ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଆଜି ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ମହାରାଷ୍ଟ୍ରର ଦହାନୁ ନିକଟବର୍ତ୍ତୀ ବଧାବନଠାରେ ଏକ ବୃହତ୍ ବନ୍ଦର ପ୍ରତିଷ୍ଠାକୁ ମଞ୍ଜୁରୀ ମିଳିଛି । ଜବାହରଲାଲ ନେହେରୁ ବନ୍ଦର କର୍ତ୍ତୃପକ୍ଷ (ଜେଏନ୍ ପି ଏ) ଏବଂ ମହାରାଷ୍ଟ୍ର ମେରିଟାଇମ୍ ବୋର୍ଡ (ଏମ୍ଏମ୍ ବି ) ଦ୍ୱାରା ଗଠିତ ଏସ ପି ଭି ବଧବନ ପୋର୍ଟ ପ୍ରୋଜେକ୍ଟ ଲିମିଟେଡ୍ (ଭିପିପିଏଲ୍) ଦ୍ୱାରା ଏହି ପ୍ରକଳ୍ପ ନିର୍ମାଣ କରାଯିବ। ମହାରାଷ୍ଟ୍ରର ପାଲଘର ଜିଲ୍ଲାର ବଧାବନଠାରେ ବଧାବନ ବନ୍ଦରକୁ ସର୍ବକାଳୀନ ଗ୍ରୀନଫିଲ୍ଡ ଡିପ୍ ଡ୍ରାଫ୍ଟ ପ୍ରମୁଖ ବନ୍ଦର ଭାବରେ ବିକଶିତ କରାଯିବ ।
ଜମି ଅଧିଗ୍ରହଣ ଅଂଶକୁ ମିଶାଇ ମୋଟ ପ୍ରକଳ୍ପ ମୂଲ୍ୟ ୭୬,୨୨୦ କୋଟି ଟଙ୍କା ରହିଛି। ଏଥିରେ ପବ୍ଲିକ୍-ପ୍ରାଇଭେଟ୍ ପାର୍ଟନରସିପ୍ (ପିପିପି) ମୋଡ୍ ରେ କୋର୍ ଭିତ୍ତିଭୂମି, ଟର୍ମିନାଲ୍ ଏବଂ ଅନ୍ୟାନ୍ୟ ବାଣିଜ୍ୟିକ ଭିତ୍ତିଭୂମିର ବିକାଶ ଅନ୍ତର୍ଭୁକ୍ତ। ସଡ଼କ ପରିବହନ ଓ ରାଜପଥ ମନ୍ତ୍ରଣାଳୟ ଦ୍ୱାରା ବନ୍ଦର ଏବଂ ଜାତୀୟ ରାଜପଥ ମଧ୍ୟରେ ସଡ଼କ ସଂଯୋଗ ସ୍ଥାପନ ଏବଂ ବର୍ତ୍ତମାନର ରେଳ ନେଟୱାର୍କକୁ ରେଳ ସଂଯୋଗ ଏବଂ ରେଳ ମନ୍ତ୍ରଣାଳୟ ଦ୍ୱାରା ଆଗାମୀ ଉତ୍ସର୍ଗୀକୃତ ରେଳ ମାଲ ପରିବହନ କରିଡରକୁ ମଧ୍ୟ କ୍ୟାବିନେଟ୍ ଅନୁମୋଦନ କରିଛି।
ବନ୍ଦରରେ ୯ଟି କଣ୍ଟେନର ଟର୍ମିନାଲ ରହିବ, ପ୍ରତ୍ୟେକ ୧୦୦୦ ମିଟର ଲମ୍ବ, ଉପକୂଳ ବର୍ଥ ସମେତ ୪ଟି ବହୁମୁଖୀ ବର୍ଥ, ୪ଟି ତରଳ ମାଲବାହୀ ବର୍ଥ, ଗୋଟିଏ ରୋ-ରୋ ବର୍ଥ ଏବଂ ଗୋଟିଏ କୋଷ୍ଟଗାର୍ଡ ବର୍ଥ ରହିବ। ଏହି ପ୍ରକଳ୍ପ ରେ ସମୁଦ୍ରର ୧୪୪୮ ହେକ୍ଟର ଅଞ୍ଚଳର ପୁନରୁଦ୍ଧାର ଏବଂ ୧୦.୧୪ କିଲୋମିଟର ସମୁଦ୍ର କୂଳ ବ୍ରେକ ୱାଟର ଏବଂ କଣ୍ଟେନର/କାର୍ଗୋ ଷ୍ଟୋରେଜ୍ ଅଞ୍ଚଳ ନିର୍ମାଣ ଅନ୍ତର୍ଭୁକ୍ତ । ଏହି ପ୍ରକଳ୍ପ ବାର୍ଷିକ ୨୯୮ ନିୟୁତ ମେଟ୍ରିକ୍ ଟନ୍ (ଏମଏମଟି) କ୍ଷମତା ସୃଷ୍ଟି କରିବ, ଯେଉଁଥିରେ ପ୍ରାୟ ୨୩.୨ ନିୟୁତ ଟିଇୟୁ (୨୦ ଫୁଟ୍ ସମକକ୍ଷ) କଣ୍ଟେନର ପରିଚାଳନା କ୍ଷମତା ଅନ୍ତର୍ଭୁକ୍ତ ।
