ପିଏମଇଣ୍ଡିଆ

ମହାମହିମ, ମିଳିତ ଜାତିସଂଘ ସାଧାରଣ ସଭାର ଅଧ୍ୟକ୍ଷ, ଶ୍ରୀ ସାବା କୋରୋସୀ

ମହାମହିମ, ମିଳିତ ଜାତିସଂଘ ଉପ ମହାସଚିବ ସୁଶ୍ରୀ ଅମିନା ମହମ୍ମଦ

ମହାମହିମ, ନ୍ୟୁୟର୍କର ମେୟର ଶ୍ରୀ ଏରିକ୍ ଆଡାମ୍ସ,

ଏବଂ ସାରା ବିଶ୍ୱରେ ଥିବା ମୋର ପ୍ରିୟ ବନ୍ଧୁମାନେ,

ନମସ୍କାର !

ବନ୍ଧୁଗଣ,

ଏହି ଶୁଭ ସକାଳରେ, ଆମେ ମିଳିତ ଜାତିସଂଘରେ ଏକତ୍ରିତ ହୋଇଛେ ।

ସମଗ୍ର ମାନବଜାତି ଏକାଠି ହେଉଥିବା ସଭାସ୍ଥଳରେ । ନ୍ୟୁୟର୍କର ଏହି ଅଦ୍ଭୁତ ସହରରେ! ମୁଁ ଜାଣେ ଆପଣମାନଙ୍କ ମଧ୍ୟରୁ ଅନେକ ବହୁ ଦୂରରୁ ଆସିଛନ୍ତି । ଆପଣମାନଙ୍କ ମଧ୍ୟରୁ ଅନେକ ସୂର୍ଯୋଦୟ ପୂର୍ବରୁ  ଉଠି ଏଠାକୁ ଆସିବାର ପ୍ରୟାସ କରିଛନ୍ତି ।

ମୁଁ ଆପଣ ସମସ୍ତଙ୍କୁ ଏଠାରେ ଦେଖି ବହୁତ ଆନନ୍ଦିତ । ଆଉ ଏଠାକୁ ଆସିଥିବାରୁ ଆପଣ ସମସ୍ତଙ୍କୁ ମୁଁ ଧନ୍ୟବାଦ ଜଣାଉଛି ।

ବନ୍ଧୁଗଣ,

ମୋତେ ଅବଗତ କରାଯାଇଛି ଯେ, ପ୍ରାୟ ଅଧିକାଂଶ ଦେଶର ନାଗରିକ ଆଜି ଏଠାରେ ପ୍ରତିନିଧିତ୍ୱ କରୁଛନ୍ତି, ଏବଂ ଆମ ସମସ୍ତଙ୍କୁ ଏଠାରେ ଏକତ୍ର କରିବାର ଆଶ୍ଚର୍ଯ୍ୟଜନକ କାରଣ ହେଉଛି ଯୋଗ! 

ଯୋଗର ଅର୍ଥ ହେଉଛି- ଏକତ୍ରିତ ବା ଏକାଠି କରିବା । ତେଣୁ ଆପଣମାନଙ୍କର ଏଠାରେ ଏକାଠି ହେବା ହେଉଛି ଯୋଗର ଅନ୍ୟ ଏକ ରୂପ । ମୋର ମନେ ଅଛି ପ୍ରାୟ ନଅ ବର୍ଷ ପୂର୍ବେ, ଠିକ୍ ଜୁନ 21 ତାରିଖରେ ଜାତିସଂଘରେ ମୁଁ ଅନ୍ତର୍ଜାତୀୟ ଯୋଗ ଦିବସ ପାଳନ କରିବା ପାଇଁ ଏକ ସମ୍ମାନ ଜନକ ପ୍ରସ୍ତାବ ଦେଇଥିଲି ।

ସେହି ସମୟରେ ମୋର ସେହି ଚିନ୍ତାଧାରାକୁ ସମଗ୍ର ବିଶ୍ୱ ସମର୍ଥନ କରୁଥିବା ଦେଖିବା ବେଶ ଆଶ୍ଚର୍ଯ୍ୟଜନକ ଥିଲା । ମୁଁ ଜାତିସଂଘର ସାହସୀ ଶାନ୍ତି ରକ୍ଷାକାରୀଙ୍କୁ କେବଳ ସମ୍ମାନ ଜଣାଇଥିଲି। 2015ରେ,  ସେମାନଙ୍କ ସ୍ମୃତିରେ ଏକ ନୂତନ ସ୍ମାରକ ନିର୍ମାଣ କରିବା ପାଇଁ ମୁଁ ଆହ୍ୱାନ ଦେଇଥିଲି ।

