ভারতকী প্রধানমন্ত্রী

ঙসি ন্যু দিল্লিগী ভারত মন্দাপমদা প্রধান মন্ত্রী শ্রী নরেন্দ্র মোদী য়ুগম ইন্নোবেসন কনক্লেপতা ৱা ঙাংখ্রে। থৌরম অদুদা প্রধান মন্ত্রীনা হায়খি মদুদি সরকারগী ওফিসিএলশিং, একাদেমিয়া, সাইন্স অমসুং রিছার্সগী মীওইশিং, মরী লৈনবশিংগী অপুনবা অমা ওইরিবা “য়ুগম” অসি চাউখৎলবা ভারত অমগী তুংগী তেক্নোলোজিশিং চাউখৎনবা পুন্না থবক তৌমিন্নবা পান্দম থম্লি। থৌরম অসিগী খুৎথাংদা ভারতকী ইন্নোবেসনগী শক্তি হেনগৎহনগনি অমসুং অরুবা তেক্নোলোজি চাউখৎহনবদা লৈবাক অসিগী থৌদাং হেনগৎহনগনি। আই.আই.তি কানপুর অমসুং আই.আই.তি মুম্বাইদা সুপর হবশিং হাংদোক্লে, এ.আই, ইন্তিলিজেন্ত সিস্তেমশিং অমসুং বাইওসাইন্সশিং, বাইওতেক্নোলোজি, হকশেল অমসুং মেদিসিন্দা মীৎয়েং চঙলে। ৱাধৱানি ইন্নোবেসন নেতৱার্ক হাংদোকপা অসিনা নেসনেল রিছার্স ফাউন্দেসনগা লোয়ননা পুন্না থবক তৌমিন্নদদুনা রিছার্সকী থবক চাউখৎহল্লগনি। থবকশিং অসিদা শরুক য়াবগীদমক ৱাধাৱানি ফাউন্দেসন, আই.আই.তিশিং অমসুং মরী লৈনবা খুদিংমক থাগৎপা ফোঙদোকচরি। লনাই অমসুং সরকারগী সেক্তরশিংগী মরক্ত পুন্না থবক তৌমিন্নদুনা লৈবাক অসিগী ইজুকেসন্দা অহোংবা পুরক্নবা কৎথোকপগীদমক প্রধান মন্ত্রীনা শ্রী রোমেস ৱাধাৱানি থাগৎপা ফোঙদোকখি।

প্রধান মন্ত্রীনা হায়খি মদুদি অশেংবা পুন্সিগী ৱাহন্থোক্তি থবক শুবা অমসুং মশাগী ওইজবা থাদোকপনি। সাইন্স অমসুং তেক্নোলোজি অসি মীয়ামগী থবক তৌনবা পাম্বৈশিং ওইনা থবক তৌগদবনি। ভারত্ত সাইন্স অমসুং তেক্নোলোজি অচুম্বা মাইকৈদা পুনবা শ্রী রোমেস ৱাধাৱানি অমসুং মহাক্কী কাংবুনা পায়খৎলিবা থবকশিং অমসুং ৱাধাৱানি ফাউন্দেসনগুম্বা মহৈলোয়শঙশিংদা প্রধান মন্ত্রীনা অপেনবা ফোঙদোকখি। মহাক্না হায়খি ৱাধাৱানিনা পার্তিসন মতুংদা অৱাবা কয়া থেংনখি, মহাক্কী পোক্নফমদগী চেল্লকখি, অঙাং ওইরিঙৈদা পোলিও লান্থেংনখি অমসুং শিংনবা ময়াম অসি মায়োক্নদুনা ললোন-ইতিক্কী অচৌবা মফম অমা শেমগৎখি। ভারতকী লাইরিক তম্বা অমসুং থিজিনবগী থবকশিংদা ৱাধাৱানিনা মহাক্কী মাইপাকপা অদু কৎথোকখি অমসুং মসি তমজনফম ওইরবা থবক অমনি। ফাউন্দেসন অসিনা স্কুল, অঙ্গনৱাদি তেক্নোলোজিশিং অমসুং লৌউ-শিংউগী থবকশিংদা থবক কয়া পায়খৎখি। ৱাধাৱানি ইন্সতিতুৎ ওফ আর্তিফিসিএল ইন্তিলিজেন্স লিংখৎপগী থৌরমদা মহাক শরুক য়াখ্রে অমসুং তুংগীদমক ফাউন্দেসন অসিনা মখা তানা মাইপাকপা থবক কয়া পাংথোক্কনি হায়বগী থাজবা থম্লি। মখোয়গী থবকশিংগীদমক মহাক্না ৱাধাৱানি ফাউন্দেসন্দা মহাক্কী য়াইফ পাউজেল পীখি।

