ପିଏମଇଣ୍ଡିଆ

ସଦ୍ୟତମ ଖବର

ପିଆଇବି ସୂତ୍ରରୁ ସ୍ବତଃ ଉପଲବ୍ଧ

ଫିଲିପାଇନ୍ସ ଗସ୍ତରେ ଯିବା ପୂର୍ବରୁ ପ୍ରଧାନମନ୍ତ୍ରୀଙ୍କ ବକ୍ତବ୍ୟ

ଫିଲିପାଇନ୍ସ ଗସ୍ତରେ ଯିବା ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବକ୍ତବ୍ୟ ନିମ୍ନରେ ପ୍ରଦାନ କରାଗଲା ।

“ନଭେମ୍ବର 12ତାରିଖରୁ ମୋର 3-ଦିନିଆ ମନିଲା ଗସ୍ତ ଆରମ୍ଭ ହେଉଛି । ଫିଲିପାଇନ୍ସକୁ ଏହା ମୋର ପ୍ରଥମ ଦ୍ୱିପାକ୍ଷିକ ଗସ୍ତ, ଯେଉଁଠି ଆସିଆନ୍-ଇଣ୍ଡିଆ ଏବଂ ପୂର୍ବ ଏସିଆ ଶିଖର ସମ୍ମିଳନୀରେ ମୁଁ ଭାଗ ନେବି । ସେଥିରେ ମୋର ସାମିଲ ହେବା ଏସୀୟ ରାଷ୍ଟ୍ରର ସଦସ୍ୟମାନଙ୍କ ସହ ସମ୍ପର୍କ ସୁଦୃଢ଼ ପାଇଁ ଭାରତର ପ୍ରତିଶ୍ରୁତିବଦ୍ଧତା, ବିଶେଷକରି ଭାରତ-ପ୍ରଶାନ୍ତ ଅଚଂଳରେ, ସାଧାରଣ ଭାବେ, ମୋର ସରକାର ଏକ୍ଟ ଇଷ୍ଟ ନୀତି ଢାଞ୍ଚା ଭିତରେ ରହି କରୁଛି ।

ଏହି ସମ୍ମିଳନୀ ବ୍ୟତିରକେ, ମୁଁ ଆସିଆନର 50ତମ ବର୍ଷପୂର୍ତ୍ତିର ସ୍ୱତନ୍ତ୍ର ସମାରୋହ, ଆଞ୍ଚଳିକ ବିସ୍ତୃତ ଅର୍ଥନୀତିକ ଭାଗିଦାରୀ(ଆରସିଇଏପ୍) ନେତାଙ୍କ ବୈଠକ ଏବଂ ଆସିଆନ୍ ବିଜିନେସ୍ ଓ ଇନଭେଷ୍ଟମେଣ୍ଟ କର୍ମଶାଳାରେ ଯୋଗ ଦେବି ।

ଆସିଆନ୍ ବିଜିନେସ୍ ଓ ଇନଭେଷ୍ଟମେଣ୍ଟ ସମ୍ମିଳନୀ ଆସିଆନ୍ ସଦସ୍ୟ ରାଷ୍ଟ୍ର ସହ ଭାରତର ବାଣିଜ୍ୟ ସମ୍ବନ୍ଧକୁ ଅଧିକ ସୁଦୃଢ କରିବ ଓ ଏ ଦିଗରେ ଘନିଷ୍ଠ ସହଯୋଗକୁ ପ୍ରୋତ୍ସାହିତ କରିବ, ଯାହାକି ଆମର ମୋଟ ବ୍ୟାପାରର 10.85 % ।

ଫିଲିପାଇନ୍ସକୁ ମୋର ପ୍ରଥମ ଗସ୍ତବେଳେ, ମୁଁ ଫିଲିପାଇନ୍ସର ରାଷ୍ଟ୍ରପତି ମହାମହିମ ରଡ୍ରିଗୋ ଦୁତେର୍ତ୍ତେଙ୍କ ସହ ଦ୍ୱିପାକ୍ଷିକ ବୈଠକ ଆଶା କରୁଛି । ମୁଁ ମଧ୍ୟ ଆସିଆନ୍ ଓ ପୂର୍ବ ଏସିଆ ସମ୍ମିଳନୀର ନେତାମାନଙ୍କ ସହ ଆଲୋଚନା କରିବି ।

ମୁଁ ଫିଲିପାଇନ୍ସରେ ରହୁଥିବା ଭାରତୀୟ ସମୁଦାୟ ସହ ଯୋଡ଼ି ହେବା ନେଇ ଆଶାବାଦୀ ଅଛି । ମାନିଲା ରହଣୀ ସମୟରେ ମୁଁ ଆନ୍ତର୍ଜାତିକ ଧାନ ଗବେଷଣା ପ୍ରତିଷ୍ଠାନ (ଆଇଆରଆରଆଇ) ଏବଂ ମହାବୀର ଫିଲିପାଇନ୍ସ ଫାଉଣ୍ଡେସନ୍ ସଂସ୍ଥା(ଏମପିଏଫ୍ଆଇ)କୁ ମଧ୍ୟ ଗସ୍ତରେ ଯିବି ।

