ପିଏମଇଣ୍ଡିଆ

ସଦ୍ୟତମ ଖବର

ପିଆଇବି ସୂତ୍ରରୁ ସ୍ବତଃ ଉପଲବ୍ଧ

ଛୋଟିଲା ସାଧାରଣ ସଭାରେ ପ୍ରଧାନମନ୍ତ୍ରୀଙ୍କ ଉଦ୍ବୋଧନ; ରାଜକୋଟ ପାଇଁ ଗ୍ରୀନଫିଲ୍ଡ ବିମାନ ବନ୍ଦରର ଭିତ୍ତିପ୍ରସ୍ଥର ସ୍ଥାପନ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ସୁରେନ୍ଦ୍ରନଗର ଜିଲ୍ଲାର ଛୋଟିଲାଠାରେ ଏକ ସାଧାରଣ ସଭାରେ ଉଦ୍ବୋଧନ ଦେଇଥିଲେ । ସେ ରାଜକୋଟ ପାଇଁ ଏକ ଗ୍ରୀନଫିଲ୍ଡ ବିମାନ ବନ୍ଦର, ଅହମ୍ମଦାବାଦ-ରାଜକୋଟ ଜାତୀୟ ରାଜପଥକୁ 6 ଲେନ୍ ପର୍ଯ୍ୟନ୍ତ ସମ୍ପ୍ରସାରଣ ଏବଂ ରାଜକୋଟ-ମୋରବୀ ରାଜ୍ୟ ରାଜପଥକୁ 4 ଲେନକୁ ସମ୍ପ୍ରସାରଣ କାର୍ଯ୍ୟ ପାଇଁ ଭିତ୍ତିପ୍ରସ୍ଥର ସ୍ଥାପନ କରିଥିଲେ। ସେ ମଧ୍ୟ ଏକ ପୂର୍ଣ୍ଣ ସ୍ୱୟଂଚାଳିତ ଦୁଗ୍ଧ ପ୍ରକ୍ରିୟାକରଣ ଓ ପ୍ୟାକେଜିଂ ପ୍ଳାଣ୍ଟ ଏବଂ ସୁରେନ୍ଦ୍ରନଗରର ଜୋରାବ ନଗର ଓ ରତନପୁର ପାଇଁ ପାନୀୟ ଜଳ ଯୋଗାଣ ପାଇପ ଲାଇନ୍ ପ୍ରକଳ୍ପକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପିତ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ସୁରେନ୍ଦ୍ରନଗର ଜିଲ୍ଲାରେ ଏକ ବିମାନ ବନ୍ଦର ନିର୍ମାଣ କରାଯିବା କଳ୍ପନା ବାହାରେ ଥିଲା । ସେ କହିଥିଲେ ଯେ ଏହିପରି ବିକାଶମୂଳକ କାର୍ଯ୍ୟ ନାଗରିକଙ୍କୁ ସଶକ୍ତ କରିଥାଏ ।

ସେ କହିଥିଲେ ଯେ ବିମାନ ସେବା କେବଳ ଧନୀକଙ୍କ ପାଇଁ ହୋଇପାରିବ ନାହିଁ । ଆମେ ବିମାନ ସେବାକୁ ଶସ୍ତା କରିଛୁ ଏବଂ କମ୍ ସୁବିଧା ଥିବା ଲୋକମାନଙ୍କ ପହଞ୍ଚକୁ ଆଣିପାରିଛୁ ବୋଲି ସେ ଉଲ୍ଲେଖ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ବିକାଶର ପରିଭାଷା ଏବେ ବଦଳିଯାଇଛି । ପୂର୍ବରୁ ହାତପମ୍ପକୁ ବିକାଶର ପ୍ରତୀକ ଭାବେ ଦେଖାଯାଉଥିଲା, ଆଜି ନର୍ମଦା ନଦୀର ଜଳ ଲୋକମାନଙ୍କ କଲ୍ୟାଣରେ ଲାଗି ପାରୁଛି । ସେ କହିଥିଲେ ଯେ ସୁରେନ୍ଦ୍ରନଗର ଜିଲ୍ଲାବାସୀ ନର୍ମଦା ନଦୀ ଜଳ ଦ୍ୱାରା ବହୁଳ ଭାବେ ଉପକୃତ ହୋଇପାରିବେ । ଦାୟିତ୍ୱସମ୍ପନ୍ନ ହୋଇ ଜଳ ବ୍ୟବହାର କରିବା ଏବଂ ପ୍ରତ୍ୟେକ ବୁନ୍ଦା ଜଳ ସଂରକ୍ଷଣ କରିବା ଲାଗି ସେ ଜନସାଧାରଣଙ୍କୁ ଆହ୍ୱାନ କରିଥିଲେ । ପ୍ରଧାନମନ୍ତ୍ରୀ କହିଥିଲେ ଯେ ସୁରସାଗର ଡାଏରୀ ଲୋକମାନଙ୍କୁ ବିପୁଳ ଲାଭ ପହଂଚାଇପାରିବ । ପୂର୍ବତନ ମୁଖ୍ୟମନ୍ତ୍ରୀ କେଶୁଭାଇ ପଟେଲ କିଭଳି ଉତ୍ତମ ଏବଂ ସୁରକ୍ଷିତ ସଡ଼କ ନିର୍ମାଣ ପାଇଁ ପ୍ରୟାସ କରିଥିଲେ ସେ ସମ୍ପର୍କରେ ମଧ୍ୟ ପ୍ରଧାନମନ୍ତ୍ରୀ ମନେ ପକାଇ ଦେଇଥିଲେ ।

***

Your Comment

ଆପଣଙ୍କ ଇମେଲ ଠିକଣା ପ୍ରକାଶିତ କରାଯିବ ନାହିଁ । Required fields are marked *

CAPTCHA Image

*