ভারতকী প্রধানমন্ত্রী
প্রধান মন্ত্রী, শ্রী নরেন্দ্র মোদীনা সরকারগী থৌবুরেল ওইনা চহি ২৩ মপুং ফাবগীদমক্তা মহাক্কী থমোইনুংদগী থাগৎপা ফোংদোকখ্রে। শ্রী মোদীনা গুজরাতকী মুখ্য মন্ত্রী ওইরিঙৈগী মহাক্কী মতম অদু নিংশিংখি অমসুং হায়খি মদুদি গুজরাতনা খুনাইগী সেক্সন পুম্নমক্কীদমক্তা নুংঙাই-য়াইফবা পুরক্তুনা, ‘সবকা সাথ সবকা ৱিকাস’কী ময়েক লারবা খুদম ওইনা থোরক্লি। হৌখিবা দেকেদ অদুবু নিংশিংলদুনা, প্রধান মন্ত্রীনা হায়খি মদুদি ভারতকী চাউখৎ-থৌরাংগী খোংথাংশিং অদুনা মালেম শিনথুংনা ঐখোয়গী লৈবাক অসিবু খ্বাইদগী হেন্না থাজবা থম্বা লৈবাক অমা ওইনা উহল্লে। মহাক্না অৱাবা লৈতনা থবক তৌখিগনি অমসুং ময়াম পুম্নমক্কী ভিক্সিত ভারতকী পান্দম অদুবু ফংদ্রিবা ফাওবা পোথারোই হায়না মহাক্না প্রাজা মীয়ামদা অমুক্কশু হন্না থাজবা পীখি।
প্রধান মন্ত্রীনা Xতা থ্রেদ অমা থাগৎলকখি:
“#23YearsOfSeva…
সরকারগী থৌবুরেল ওইনা ঐহাক্না চহি ২৩ মপুং ফারকপা অসিদা য়াইফ-থৌজালশিং অমসুং য়াইফ-পাউজেলশিং পীবীরকপা মীপুম খুদিংমক্তা থমোই শেংনা তৌবীমল খঙবা উৎচরি। ২০০১গী ওক্তোবর ৭তনি ঐহাক্না গুজরাতকী মুখ্য মন্ত্রী ওইনা থৌদাং লৌখ্রিবা অসি। ঐহাক্কী পার্তী, @BJP4India গী পুকচেল চাউবা মতৌ অদুনা মরম ওইরগা ঐগুম্বা ইচম-চম্বা কার্য়কর্তা অমবু রাজ্যগী এদমিনিস্ত্রেসন লুচিংনবগী থৌদাং পীরিবনি।
“ঐহাক্না সি.এম. ওইনা ফম পাইবা মতমদা, গুজরাতনা শিনবা কয়া অমা মায়োক্নরম্মি – ২০০১গী কচ অর্থক্বেক, মদুগী মমাংদা সুপর সাইক্লোন, পাক্তক্ননা ঈকং থোকপা অমসুং দেকেদ কয়া কোংগ্রেসনা পাল্লম্বগী লেগেসী খুদম ওইনা লুত, কম্যুনেলিজম অমসুং কাস্তিজম। জনা শক্তিনআ থৌনা-লিংজেল হাপ্পীদুনা ঐখোয়না গুজরাতপু অমুক হেন্না শেমগৎলে অমসুং হান্নদগী হৌনা রাজ্য অসিবু মশক খঙনদবা লৌউ-শিংউগুম্বা সেক্তরদা ফাওবা চাউখৎ-থৌরাংগী অনৌবা অৱাংবা থাক অমদা পুখৎপীরে।”
“মুখ্য মন্ত্রী ওইনা ঐহাক্কী চহি ১৩ অদুগী মনুংদা, গুজরাতনা ‘সবকা সাথ, সবকা ৱিকাস’কী ময়াক লারবা খুদম অমা ওইনা থোরক্লি। ২০১৪দা, ভারতকী মীয়াম্না ঐহাক্কী পার্তী অসিবু রেকোর্দ মেন্দেত অমগা লোইননা থৌজানবীদুনা ঐহাকপু প্রধান মন্ত্রী ওইনা থৌ পুবা ঙমহনবীরে। মসি পুৱারি ওইরবা মিৎকুপ অমনি, মরমদি চহি ৩০গী মনুং অসিদা পার্তী অমনা ফুল মেজোরিতী ফংবা হায়বসি মসিনা অহানবনি।”
“হৌখিবা দেকেদ অসিদা, ঐখোয়না ঐখোয়গী জাতি অসিনা মায়োক্নরম্বা শিংনবা কয়া অমা কোকহনবা ঙম্লে। মী করোর ২৫ হেন্না লাইর-অনংদগী খুবাম নুংদগী নান্থোকহনখ্রে। ভারতনা মঙাশুবা খ্বাইদগী চাউবা ইকোনোমী ওইরে অমসুং মসিনআ মরু ওইনা ঐখোয়গী MSMEশিং, স্তার্তঅপ সেক্তরশিং অমসুং কয়া অমদা মতেং পাংখ্রে। ঐখোয়গী থবক কনবআ লৌমীশিং, নারি শক্তি, য়ুৱা শক্তি অমসুং লাইরবশিংগা লোইন-লোইননআ খুনাই অসিগী খ্বাইদগী হেননা শোত্থরবা কাংলুপশিংগীদমক্তা নুংঙাই-য়াইফবগী অনৌবা লম্বি কয়া অমা হাংদোকপীরে।”