ବୈଜ୍ଞାନିକ ଗବେଷଣା ଓ ବିକାଶ ମାଧ୍ୟମରେ ଆନ୍ତର୍ଜାତିକ ଧାନ ଗବେଷଣା ପ୍ରତିଷ୍ଠାନ(ଆଇଆରଆରଆଇ) ଧାନ ବିହନର ଗୁଣବତ୍ତାକୁ ବିକଶିତ କରୁଛି ଓ ଖାଦ୍ୟ ଅଭାବ ଦୂର ପାଇଁ ଆନ୍ତର୍ଜାତିକ ସମୁଦାୟକୁ ସହାୟତା କରୁଛି । ବହୁ ସଂଖ୍ୟାରେ ଭାରତୀୟ ବୈଜ୍ଞାନିକମାନେ ଆଇଆରଆରଆଇରେ କାର୍ଯ୍ୟ କରୁଛନ୍ତି ଏବଂ ଗବେଷଣା ଓ ବିକାଶ କ୍ଷେତ୍ରରେ ନିଜର ଯୋଗଦାନ ଦେଉଛନ୍ତି । ବାରଣାସୀରେ ଆଇଆରଆରଆଇର ଏକ ଦକ୍ଷିଣ ଏସିଆ ଆଂଚଳିକ କେନ୍ଦ୍ର ସ୍ଥାପନ ପ୍ରସ୍ତାବକୁ ମୋ କ୍ୟାବିନେଟ୍ 2017 ଜୁଲାଇ 12ତାରିଖରେ ଅନୁମୋଦନ କରିଛି । ଫିଲିପାଇନ୍ସରେ ନିଜର ମୁଖ୍ୟାଳୟ ବାହାରେ ଆଇଆରଆରଆଇର ଏହା ପ୍ରଥମ ଗବେଷଣା କେନ୍ଦ୍ର । ଧାନର ଉତ୍ପାଦନ ବୃଦ୍ଧି, ଉତ୍ପାଦନ ଖର୍ଚ୍ଚ ହ୍ରାସ, ମୂଲ୍ୟ ସମ୍ବର୍ଦ୍ଧନ, ବିବିଧତା ଓ ଚାଷୀଙ୍କ ଦକ୍ଷତା ବୃଦ୍ଧିରେ ସହାୟତା ଏବଂ ଉପାର୍ଜନ ବୃଦ୍ଧିରେ ଏହି ବାରଣାସୀ କେନ୍ଦ୍ର ସହାୟକ ହେବ ।

ଆବଶ୍ୟକ ଅନୁଭବ କରୁଥିବା ଦିବ୍ୟାଙ୍ଗଙ୍କ ମଧ୍ୟରେ ମାଗଣା କୃତ୍ରିମ ଅଙ୍ଗ ‘ଜୟପୁର ପୁଟ୍’ ବିତରଣ ଗତିବିଧିକୁ ସମର୍ଥନ ଜଣାଇବା ଉଦ୍ଦେଶ୍ୟରେ ମହାବୀର ଫିଲିପିନ୍ସ ଫାଉଣ୍ଡେସନ୍ ଇଙ୍କ (ଏମ୍ପିଏଫ୍ଆଇ)କୁ ଗସ୍ତରେ ଯିବି । 1989 ମସିହାରେ ନିଜର ସ୍ଥାପନା ପରଠାରୁ ଏମପିଏଫ୍ଆଇ ଫିଲିପାଇନ୍ସରେ ପ୍ରାୟ 15ହଜାର ଭିନ୍ନକ୍ଷମଙ୍କୁ ‘ଜୟପୁର ଫୁଟ୍’ ଲଗାଇ ସେମାନଙ୍କୁ ନୂଆ ଜୀବନ ଜୀଇଁବା ପାଇଁ ସକ୍ଷମ କରାଇଛି । ଏହି ମହାନ ମାନବୀୟ ଗତବିଧିକୁ ସମର୍ଥନ ଜଣାଇ ଫିଲିଫାଇନ୍ସ ଫାଉଣ୍ଡେସନକୁ ଭାରତ ସରକାର ଏକ ସାମାନ୍ୟ ଯୋଗଦାନ ଦେଉଛନ୍ତି ।

ମୁଁ ଦୃଢ଼ ନିଶ୍ଚିତ ଯେ ମାନିଲାକୁ ମୋର ଗସ୍ତ ଦ୍ୱାରା ଫିଲିପାଇନ୍ସ ସହ ଭାରତର ଦ୍ୱିପାକ୍ଷିକ ସମ୍ପର୍କକୁ ଅଧିକ ପ୍ରୋତ୍ସାହନ ମିଳିବ ଏବଂ ଆସିଆନ ଗୋଷ୍ଠୀ ସହ ଆମର ରାଜନୀତିକ-ସୁରକ୍ଷା, ଅର୍ଥନୀତିକ ଓ ସାମାଜିକ-ସାଂସ୍କୃତିକ କ୍ଷେତ୍ରରେ ମଧ୍ୟ ସମ୍ପର୍କ ସୁଦୃଢ଼ ହେବ ।

************