Search

ସଦ୍ୟତମ ଖବର

ପିଆଇବି ସୂତ୍ରରୁ ସ୍ବତଃ ଉପଲବ୍ଧ

ପ୍ରଧାନମନ୍ତ୍ରୀ ଗଙ୍ଗା ଆରତୀରେ ଭାଗ ନେବା ସହ ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀମାନଙ୍କ ସହ ବୈଠକ କଲେ ଏବଂ କାଶୀରେ ବିକାଶମୂଳକ ପ୍ରକଳ୍ପର ନୀରିକ୍ଷଣ କଲେ

ପ୍ରଧାନମନ୍ତ୍ରୀ ଗଙ୍ଗା ଆରତୀରେ ଭାଗ ନେବା ସହ ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀମାନଙ୍କ ସହ ବୈଠକ କଲେ ଏବଂ କାଶୀରେ ବିକାଶମୂଳକ ପ୍ରକଳ୍ପର ନୀରିକ୍ଷଣ କଲେ


ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଗତକାଲି ବାରଣାସୀ ଠାରେ ବାବା ବିଶ୍ୱନାଥ ଧାମ ଉଦଘାଟନ କରିବା ପରେ ନିଜ କାର୍ଯ୍ୟକ୍ରମ ଜାରି ରଖିଥିଲେ । ସେ ପବିତ୍ର ଗଙ୍ଗା ନଦୀରେ ବୁଡ ପକାଇବା ସହ ପୂଜାର୍ଚ୍ଚନା କରିଥିଲେ । ସୋମବାର ସନ୍ଧ୍ୟାରେ ପ୍ରଧାନମନ୍ତ୍ରୀ ଗଙ୍ଗା ଆରତୀରେ ଭାଗ ନେଇଥିଲେ ।

ଗଙ୍ଗା ଆରତୀ ସମ୍ପର୍କରେ ପ୍ରଧାନମନ୍ତ୍ରୀ ଟ୍ୱିଟ କରିଛନ୍ତି କାଶୀରେ ଆରତୀ କରିବା ପରେ ମନରେ ନୂଆ ଶକ୍ତି ଭରି ଯାଇଥାଏ । ସେ କହିଛନ୍ତି, “କାଶୀର ଗଙ୍ଗା ଆରତୀ ସର୍ବଦା ଅନ୍ତର୍ମନରେ ନୂଆ ଶକ୍ତି ଭରିଦିଏ । ଆଜି କାଶୀର ବଡ ସ୍ୱପ୍ନ ପୂରଣ ହେବା ପରେ ଦଶାଶ୍ୱମେଧ ଘାଟରେ ଗଙ୍ଗା ଆରତୀରେ ସାମିଲ ହେଲି ଓ ମା ଗଙ୍ଗାଙ୍କ କୃପା ଭିକ୍ଷା କଲି । ନମାମି ଗଙ୍ଗେ ତବ ପାଦ ପଙ୍କଜମ୍ ।” 

ପରେ ପ୍ରଧାମନ୍ତ୍ରୀ ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀମାନଙ୍କ ସହ ଗୁରୁତ୍ୱପୂର୍ଣ୍ଣ ବୈଠକ କରିଥିଲେ ।

ପ୍ରଧାନମନ୍ତ୍ରୀ ଟ୍ୱିଟ କରିଛନ୍ତି, “କାଶୀଠାରେ @BJP4India ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀମାନଙ୍କ ସହ ଏବେ ବୈଠକ ସରିଲା ।”     

ପ୍ରଧାନମନ୍ତ୍ରୀ କାଶୀରେ ବିକାଶମୂଳକ କାର୍ଯ୍ୟଗୁଡିକର ନୀରିକ୍ଷଣ କରିଥିଲେ । ସେ ଏକ ଟ୍ୱିଟରେ କହିଛନ୍ତି,

“କାଶୀରେ ପ୍ରମୁଖ ବିକାଶମୂଳକ କାର୍ଯ୍ୟଗୁଡିକର ନୀରିକ୍ଷଣ କଲି । ଏହି ପବିତ୍ର ସହର ପାଇଁ ସବୁଠାରୁ ଭଲ ଭିତ୍ତିଭୂମି ସୃଷ୍ଟି କରିବାକୁ ଆମେ ଉଦ୍ୟମରତ ।”

ପ୍ରଧାନମନ୍ତ୍ରୀ ରେଳ ଷ୍ଟେସନକୁ ମଧ୍ୟ ଗସ୍ତ କରିଥିଲେ । ସେ କହିଥିଲେ, “ପରବର୍ତ୍ତୀ ଗନ୍ତବ୍ୟ.. ବନାରସ ଷ୍ଟେସନ । ଆମେ ରେଳ ସଂଯୋଗ ବୃଦ୍ଧି ସହ ସ୍ୱଚ୍ଛ, ଆଧୁନିକ ଓ ଯାତ୍ରୀ ଅନୁକୂଳ ରେଳ ଷ୍ଟେସନ ସୁନିଶ୍ଚିତ କରିବା ପାଇଁ ପ୍ରୟାସରତ ।”   

ବିଳମ୍ବିତ ରାତିରେ ସେ ବିକାଶମୂଳକ ପ୍ରକଳ୍ପଗୁଡିକର ନୀରିକ୍ଷଣ କରିଥିଲେ । ସାଧାରଣ ଜନତାଙ୍କୁ ଅସୁବିଧାରେ ନପକାଇବା ପାଇଁ ପ୍ରଧାନମନ୍ତ୍ରୀ ଏହି କାର୍ଯ୍ୟଶୈଳୀ ଆପଣାଇଛନ୍ତି । ସ୍ଥାନୀୟ ସାଂସଦ ଭାବେ ପ୍ରଧାନମନ୍ତ୍ରୀ ଜନତାଙ୍କୁ ବେଶ ଉତ୍ସାହ ଓ ଉଦ୍ଦୀପନାର ସହ ଭେଟିଥିଲେ ।  

SR