ଆଉ ଗତ ସପ୍ତାହରେ, ସମଗ୍ର ବିଶ୍ୱ ଏହାକୁ ଖୁବ ଶୀଘ୍ର ବାସ୍ତବତାର ରୂପ ଦେବା ପାଇଁ ଭାରତ ସହିତ ହାତକୁ ହାତ ମିଳାଇଛନ୍ତି । ସର୍ବ ବୃହତ ଶାନ୍ତି ସୈନ୍ୟ ଯୋଗଦାନକରୀ ରାଷ୍ଟ୍ର ଭାବେ, ଏହି ଉତମ କାର୍ଯ୍ୟକୁ ସମର୍ଥନ ଜଣାଇଥିବାରୁ ଆମେ ସମସ୍ତ ଦେଶ ନିକଟରେ କୃତଜ୍ଞ ।

ଗତ ବର୍ଷ ସମଗ୍ର ବିଶ୍ୱ ଏକତ୍ରିତ ହୋଇ 2023କୁ ଅନ୍ତର୍ଜାତୀୟ ମିଲେଟ ବର୍ଷ ଭାବେ ପାଳନ କରିବା ପାଇଁ ଭାରତର ପ୍ରସ୍ତାବକୁ ସମର୍ଥନ କରିଥିଲେ । ମିଲେଟସ୍ ହେଉଛି ଏକ ସୁପର ଫୁଡ୍ । ସେହି ଖାଦ୍ୟ ସାମଗ୍ରିକ ଭାବେ ସ୍ୱାସ୍ଥ୍ୟକୁ ପ୍ରେତ୍ସାହିତ କରିବା ସହ ପରିବେଶ ପାଇଁ ମଧ୍ୟ ବହୁତ ଭଲ । ଆଉ ଆଜି, ଯୋଗ ପାଇଁ ସମଗ୍ର ବିଶ୍ୱ ପୁନର୍ବାର ଏକାଠି ହେବା ନିହାତି ଆଶ୍ଚର୍ଯ୍ୟଜନକ!

ବନ୍ଧୁଗଣ,

ଯୋଗ ଭାରତରୁ ଆସିଛି, ଏବଂ ଏହା ହେଉଛି ଏକ ପୁରାତନ ପରମ୍ପରା । କିନ୍ତୁ ସମସ୍ତ ପ୍ରାଚୀନ ଭାରତୀୟ ପରମ୍ପରା ଭଳି ଏହା ଜୀବନ୍ତ ଓ ଗତିଶୀଳ । ଯୋଗ ଉନ୍ମୁକ୍ତ- କପିରାଇଟ୍ ଠାରୁ, ସତ୍ୱାଧିକାରଠାରୁ ମୁକ୍ତ ଏବଂ ରୟାଲଟି ଦେୟଠାରୁ ମଧ୍ୟ ମୁକ୍ତ । ବୟସ ଲିଙ୍ଗ ଏବଂ ଫିଟନେସ୍ ସ୍ତର ସହିତ ଏହା ସମସ୍ତଙ୍କ ପାଇଁ ଗ୍ରହଣଯୋଗ୍ୟ । ଯୋଗ ହେଉଛି ପୋର୍ଟେବଲ – ଆପଣ ଏହାକୁ ଘରେ, କିମ୍ବା କାର୍ଯ୍ୟ କ୍ଷେତ୍ରରେ ଅବା ଯାତାୟାତ କରୁଥିବା ସମୟରେ ମଧ୍ୟ ଏହାକୁ କରି ପାରିବେ।

ଯୋଗ ହେଉଛି ନମନୀୟ- ଆପଣ ଏହାକୁ ଏକାକୀ ଅଭ୍ୟାସ କରି ପାରିବେ କିମ୍ବା ଗୋଷ୍ଠୀଗତ ଭାବେ କରି ପାରିବେ, ଜଣେ ଶିକ୍ଷକଙ୍କ ଠାରୁ ଶିଖି ପାରିବେ, କିମ୍ବା ନିଜେ ସ୍ୱୟଂ ଶିକ୍ଷା କରି ପାରିବେ । ଯୋଗ ସମସ୍ତଙ୍କୁ ଏକତ୍ରିତ କରୁଛି- ଏହା ସମସ୍ତଙ୍କ ପାଇଁ, ସମସ୍ତ ଜାତି, ସମସ୍ତ ଧର୍ମ, ସମସ୍ତ ବିଶ୍ୱାସ ଓ ସମସ୍ତ ସଂସ୍କୃତି ପାଇଁ । ପ୍ରକୃତରେ ଯୋଗ ହେଉଛି ସର୍ବବ୍ୟାପୀ ।

