ପିଏମଇଣ୍ଡିଆ

ସଦ୍ୟତମ ଖବର

ପିଆଇବି ସୂତ୍ରରୁ ସ୍ବତଃ ଉପଲବ୍ଧ

“ସୌଭାଗ୍ୟ” ଯୋଜନା ଶୁଭାରମ୍ଭ କଲେ ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ଆଜି ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ସହଜ ବିଜଲି ହର ଘର ଯୋଜନା (ସୌଭାଗ୍ୟ)ର ଶୁଭାରମ୍ଭ କରିଛନ୍ତି  । ପ୍ରତିଘରେ ବିଦ୍ୟୁତ ସେବା ପହଂଚାଇବା ଏହି ଯୋଜନାର ଉଦ୍ଦେଶ୍ୟ  ।

ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ଜନ୍ମବାର୍ଷିକୀ ଅବସରରେ, ପ୍ରଧାନମନ୍ତ୍ରୀ ମଧ୍ୟ ଓଏନଜିସିର ନୂଆ କୋଠା – ଦୀନଦୟାଲ ଉର୍ଜା ଭବନର ଲୋକାର୍ପଣ କରିଥିଲେ  ।

ପ୍ରଧାନମନ୍ତ୍ରୀ ମଧ୍ୟ ବାସେନ୍ ଗ୍ୟାସ ଫିଲ୍ଡ ଠାରେ ବୁଷ୍ଟର କମ୍ପ୍ରେସର ବ୍ୟବସ୍ଥାକୁ ରାଷ୍ଟ୍ର ଉଦ୍ଦେଶ୍ୟରେ ସମର୍ପିତ କରିଥିଲେ  ।

ପ୍ରଧାନମନ୍ତ୍ରୀ ଏହି ଅବସରରେ ଉଦ୍ବୋଧନ ଦେଇ ପ୍ରଧାନମନ୍ତ୍ରୀ ଜନ ଧନ ଯୋଜନା, ବୀମା ଯୋଜନା, ମୁଦ୍ରା ଯୋଜନା, ଉଜ୍ଜ୍ୱଳା ଯୋଜନା ଏବଂ ଉଡାନ୍ ଆଦିର ସଫଳତା ସମ୍ପର୍କରେ ଉଲ୍ଲେଖ କରିଥିଲେ  । ଗରିବରୁ ଗରିବ ଲୋକଙ୍କ କଲ୍ୟାଣ ପାଇଁ ଉଦ୍ଦିଷ୍ଟ ଯୋଜନାଗୁଡ଼ିକୁ କେନ୍ଦ୍ର ସରକାର କାର୍ଯ୍ୟକାରୀ କରୁଥିବା ସେ କହିଥିଲେ  ।

ଏହି ପରିପ୍ରେକ୍ଷୀରେ ସେ କହିଥିଲେ ଯେ ପ୍ରଧାନମନ୍ତ୍ରୀ ସହଜ ବିଜଲୀ ହର ଘର ଯୋଜନା ଦ୍ୱାରା ବର୍ତ୍ତମାନସୁଦ୍ଧା ବିଦ୍ୟୁତ ସେବାରୁ ବଂଚିତ ଥିବା ଆନୁମାନିକ 4 କୋଟି ପରିବାରକୁ ବିଦ୍ୟୁତ ସଂଯୋଗ ଦିଆଯିବ  । ଏହି ଯୋଜନା ପାଇଁ ମୋଟ ବ୍ୟୟ ଅଟକଳ 16 ହଜାର କୋଟି ରଖାଯାଇଛି  । ଏହି ସଂଯୋଗ ଗରିବମାନଙ୍କୁ ମାଗଣାରେ ଯୋଗାଇ ଦିଆଯିବ ବୋଲି ପ୍ରଧାନମନ୍ତ୍ରୀ କହିଥିଲେ  ।

