ପିଏମଇଣ୍ଡିଆ

ଗୁଆହାଟୀର ଲୋକପ୍ରିୟ ଗୋପୀନାଥ ବର୍ଦ୍ଦୋଳୋଇ ଅନ୍ତରାଷ୍ଟ୍ରୀୟ ବିମାନବନ୍ଦରର ସଂପ୍ରସାରଣ ଏବଂ ଏକ କ୍ଷୟଶୀଳ ଦ୍ରବ୍ୟ ପଣ୍ୟାଗାର ନିର୍ମାଣ ସକାଶେ ଭାରତୀୟ ବିମାନ ବନ୍ଦର ପ୍ରାଧିକରଣ ଆସାମ ଶିଳ୍ପ ବିକାଶ ନିଗମକୁ ଜମି ଯୋଗାଇଦେବ ।

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କେବିନେଟ ବୈଠକରେ ଏହି ପ୍ରସ୍ତାବକୁ ମଞ୍ଜୁରି ମିଳିଛି ।

ଏହି ପଣ୍ୟାଗାର ନିର୍ମାଣ ଲାଗି ଭାରତୀୟ ବିମାନ ବନ୍ଦର ପ୍ରାଧିକରଣ ଆସାମ ଶିଳ୍ପ ବିକାଶ ନିଗମକୁ ମୋଟ 4050 ବର୍ଗ ମିଟର ଜମି ଯୋଗାଇଦେବ ।

ସେଠାରେ ସେଣ୍ଟର ଫର ପେରିସେବଲ କାର୍ଗୋ (CPC) ପ୍ରତିଷ୍ଠା କରାଯିବ ଏବଂ ଭବିଷ୍ୟତରେ ଏହି ବିମାନ ବନ୍ଦରର ସଂପ୍ରସାରଣ ମଧ୍ୟ ହୋଇପାରିବ । ବର୍ଷକୁ ସାଙ୍କେତିକ ଭାବେ ଏକ ଟଙ୍କା ମୂଲ୍ୟରେ 7 ବର୍ଷ ପାଇଁ ଏହି ଜମି ଲିଜ୍ ରାଜିନାମା ସ୍ୱାକ୍ଷରିତ ହେବ ।

ଲିଜ୍ ଅବଧି ଶେଷ ହେବାପରେ AAIର ପ୍ରଚଳିତ ନୀତି ଅନୁସାରେ ଏହାର ଅବଧିକୁ ପୁନଃବୃଦ୍ଧି କରାଯିବ ।