প্রধান মন্ত্রীনা হায়খি মদুদি লৈবাক অমগী তুংলমচৎ অসি লৈবাক অদুগী নহারোলশিংগী মখা পোল্লি অমসুং তুংগীদমক মখোয় শেম শাবা অসি য়াম্না মরুওই। শেম-শাবা অসিদা ইজুকেসন সিস্তেম্ন মরুওইবা থৌদাং অমা লৌরি অমসুং ২১শুবা চহিচাগী দরকার ওইবা মতুংইন্না ঐখোয়না লৈবাক অসিগী লাইরিক-লাইশু তম্বীবগী থবকশিং মতমগা চুনবা মওংদা শেমগৎলি। লৈবাক অসিদা অনৌবা নেসনেল ইজুকেসন পোলিসি অমা হৌদোক্লে, মসিদা ইজুকেসন অসি মালেমগী থাকশিং য়ৌহন্নবা থৌরাং তৌরে। নেসনেল করিকুলম ফ্রেমৱার্ক, তাকপী তম্বীনবগী মচাকশিং শেমগৎলে অমসুং ক্লাস ১ দগী ক্লাস ৭ ফাওবগী অনৌবা তেক্সবুকশিং লৈরে। পি.এম ই-বিদ্যা অমসুং দিক্ষা প্লেতফোর্মশিংগী মখাদা এ.আইদা য়ুম্ফম ওইবা ওনবা য়ারবা দিজিতেল ইজুকেসন ইনফ্রাস্ত্রকচর- ৱান নেসন, ৱান দিজিতেল ইজুকেসন ইনফ্রাস্ত্রকচর শেমগৎলে। মসিনা ভারতকী লোল ৩০ হেনবা অমসুং মপান লৈবাকশিংগী লোল ৭ দা তেক্সবুকশিং পুথোকপা ঙমহল্লে।

প্রধান মন্ত্রীনা হায়খি নেসনেল ক্রেদিদ ফ্রেমৱার্কনা সবজেক কয়া মতম অমতা তম্বদা মহৈরোয়শিং লাইহল্লে, অনৌবা ইজুকেসন ফংহল্লে অমসুং অনৌবা শীনফমগী লম্বীশিং শেম্লে। লৈবাক অসিগী পান্দমশিং ফংনবা ভারতকী থিজিনবগী থবকশিং ফগৎহনবা য়াম্না মরুওই, রিছার্স অমসুং দিবলপমেন্তগী চাদিং শরুক অনি হেনগৎতুনা ২০১৩-১৪ দা লুপা করোর ৬০,০০০ ওইরম্বদগী লুপা করোর লাখ ১.২৫ দা হেনগৎলে, অনৌবা রিছার্স পার্কশিং লিংখৎলে অমসুং অৱাং থাক্কী মহৈলোয়শঙ ৬০০০ রোমদা রিছার্স অমসুং দিবলপমেন্ত সেলশিং হাংদোক্লে। ভারত্ত ইন্নোবেসনগী চৎনবী য়াংনা চাউখৎলকপদগী পেতেন্ত ফাইল তৌবা ২০১৪ দা ৪০,০০০ রোম ওইরম্বদগী হৌজিক ৮০,০০০ হেল্লে, মসিদা নহারোলশিংদা ইন্তেলেকচুএল প্রোপর্তিগী থবকশিংদা মতেং পাংবগী মমি তারে। থিজিনবগী থবক চাউখৎনবা লুপা করোর ৫০,০০০ গী নেসনেল রিছার্স ফাউন্দেসন লিংখৎলে অমসুং ৱান নেসন. ৱান সবস্ক্রিপসন্না নহারোলশিংদা মালেম থাক্কী চেফোঙশিং য়াম্না লাইনা ফংবা ঙম্লে। প্রাইম মিনিস্তরস রিছার্স ফেল্লোসিপনা হৈথোই-শিংথোইবা নহারোলশিং মখোয়গী শীনফম চাউখৎনবা হোৎনবদা অপনবা অমতা পীদ্রে।

