PMINDIA

News Updates

The content is auto sourced from PIB

প্রধানমন্ত্রীনা স্বচ ভারত দিবস মার্ক তৌবগী থৌরমদা ৱা ঙাংখ্রে: স্বচ ভারত মিসন হৌদোকখিবগী ৩শুবা এনিবর্সরি, অমসুং থখায় অমগী স্বচতা হি সেবা লৌইশিনবা

ঙসি প্রধানমন্ত্রী শ্রী নরেন্দ্র মোদীনা স্বচ ভারত মিসন হৌদোকখিবগী ৩শুবা এনিবর্সরি অমসুং থখায় অমগী স্বচতা হি সেবা লোইশিল্লদুনা স্বচ ভারত দিবস মার্ক তৌবগী থৌরমদা ৱা ঙাংখ্রে ।

ওক্তোবর ২ অসি মহাত্মা গান্ধী অমসুং লাল বহাদুর শাস্ত্রীগী মপোক নুমীৎ পাংথোক্লি হায়না মহাক্না ফোংদোকখি; অমসুং স্বচ ভারতকী ওইবা ঐখোয়গী পান্দম অদুগী মায়কৈরোমদা ঐখোয়না কয়া য়াম্না চংশিল্লবগে হায়বদু মমী তারিবা থৌরম অমনি ।

চহি অহুমগী মমাংদা মতৌ করম্না স্বচ ভারত মুবমেন্ত হৌদোকখিবগে হায়বদু মহাক্না নৌহৌনা নিংশিংখি, পাক চাওনা নৈননিঙাই ওইবা অদু পনখি । মহাত্মা গান্ধিনা উৎপিরম্বা লম্বী অদু কৈদৌনুংদা অরানবা ওইরোই হায়বদু মহাক্না কনভিন্স তৌই হায়না মহাক্না ফোংদোকখি । মহাক্না হায়খি মদুদি করিগুম্বা মফম অসিদা মায়োক্নবা লৈবা তারগশু কনাগুম্বা অমত্তনা মখোয়দা ইকায়নিঙায় ওইদে ।

প্রধানমন্ত্রীনা হায়খি মদুদি ঙসিদি প্রজাশিংনা খোঞ্জেল অমত্তা ওইনা লু নানবগী অপাম্বা অদু ফোংদোক্লরে । মহাক্না মখা তাখি মদুদি স্বচতা অসি সরকারগী লুচিংবশিংগী অনিংবা অপাম্বনা ফংবা ঙমলোয়, অদুবু সমায়কী হোৎনবগী খুথাংদা ফংবা ঙমগনি । ময়াম্না শরুক য়ারকপা অসি থাগৎনিঙাইনি হায়না প্রধানমন্ত্রীনা ফোংদোকখি, ঙসিদি স্বচতা অভিয়ান অসি সমাজকী খোংজং অমা ওইরক্লে হায়না মহাক্না মখা তাখি । মহাক্না হায়খি মদুদি হৌজিক ফাওবদা ফংলিবা অসি, ভারত প্রজাগী স্বচহাগ্রাহি অদুগী অচিবমেন্ত অদুশুনি ।

করিগুম্বা স্বরাজ অসি স্বচহাগ্রাহিনা ফংখিবা ওইরগদি, শ্রেস্থা ভারত অসিশু স্বচহাগ্রাহিনা ফংবা ঙমগনি হায়না প্রধানমন্ত্রীনা ফোংদোকখি ।

সহরশিংগী স্বচতা রেঙ্কিং অদু পল্লদুনা, মখোয়না পোজিতিব, কম্পিতিতিব এতমোসফিয়ার অমা ওইহল্লে হায়না প্রধানমন্ত্রীনা হায়খি । স্বচতানা আইদিয়াশিংগী রিভোলুসন অমাশু মথৌ তারি; অমসুং চাংদম্নবা অসিনা স্বচতাগী কনসেপ্তা ৱাখল্লোনশিংগী প্লেতফোর্ম অমা পিরি হায়না মহাক্না হায়খি ।

থখায় অমগী স্বচতা হি সেবাগী মনুংদা কৎথোকপগা লোয়ননা শরুক য়াখিবা মখোয় পুম্নমক অদুবু প্রধানমন্ত্রীনা থাগৎপা ফোংদোকখি; অদুবু পাংথোক্কদবা য়াম্না ৱাৎলি হায়না মখা তাখি ।

নেস্নেল এসে, পেন্তিং অমসুং ফিল্ম কম্পিতিসনশিংদা মকোক তাখ্রবশিংদা প্রধানমন্ত্রীনা মনাশিং খুৎশিংন্নখি, অমসুং দিজিতেল দিসপ্লে গেলরিদশু ভিজিত তৌখি ।