ଏହି ଅବସରରେ ପ୍ରଧାନମନ୍ତ୍ରୀ କହିଥିଲେ ଯେ ସେ କିପରି 1,000 ଦିନ ମଧ୍ୟରେ 18,000 ରୁ ଅଧିକ ବିଦ୍ୟୁତସେବାରୁ ବଂଚିତ ଗ୍ରାମରେ ବିଦ୍ୟୁତକରଣ କରିବା ଲାଗି ଲକ୍ଷ୍ୟ ଧାର୍ଯ୍ୟ କରିଥିଲେ  । ସେ କହିଥିଲେ ଯେ ଏବେ 3 ହଜାରରୁ କମ୍ ଗ୍ରାମରେ ବିଦ୍ୟୁତ ସଂଯୋଗ କରାଯିବାକୁ ବାକି ରହିଛି  ।

ସେ କହିଥିଲେ ଯେ କିପରି କୋଇଲା ଅଭାବ ଅତୀତର କଥା ହୋଇସାରିଛି, ଏବଂ ବିଦ୍ୟୁତ ଉତ୍ପାଦନରେ ଅତିରିକ୍ତ କ୍ଷମତା ମାଧ୍ୟମରେ ଲକ୍ଷ୍ୟ ଠାରୁ ମଧ୍ୟ ଅଧିକ ଉତ୍ପାଦନ ହୋଇପାରୁଛି ।

ପ୍ରଧାନମନ୍ତ୍ରୀ ନବୀକରଣଯୋଗ୍ୟ ଶକ୍ତି ସ୍ଥାପିତ କ୍ଷମତା ବୃଦ୍ଧିର କଥା କହିଥିଲେ ଏବଂ 2022 ସୁଦ୍ଧା 175 ଗିଗାୱାଟର ଲକ୍ଷ୍ୟ ହାସଲ ପାଇଁ ପରାମର୍ଶ ଦେଇଥିଲେ  । ସେ ଉଲ୍ଲେଖ କରିଥିଲେ ଯେ ନବୀକରଣଯୋଗ୍ୟ ଶକ୍ତି ମାମଲାରେ ବିଜୁଳି ଶୁଳ୍କରେ ଦ୍ରୁତ ହ୍ରାସ ଆସିପାରିଛି । ଟ୍ରାନ୍ସମିଶନ୍ ଲାଇନରେ ମଧ୍ୟ ଏକ ମହତ୍ୱପୂର୍ଣ୍ଣ ବୃଦ୍ଧି ହୋଇଛି  ।

ପ୍ରଧାନମନ୍ତ୍ରୀ କହିଥିଲେ ଯେ କିପରି ଉଦୟ ଯୋଜନାରେ ବିଦ୍ୟୁତ ବିତରଣ କମ୍ପାନୀଗୁଡ଼ିକର କ୍ଷତିକୁ କମ କରାଯାଇପାରିଛି  ।

ପ୍ରଧାନମନ୍ତ୍ରୀ କହିଥିଲେ ନୂଆ ଭାରତକୁ ଏକ ନୂଆ ଶକ୍ତି ବ୍ୟବସ୍ଥାର ଆବଶ୍ୟକତା ପଡ଼ିବ ଯାହାକି ନିରପେକ୍ଷତା, ଦକ୍ଷତା ଓ ସ୍ଥିରତାର ସିଦ୍ଧାନ୍ତରେ କାମ କରିଥାଏ  । ସେ କହିଥିଲେ ଯେ କେନ୍ଦ୍ର ସରକାରଙ୍କ କାର୍ଯ୍ୟ ସଂସ୍କୃତିରେ ପରିବର୍ତ୍ତନ ଦ୍ୱାରା ଶକ୍ତି କ୍ଷେତ୍ରକୁ ଦୃଢ଼ତା ମିଳିପାରୁଛି  । ସେ କହିଥିଲେ, ପ୍ରତିବଦଳରେ ଏହା ସାରା ଦେଶର କାର୍ଯ୍ୟ ସଂସ୍କୃତିକୁ ସକାରାତ୍ମକ ଭାବେ ପ୍ରଭାବିତ କରିବ  ।

 

*********