প্রধান মন্ত্রীনা হায়খি মদুদি ঙসিগী নহারোলশিং রিছার্স অমসুং দিবলপমেন্তদা মাংজিল থাবা খক নত্তনা হিরম কয়াদা থিজিন্নবা ভারতকী নহারোলশিং থবক তৌনবা মতেং পাংলে। মালেমদা খ্বাইদগী শাংবা হায়পরলুপ তেস্ত ত্রেক থবক হৌরে, ভারত রেলৱেজগা লোয়ননা আই.আই.তি মাদ্রাসতা মিতর ৪২২ শাংবা হায়পর লুপ অমা শেমগৎলে। নেনো-স্কেলদা মঙাল লাকশিন্নবা আই.আই.এস.সি বেঙ্গালোরদা সাইন্তিস্তশিংনা নেনোতেক্নোলোজি শেমগৎলে অমসুং মোলুক্যুলার ফিল্ম অমদা দেতা ১৬০০০ হেন্না থম্বা অমসুং প্রোসেস তৌবা ঙম্বা ‘ব্রোন ওন চিপ’ তেক্নোলোজি পুথোক্লে। চয়োল খরগী মমাঙদা ভারতনা শাজবা অহানবা এম.আর.আই মেছিন পুথোক্লে। নহারোলশিংগী শক্তিনা অনৌবা থবকশিং পাংথোক্তুনা ভারতকী য়ুনিভর্সিতিশিংগী কেম্পসশিং অফবা মফমশিং ওইরক্লে। অৱাংবা থাক্কী ইজুকেসনগী রেঙ্কিংশিংদা ভারতকী ফিবম ফগৎলক্লি, মালেমগী মহৈলোয়শঙ ২,০০০ গী মনুংদা ভারতকী য়ুনিভর্সিতি ৯০ হেন্না য়াওরে। ক্বিউ.এস রেঙ্কিংদা ভারতকী ফিবম ফগৎলে, ২০১৪ দা ভারতকী মহৈলোয়শঙ ৯ য়াওরম্বদগী হৌজিক ২০২৫ দা ৪৬ য়ৌরে অমসুং মসিগা লোয়ননা হৌখিবা চহি ১০ অসিদা মালেমগী মকোক থোঙবা অৱাং থাক্কী মহৈলোয়শঙ ৫০০গী মনুংদা ভারতকী মহৈলোয়শঙশিং য়াওবা মশিং হেনগৎলক্লি। অবু ধাবীদা আই.আই.তি দিল্লিগী কেম্পস, তাঞ্জানিয়াদা আই.আই.তি মাদ্রাস অমসুং দুবাইদা আই.আই.এম লিংখৎকদৌরিবা অসি য়াওনা মপান লৈবাকশিংদা ভারতকী মহৈলোয়শঙশিংগী কেম্পসশিং লিংখৎলে। মালেমগী মমিং লৈরিবা য়ুনিভর্সিতিশিংগী কেম্পসশিংশু ভারত্ত হাংদোক্লে, পুন্না থিজিনবা অমসুং ভারতকী মহৈরোয়শিংগী মরক্ত অমনা অমগী নাৎ অমসুং চৎনবীশিং তম্নবগী খুদোংচাবশিং পীরে।

প্রধান মন্ত্রীনা হায়খি তেলেন্ত, তেম্পেরামেন্ত অমসুং তেক্নোলোজি অহুম অসিনা ভারতকী তুংগী ফিবম লেপকনি। অতল তিনকরিং লেব ১০০০০ রোম থবক তৌরে অমসুং লেব ৫০,০০০ হেন্না লিংখৎনবা চহি অসিগী বজেত্ত লাউথোক্লে। পি.এম বিদ্য লক্ষমী স্কিম্না মহৈরোয়শিংদা শেন্থ্ং পীরে অমসুং মহৈরোয়শিং লাইরিক তম্বদা অওনবা পুরক্নবা মহৈলোয়শঙ ৭০০০ হেনবদা ইন্তর্নশিপ সেলশিং হাংদোক্লে। তেলেন্ত, তেম্পেরামেন্ত অমসুং তেক্নোলোজিগী অপুনবা মপাঙ্গল অসিনা ভারত মাইপাকপগী মতোল লোম্নবা নহারোলশিংদা স্কিলশিং লৈহন্নবা থবক খুদিংমক পায়খৎলে। মথং চহি ২৫ দা বিকসিত ভারত অমগী পান্দম ফংনবা হোৎনবা হায়বসি য়াম্না মরুওই অমসুং অনৌবা ৱাখলদগী প্রোতোতাইপ অমসুং পোৎথোক ফাওবা য়ৌরকপা অসি খ্বাইদগী তেনবা মফমদা পাংথোকপা অসি খোঙচৎ অসিগী খ্বাইদগী মরুওইবনি। লেবতগী কৈথেল ফাওবগী মরক্ত লৈরিবা অরাপ্পা হন্থহনবা অসিনা থিজিনবগী কান্নবশিং মীয়ামদা য়াংনা ফংহনবা ঙমগনি, থিজিল্লোয়শিং পুক্নিং থৌগৎকনি অমসুং মখোয়গী থবক্কী মতিক চাবা মনা ফংগনি। মসিনা থিজিনবা, ইন্নোবেসন অমসুং ভেলু এদিসনগী খোঙজেল য়াংখৎহনগনি।