ବନ୍ଧୁଗଣ,

ଯେତେବେଳେ ଆମେ ଯୋଗ କରିବା, ସେତେବେଳେ ଆମେ ଶାରୀରିକ ଭାବେ ସୁସ୍ଥ, ମାନସିକ ଶାନ୍ତି ଓ ଭାବପ୍ରବଣତା ଅନୁଭବ କରିପାରିବା । କିନ୍ତୁ ଏହା କେବଳ ଏକ ବିଛଣା ଉପରେ ଅଭ୍ୟାସ କରିବାର ବିଷୟ ନୁହେଁ । ଯୋଗ ହେଉଛି ଏକ ଜୀବନ ଶୈଳୀ । ସୁସ୍ଥ ଏବଂ ଆରୋଗ୍ୟ ରହିବା ପାଇଁ ଏକ ସାମଗ୍ରିକ ଅଭିବ୍ୟକ୍ତି । ଚିନ୍ତାଧାରା ଏବଂ କାର୍ଯ୍ୟରେ ଏକାଗ୍ରତା ଆଣିବାର ଏକ ଉପାୟ। ନିଜ ସହିତ ବଂଚିବା ଓ ସୁସମ୍ପର୍କ ବଜାୟ ରଖିବାର ଏକ ପ୍ରକୃତି । ମୁଁ ଖୁସି ଯେ ଆପଣମାନଙ୍କ ମଧ୍ୟରୁ ଅନେକ ବିଭିନ୍ନ ବୈଜ୍ଞାନିକ ଦିଗରେ ଯୋଗର ବିବିଧତା ଉପରେ କାର୍ଯ୍ୟ କରୁଛନ୍ତି । ପ୍ରକୃତରେ ଏହା ହେଉଛି ଏକ ଅନନ୍ୟ ଧାରା ।

ବନ୍ଧୁଗଣ,

ମୁଁ ଜାଣେ ଯେ ଆପଣ ସମସ୍ତେ ଆରମ୍ଭ କରିବାକୁ ଆଗ୍ରହୀ । ଠିକ ଅଛି, ମୁଁ ମଧ୍ୟ ଆଗ୍ରହୀ । ଆମ ପାଇଁ ଆଜି ଏହି ଆୟୋଜନ କରିଥିବାରୁ ମୁଁ ମିଳିତ ଜାତିସଂଘକୁ ଦନ୍ୟବାଦ ଜଣାଇବାକୁ ଚାହୁଁଛି । ଏହି କାର୍ଯ୍ୟକ୍ରମକୁ ସଫଳ କରିବାରେ ସହାୟତା ଓ ସମର୍ଥନ ପାଇଁ ମୁଁ ନ୍ୟୁୟର୍କର ମେୟରଙ୍କ ନିକଟରେ ମୁଁ କୃତଜ୍ଞ । ଆଉ ସବୁଠାରୁ ବଡ଼ କଥା ହେଉଛି, ଆଜି ଏଠାରେ ଆପଣ ସମସ୍ତେ ଉପସ୍ଥିତ ଥିବାରୁ ମୁଁ ପୁଣି ଥରେ ଆପଣମାନଙ୍କୁ ଧନ୍ୟବାଦ ଜଣାଇବାକୁ ଚାହୁଁଛି । ଆସନ୍ତୁ ଯୋଗର ଶକ୍ତିକୁ କେବଳ ସୁସ୍ଥ ଓ ଖୁସି ହେବା ପାଇଁ ନୁହେଁ ବରଂ ନିଜ ପାଇଁ- ଏବଂ ପରସ୍ପର ପ୍ରତି ବ୍ୟବହାର ସମୟରେ ଦୟାଳୁ ଭାବ ରଖିବା ।

ଆସନ୍ତୁ ଯୋଗର ଶକ୍ତି ବ୍ୟବହାର କରି ବନ୍ଧୁତ୍ୱର ଏକ ସେତୁ ବାନ୍ଧିବା, ଏକ ଶାନ୍ତିପୂର୍ଣ୍ଣ ବିଶ୍ୱ ଏବଂ ଏକ ସ୍ୱଚ୍ଛ, ସବୁଜ ଓ ନିରନ୍ତର ଭବିଷ୍ୟତ ନିର୍ମାଣ କରିବା । ଆସନ୍ତୁ ହାତକୁ ହାତ ମିଶାଇ ଏକାଠି ହେବା-‘ଏକ ପୃଥିବୀ, ଏକ ପରିବାର, ଏକ ଭିବିଷ୍ୟତର ଲକ୍ଷ୍ୟକୁ ହୃଦୟଙ୍ଗମ କରିବା । ଏହି କାମନା ସହିତ ମୁଁ ମୋର ବକ୍ତବ୍ୟ ଶେଷ କରୁଛି ।

ସର୍ବେ ଭବନ୍ତୁ ସୁଖିନଃ

ସର୍ବେ ସନ୍ତୁ ନିରାମୟାଃ

ସମସ୍ତେ ସୁଖରେ ରୁହନ୍ତୁ, ସମସ୍ତେ ସୁସ୍ଥ ରୁହନ୍ତୁ!

ଧନ୍ୟବାଦ !

ଆପଣମାନଙ୍କୁ ବହୁତ ବହୁତ ଧନ୍ୟବାଦ !

*****

AH