২শুবা ফাউন্দেসন কোর্সকী ওফিসর ত্রেনীশিংদা ৱা ঙাংখ্রে

প্রধানমন্ত্রীনা মহাক্কী খোংচৎকী নিনি চনবা নুমিত্তা মুশোরীগী এলবিএসএনএএদা ৯২শুবা ফাউন্দেসন কোর্সকী ওফিসর ত্রেনীশিংদা ৱা ঙাংখ্রে

প্রধানমন্ত্রীনা মহাক্কী খোংচৎকী নিনি চনবা নুমিত্তা মুশোরীগী এলবিএসএনএএদা ৯২শুবা ফাউন্দেসন কোর্সকী ওফিসর ত্রেনীশিংদা ৱা ঙাংখ্রে

প্রধানমন্ত্রীনা মহাক্কী খোংচৎকী নিনি চনবা নুমিত্তা মুশোরীগী এলবিএসএনএএদা ৯২শুবা ফাউন্দেসন কোর্সকী ওফিসর ত্রেনীশিংদা ৱা ঙাংখ্রে

প্রধানমন্ত্রী শ্রী নরেন্দ্র মোদীনা ঙসি মহাক্কী খোংচৎকী নিনিচনবা নুমিত্তা মশুরীগী এলবিএসএনএএদা ৯২শুবা ফাউন্দেসন কোর্সকী ওফিসর ত্রেনী ৩৬০দা ৱা ঙাংখ্রে। ওফিসর ত্রেনীশিং অদুদা সিবিল সর্বিসকী ১৭ অমসুং রোয়েল ভুতান সিবিল সর্বিসকী অহুম য়াওরি।

ৱারোল অদু ওফিসর ত্রেনীশিংনা ‘করিগীদমক ঐনা সিবিল সর্বিসতা চংলিবনো’ হায়বা হিরমদা অমসুং হাউশিং, এজুকেসন, ইন্তিগ্রেতেদ ত্রান্সপোর্ত সিস্তেম, মেলন্যুত্রিসন, সোলিদ ৱেস্ত মেনেজমেন্ত, স্কিল দিব্লপমেন্ত, দিজিতেল ত্রান্সেক্সন, এক ভারত-শ্রেষ্ঠ ভারত অমসুং ন্যু ইন্দিয়া – ২০২২গুম্বা হিরম কয়াদা পাংথোকপা ৱারেং ইবগী প্রজেন্তেসন অমগী মাংওইননা পীখিবনি।

ওফিসর ত্রেনীশিংদা ৱা ঙাংলদুনা প্রধানমন্ত্রীনা মখোয়গী প্রজেন্তেসনশিং অদু থাগৎপা ফোংদোকপদগী হৌখি। মহাক্না হায়খি মদুদি মসি ঐঙোন্দা খঙহনখি মদুদি প্রজেন্তেসনশিং অসি ভারত সরকারগী সেনীয়র ওইরবা ওফিসরশিংনা কুপ্না নৈনগনি। মহাক্না হায়খি মখোয়গী নৈনা ৱারোল অমসুং ফীদবেক অদু ফাউন্দেসন কোর্স অসি লোইদ্রিঙৈগী মমাংদা ত্রেনী ওফিসরশিংদা শোইদনা শিয়ার তৌগদবনি।

ত্রেনীং অসি হেক লোইরবা মতুংদা ওফিসর ত্রেনীশিংনা মখোয়গী পুন্সি অদু করম্না শেম-শাগদগে হায়বগী মতাংদা ফোংদোক্লদুনা প্রধানমন্ত্রীনা হায়খি মদুদি মখোয়না মতম পুম্নমক্তা মখোয়গী অকোইবদা লৈরিবা মীয়ামগীদমক মিকুপ নাহুমশিংনা অমসুং শেম-শাদুনা লৈগদবনি। মহাক্না হায়খি মদুদি লাইরিক্তা তমখিবশিং অদুনা মখোয়বু অরানবা লম্বীদা চৎখিগদবদগী শোইদনা কঞ্জবা ঙমগনি অদুবু মখোয়গী মাই পাকহনবদা মতেং ওইহনগদবা মখোয়গী তীম অমসুং মীয়ামগা লোইননা মরি থম্নগদবনি।