“ভারতকী চাউখৎ-থৌরাংগী খোংথাংশিং অদুনা মালেম শিনথুংনা ঐখোয়গী লৈবাক অসিবু খ্বাইদগী হেন্না থাজবা অমা ওইনা উহল্লে। মালেম অসিনা ঐখোয়গা থবক তৌমিন্নবা পাম্লি, ঐখোয়গী মীশিংদা ইনভেস্ত তৌবা পাম্লি অমসুং ঐখোয়গী মাইপাকপগী শরুক অমা ওইবা পাম্লি। মতাং অসিদা, ভারতনা মালেমগী শিংনবশিং, মহৌশাগী অইং-অশাগী খল কাইরকপা, হেল্থকিয়র ফগৎহনবা, SDGশিং ওইথোকহনবা অমসুং মসিদা নত্তবা অতোপ্পা কয়া অমবু মায়োক্নবা ঙম্নবা য়াম্না কন্না হোৎনরি।”
“চহি কয়া অসিদা মাইপাকপা কয়া অমা পুরকখ্রে অদুবু তৌগদবদি ময়াম অমা লৈরি। চহি ২৩ অসিদা খঙজিন-তমশিনখিবশিং অদুনা লৈবাক্কী ওইনা অমসুং মালেম পুম্বগী ওইনা অনিমক্তা শাফু অমা পীরিবা অনৌবা থৌদাং কয়া অমা হৌদোকপা ঙমহল্লে। ঐহাক্না ভারতকী ইরৈচাশিংদা থাজবা পীরি মদুদি ঐহাক্না অৱাবা খঙদনা থবক তৌখিগনি, মীয়ামগী সেবাদা অমুক্কশু হেন্না ইচং থৌনা থবক তৌখিগনি। ঐখোয় ময়াম পুম্বগী ভিক্সিত ভারত অমা ফংবা ঙমদ্রিবা ফাওবা ঐহাক পোথাখিরোই.”
A heartfelt gratitude to everyone who has sent their blessings and good wishes as I complete 23 years as the head of a government. It was on October 7, 2001, that I took on the responsibility of serving as the Chief Minister of Gujarat. It was the greatness of…
— Narendra Modi (@narendramodi) October 7, 2024
***
#23YearsOfSeva…
— Narendra Modi (@narendramodi) October 7, 2024
A heartfelt gratitude to everyone who has sent their blessings and good wishes as I complete 23 years as the head of a government. It was on October 7, 2001, that I took on the responsibility of serving as the Chief Minister of Gujarat. It was the greatness of…
India’s developmental strides have ensured that our country is being viewed with utmost optimism globally. The world is keen to engage with us, invest in our people and be a part of our success. At the same time, India is working extensively to overcome global challenges be it…
— Narendra Modi (@narendramodi) October 7, 2024
Much has been achieved over the years but there is still more to be done. The learnings over these 23 years enabled us to come up with pioneering initiatives which have made an impact both nationally and globally. I assure my fellow Indians that I will keep working tirelessly,…
— Narendra Modi (@narendramodi) October 7, 2024