ସୃଷ୍ଟି ହୋଇଥିବା କ୍ଷମତା ଆଇଏମଇଇସି (ଭାରତ ମଧ୍ୟ ପୂର୍ବ ୟୁରୋପ ଅର୍ଥନୈତିକ କରିଡର) ଏବଂ ଆଇଏନଏସଟିସି (ଅନ୍ତର୍ଜାତୀୟ ଉତ୍ତର ଦକ୍ଷିଣ ପରିବହନ କରିଡର) ମାଧ୍ୟମରେ ଆମଦାନୀ-ରପ୍ତାନି ବାଣିଜ୍ୟ ପ୍ରବାହରେ ମଧ୍ୟ ସାହାଯ୍ୟ କରିବ । ବିଶ୍ୱସ୍ତରୀୟ ସାମୁଦ୍ରିକ ଟର୍ମିନାଲ ସୁବିଧାଗୁଡ଼ିକ ପବ୍ଲିକ୍-ପ୍ରାଇଭେଟ୍ ପାର୍ଟନରସିପ୍ (ପିପିପି)କୁ ପ୍ରୋତ୍ସାହିତ କରିବା ସହ ଦକ୍ଷତା ଏବଂ ଆଧୁନିକ ଜ୍ଞାନକୌଶଳର ଉପଯୋଗ କରି ସୁଦୂର ପୂର୍ବ, ୟୁରୋପ, ମଧ୍ୟପ୍ରାଚ୍ୟ, ଆଫ୍ରିକା ଏବଂ ଆମେରିକା ମଧ୍ୟରେ ଅନ୍ତର୍ଜାତୀୟ ଜାହାଜ ଚଳାଚଳ କରୁଥିବା ମେନ୍ ଲାଇନ୍ ମେଗା ଜାହାଜଗୁଡ଼ିକୁ ପରିଚାଳନା କରିବାରେ ସକ୍ଷମ ଏକ ଅତ୍ୟାଧୁନିକ ଟର୍ମିନାଲ୍ ନିର୍ମାଣ କରିବାରେ ସକ୍ଷମ। ସମ୍ପୂର୍ଣ୍ଣ ହେଲେ ବଧବନ ବନ୍ଦର ବିଶ୍ୱର ଶ୍ରେଷ୍ଠ ୧୦ ବନ୍ଦର ମଧ୍ୟରୁ ଅନ୍ୟତମ ହେବ।
ପିଏମ ଗତି ଶକ୍ତି କାର୍ଯ୍ୟକ୍ରମର ଉଦ୍ଦେଶ୍ୟ ସହିତ ସଂଯୁକ୍ତ ଏହି ପ୍ରକଳ୍ପ ଅଧିକ ଅର୍ଥନୈତିକ କାର୍ଯ୍ୟକଳାପକୁ ବୃଦ୍ଧି କରିବ ଏବଂ ପାଖାପାଖି ୧୨ ଲକ୍ଷ ଲୋକଙ୍କ ପାଇଁ ପ୍ରତ୍ୟକ୍ଷ ଏବଂ ପରୋକ୍ଷ ନିଯୁକ୍ତି ସୁଯୋଗର ସମ୍ଭାବନା ମଧ୍ୟ ରଖିବ, ଯାହା ସ୍ଥାନୀୟ ଅର୍ଥନୀତିରେ ଯୋଗଦାନ କରିବ ।
****
NS/SLP
Today’s Cabinet decision on developing a major port at Vadhavan in Maharashtra will boost economic progress and also create employment opportunities at a large scale. https://t.co/njmsVAL0z6
— Narendra Modi (@narendramodi) June 19, 2024
