ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা দিশেম্বর ২৭ গী নুমিৎয়ুংবা পুং ১২:৩০ রোম তাবদা ভিদিও কনফরেন্সকী খুৎথাংদা রাজ্য ১০ অমসুং য়ুনিয়ন তেরিতোরি ২ শীনবা থুংবগী জিলা ২০০ দা খুঙ্গং ৪৬,০০০ হেনবদা শ্বামিতবা স্কিমগী মখাদা লৌ-ইংখোলগী মপুশিংদা প্রোপর্তি কার্দ লাখ ৫০ হেন্না য়েন্থোক্কনি

শ্বামিতবা স্কিম অসি, খ্বাইদগী নৌবা দ্রোন সর্ভে তেক্নোলোজি শীজিন্নদুনা খুঙ্গংশিংদা মী তাদবা মফমশিংদা য়ুম শাদুনা লৈরিবা য়ুম্বুশিংদা ‘ রেকোর্দ ওফ রাইতস’ পীদুনা ভারতকী খুঙ্গংগী শেন-থুমগী ফিবম ফগৎনবা পান্দম অমগী মখাদা প্রধান মন্ত্রী শ্রী নরেন্দ্র মোদীনা হৌদোকখিবনি।

লৌ-ইংখোল য়োনবা অমসুং  বেঙ্ক লোনশিং লৌবা; লৌ-ইংখোলগা মরী লৈনবা খৎন-চৈনা হন্থহন্নবা; লৌ-ইংখোলশিং য়েংশিন্নবা হেন্না খুদোংচানবা অমসুং খুঙ্গংগী লমশিংদা লৌ-ইংখোলগী খজনা থিনবা অমসুং খুঙ্গং থাক্কী অপুনবা প্লান্নিং অমা পাংথোকপদা শ্বামিতবা স্কিমনা মতেং পাংগনি।

পান্দম থমখিবা খুঙ্গংশিংগী চাদা ৯২ কোনশিন্দুনা, খুঙ্গং লাখ ৩.১ হেনবদা দ্রোন সর্ভে পাংথোকপা লোইখ্রে। হৌজিক ফাওবদা খুঙ্গং লাখ ১.৫ রোমগী প্রোপর্তি কার্দ করোর ২.২ রোম শেম্লে।

শ্বামিতবা স্কিম অসি ত্রিপুরা, গৱা, উত্তরখন্দ অমসুং হরিয়ানা রাজ্যশিংদা চাদা ১০০ পায়খৎলে। মধ্য প্রদেস, উত্তর প্রদেস অমসুং ছতিসগর রাজ্যশিং অমসুং য়ু.তি কয়াদা দ্রোন সর্ভে লোইশিনখ্রে।

***