প্রধানমন্ত্রীনা পোলিসীগী অনৌবা খোংথাংশিং মাই পাক্নবা থবক্তা ওন্থোকপা ঙম্ননবা জন-ভাগীদারী নত্রগা মীয়াম্না শরুক য়াবা অদুদা শাফু পীখি।

প্রধানমন্ত্রীনা হায়খি মদুদি মীয়ামগী ইহৌনা দেমোক্রেসীদা অহোংবা পুরকপা ঙম্মি, অমসুং সিবিল সর্বিসশিংনা মসিগীদমক্তা মাংজিন থাগদবনি। ঙরাং পাংথোকখিবা নাৎকী ওইবা থৌরমদা ওতিশিংনা শকখিবা লাইশোল ঈশৈ “বৈশ্নব জন”গী মতাংদা পল্লদুনা প্রধানমন্ত্রীনা হায়খি মদুদি ওতিশিংনা ঈশৈ অসিগী ময়েক ‘বৈশ্নব জন’ অসি ‘সিবিল সর্বেন্ত’তা হোংদোক্লবা মতুংদা নৈনগদবনি।

প্রধানমন্ত্রীনা হায়খি মদুদি মমিং ফোংদোক্তবা অসি সিবিল সর্বেন্তকী খ্বাইদগী চাওবা পাঙ্গলনি। মহাক্না আশোক ইমব্লেমগী মরিশুবা নোংশাগা চাংদম্নখি, মদু মতম পুম্নমক্তা শক লোৎতুনা লৈ অদুম ওইনমক মতম পুম্নমক্তা মহাক্না লৈবা অদুদি ৱাখলদা ফাওদুনতা লৈ ।

প্রধানমন্ত্রীনা হায়খি মদুদি লম কোইবা অসি ভারতকী চাওরবা চৎনবীনি অমসুং লমকোইবা অমসুং মীয়ামগা ৱারি শান্নবা অসি য়াম্না চাওবা তমনীংঙাই ওইবা থৌওং অমনি। মহাক্না ওফিসরশিংদা ফোংদোকখি মদুদি মখোয়গী পোস্তিং মনুংদা ফিল্দ এরিয়াশিংদা চৎকদবনি।

ওতিশিংদা পাউতাক পীরদুনা প্রধানমন্ত্রীনা হায়খি মদুদি মখোয়বু এলবিএসএনএএদা মাই পাক্না পুরক্লিবা ‘কেরিয়রগী ৱাখল্লোন’ অদু হৌজিক ‘মিশনগী ৱাখল্লোন’দা হোংদোক্কদবনি। মহাক্না হায়খি মদুদি, তুংলমচত্তা মখোয়না ফিল্দদা থবক তৌরকপা মতমদা মদু মখোয়গী ‘পুন্সিগী পান্দম’ শোইদনা ওইহনগদবনি।

মসিগী মমাংদা অয়ুক অঙনবদা প্রধানমন্ত্রীনা হিমালয়গী তম্পাক্তা একাদমীগী লম্পাক্তা পাংথোকপা য়োগগী থৌরম অমদা শরুক য়াখি।

প্রধানমন্ত্রীনা অনৌবা হোস্তেলগী বিল্দিং অমসুং মিতর ২০০ শাংবা মল্তিফংস্নেল সিন্থেতিক এথলেতিক ত্রেক অমগী উরেপ-উয়ুং তম্ননবা প্লেকশিংগী মাইখুম হাংদোকখি।

প্রধানমন্ত্রীনা একাদমীদা লৈবা বালৱাডীদা চৎখি অমসুং অঙাংশিংগা ৱারি শানখি। মহাক্না একাদমীগী জিম্নাজিয়ম অমসুং অতৈ মফমশিংদসু চৎখি।