প্রধান মন্ত্রীনা হায়খি অফবা থিজিনবগী থবক লৈহনগদবনি অমসুং মহৈলোয়শঙশিং, ইনভেস্তরশিং অমসুং ইন্দস্ত্রিনা থিজিল্লোয়শিং মতেং পাংগদবনি অমসুং লমজিংগদবনি। নহারোলশিং লমজিংবা, শেন্থং পীবা অমসুং অনৌবা পাম্বৈশিংগীদমক পুন্না থবক তৌমিন্নবদা ইন্দস্ত্রিগী লুচিংবশিংগী থৌদাং য়াম্না লৈরি। চৎন-কাংলোনশিং লাইথোকহন্নবা অমসুং হায়রিবা থবকশিং অসিগীদমক অথুবা মতমদা অয়াবা পীনবা সরকারনা থবক পায়খৎলে।

প্রধান মন্ত্রীনা হায়খি এ.আই. ক্বান্তম কম্পুতিং, এদভান্স এনালাইতিক্স, স্পেস তেক, হেল্থ তেক অমসুং সিন্থেতিক বাইওলোজি য়োকখৎপা দরকার ওই। এ.আই পুথোকপা অমসুং শীজিন্নবদা ভারতনা মাঙজিল থারি। মালেম থাক্কী ইনফ্রাস্ত্রকচর শেমগৎনবা, অফবা দেতাসেতশিং অমসুং রিছার্সকী খুদোংচাবশিং শেমগৎনবা ইন্দিয়া-এ.আই মিসন হৌদোক্লে। শক্নাইরবা ইন্সতিতুসনশিং, ইন্দস্ত্রিশিং অমসুং স্তার্দঅপশিংগী মতেংগা লোয়ননা এ.আই সেন্তরস ফোর এক্সলেন্স মশিং হেনগৎহল্লে। ভারত্ত এ.আই পুথোক্নবা পান্দমদা ঐখোয় থবক তৌরি অমসুং ঐখোয়গী পান্দমদি ভারতকীদমক এ.আইগী থবক পায়খৎপনি

আই.আই.তি সিত মশিং হেনগৎনবা অমসুং আই.আই.তিশিং অমসুং এ.আই.আই.এম.এসশিং পুন্না থবক তৌমিন্নদুনা মেদিতেক কোর্সশিং অমসুং মেদিকেল অমসুং তেক্নোলোজি ইজুকেসন পুনশিন্নবা বজেতকী ওইবা ৱারেপ লৌরে। তুংগী তেক্নোলোজিশিংদা মালেমদা খ্বাইদগী ফবগী মনুংদা ভারত য়াওনবা মীৎয়েং অমগা লোয়ননা হায়রিবা থবকশিং অসি মতম লোইশিনগদবনি। ইজুকেসন মিনিস্ত্রি অমসুং ৱাধাৱানি ফাউন্দেসনগী অপুনবা অমা ওইরিবা য়ুগমগুম্বা থবক অসিনা ভারত্ত ইন্নোবেসনগী থবক নৌনা ময়োল চোংহনগনি। মখোয়গী থবকশিং মখা চৎথবা অমসুং ঙসিগী থৌরম অসিনা হায়রিবা পান্দমশিং অসি ফংনবা মতেং পাংবগীদমক মহাক্না ৱাধাৱানি ফাউন্দেসন থাগৎপা ফোঙদোকখি।

থৌরম অসিদা শরুক য়াখিবশিংগী মনুংদা য়ুনিয়ন মিনিস্তরশিং শ্রী ধর্মেন্দ্র প্রধান, দোক্তর জিতেন্দ্র সিংহ, শ্রী জয়ান্ত চৌধুরি, দোক্তর সুকান্ত মজুমদার য়াওখি।

নুঙগীৱারোল

য়ুগম (সংস্কৃত লোলদা “ইতিনফম”) অসি সরকারগী ওফিসিএলশিং, একাদেমিয়া, সাইন্স অমসুং রিছার্সগী মীওইশিং অমসুং ইন্নোবেসনগী থবক্কী লুচিংবশিংগী অহানবা মখলগী মীফম অমনি। থৌরম অসিনা ভারতকী ইন্নোবেসনগী খোঙচৎতা মতেং পাংগনি, মসি ৱাধাৱানি ফাউন্দেসন অমসুং সরকারগী ইন্সতিতুসনশিংগী অপুনবা লুপা করোর ১.৪০০ রোমগী অপুনবা প্রোজেক অমনি।

মীফম অসিদা তোঙান তোঙানবা মরুওইবা প্রোজেকশিং হৌদোক্কনি। মখোয়গী মনুংদা আই.আই.তি কানপুর (এ.আই অমসুং ইন্তিলিজেন্ত সিস্তেমস) অমসুং আই.আই.তি মুম্বাই (বাইওসাইন্স, বাইওতেক্নোলোজি, হকশেল অমসুং মেদিসিন) দা সুপরহবশিং; মরুওইবা রিছার্স ইন্সতিতুসনশিংদা ৱাধাৱানি ইন্নোবেসন নেতৱার্ক; অমসুং লেত-স্তেজ ত্রান্সলেসন প্রোজেকশিংদা অনুসান্ধান নেসনেল রিছার্স ফাউন্দেসনগা লোয়ননা পুন্না শেন থাদবা অমসুং থিজিনবা অমসুং ইন্নোবেসন য়োখৎপা য়াওরি।

মীফম অদুদা সরকারগী ওফিসিএলশিং, ইন্দস্ত্রি অমসুং একাদেমিক লুচিংবশিং শরুক য়াবা অৱাংবা থাক্কী মীফমশিং; থিজিনবগী থবকশিং য়াংনা কান্নবা থবক ওন্থোক্নবা ৱারি শানবা; ভারত শীনবা থুংবগী অৱাংবা থাক্কী ইন্নোবেসন উৎপা দিপ তেক স্তার্দঅপ সোকেস অমা অমসুং পুন্না থবক তৌমিন্নবা হেনগৎনবা সেক্তর কয়াগী অখন্নবা নেতৱার্ককী খুদোংচাবশিং য়াওরি।

ভারতকী ইন্নোবেসনগী থবকশিংদা পাক-চাউনা লনাই কাংবু শেন থাদবা হেনগৎনবা; মরুওইবা তেক্নোলোজিদা থিজিনবদগী শেন-থুম তানবগী থবকশিংদা লাকপা য়াংশিন্নবা; একাদেমিয়া-ইন্দস্ত্রি-সরকার পুন্না থবক তৌমিন্নবা হেনগৎহন্নবা; এ.এন.আর.এফ অমসুং এ.আই.সি.তি.ই ইন্নোবেসনগুম্বা লৈবাক্কী থবকশিং চাউখৎহনবা; ইন্সতিতুসনশিংদা ইন্নোবেসনগী থবক পায়খৎহনবা অমসুং Viksit Bharat@2047 গীদমক লৈবাক্কী ইন্নোবেসনগী থবক হেনগৎহন্নবা মীফম অসিনা পান্দম থম্লি।

Addressing the YUGM Conclave. Our endeavour is to empower the youth with skills that make them self-reliant and position India as a global innovation hub. https://t.co/J8kaoynOo9

— Narendra Modi (@narendramodi) April 29, 2025

Modernising the country’s education system to meet the needs of the 21st century. pic.twitter.com/zf2ap0ZQMr

— PMO India (@PMOIndia) April 29, 2025

Bringing world-class knowledge within every student’s reach. pic.twitter.com/SbG4kC12Is

— PMO India (@PMOIndia) April 29, 2025

India’s university campuses are emerging as dynamic centres where Yuvashakti drives breakthrough innovations. pic.twitter.com/Gi4MxYlvep

— PMO India (@PMOIndia) April 29, 2025

The trinity of Talent, Temperament and Technology will transform India’s future. pic.twitter.com/wCStA45d90

— PMO India (@PMOIndia) April 29, 2025

It is crucial that the journey from idea to prototype to product is completed in the shortest time possible. pic.twitter.com/Y6iNOkHJts

— PMO India (@PMOIndia) April 29, 2025

Make AI in India.

Make AI work for India. pic.twitter.com/hfYRoBXj3F

— PMO India (@PMOIndia) April 29, 2025

****