ভারতকী প্রধানমন্ত্রী

ঙসি ঐহাক্না জুলাই 2দগী 9, 2025 ফাওবা ঘানা, ত্রিনিদাদ অমসুং তোবেগো, আর্জেন্তিনা, ব্রাজিল অমসুং নমিবিয়াদা লৈবাক মঙাগী খোঙচৎ অমা চৎলি।

রাস্ত্রপতি ঐচ.ই. জোন দ্রামানি মহামানা বর্তন তৌরকপদগী ঐহাক জুলাই 2-3দা ঘানাদা চৎকনি। ঘানা অসি গ্লোবেল সাউথকী মমল য়াম্লবা পার্তনর অমনি অমসুং মসিনা অফ্রিকান য়ুনিয়ন অমসুং ইকোনোমিক কম্ম্যুনিতী ওফ ৱেস্ত অফ্রিকান স্তেৎসতা মরু ওইবা থৌদাং অমা লৌরি। ঐহাক্না ঐখোয়গী পুৱারী ওইরবা মরীশিং মখা তানা চেৎশিলহন্নবা অমসুং ইনভেস্তমেন্ত, ইনর্জী, হকশেল, সেক্যুরিতী, কেপাসিতী বিল্দিং অমসুং দিবেলপমেন্ত পার্তনরশিপ য়াওনা কোওপরেসনগী অনৌবা লম্বীশিং হাংদোক্নবা পান্দম থম্লিবা ঐহাক্কী এক্সচেঞ্জশিংদা চাউনা আশা থম্মি। দেমোক্রেসী চৎলিবশিংগী মনুংদা অমা ওইনা, ঘানাগী পার্লিয়ামেন্ততা ৱা ঙাংবা অসি ঐহাক্কী ইকাই খুম্নবা অমনি।

জুলাই 3-4দা, ঐহাক রিপব্লিক ওফ ত্রিনিদাদ এন্দ তোবেগোদা লৈগনি, লৈবাক অসিগা ঐখোয়না পুৱারীগী, চৎনবীগী অমসুং পিপল-তু-পিপল কন্নেক্ত অসি য়াম্না চেৎলি। ঐহাক্না রাস্ত্রপতি ঐচ.ই. শ্রীমতী ক্রিস্তিন কারলা কাঙ্গালু, চহি অসিগী প্রভাসি ভারতী দিবসতা চীফ গেস্ত ওইখিবা অমসুং প্রধান মন্ত্রী ঐচ.ই. শ্রীমতী  কমলা পরসাদ-বিসেসর, হন্দক্তা অনিশুবা তর্মগীদমক ওফিস পায়খিবা, মখোয়গা উনগনি। ভারত মচাশিংনা ত্রিনিদাদ অমসুং তোবেগোদা অহানবা ওইনা চহি 180গী মমাংদা লাকখি। খোঙচৎ অসিনা ঐখোয়বু পুনশিনবা ঙম্বা অখন্নবা মরীশিং অদু নৌহৌননা শেমগৎনবা খুদোংচাবা অমা পীরগনি।

পোর্ত ওফ স্পেনদগী ঐহাক্না ব্যুনোস আইরেস্তা চৎকনি। চহি 57গী মতুংদা মসিনা ভারতকী প্রধান মন্ত্রী অমনা আর্জেন্তিনাদা চৎপা অহানবা বাইলেতরেল খোঙচৎ ওইগনি। আর্জেন্তিনা অসি লেতিন অমেরিকাগী মরুওইবা ইকোনোমিক পার্তনর অমনি অমসুং G-20গী মপাং অমনি। হৌখিবা চহিদা ঐহাক্না মহাক্কা উনবা ফংখিবা, রাস্ত্রপতি ঐচ.ই. জাবিয়র মিলিগা ঐহাক্না খন্ন-নৈনবশিং চত্থনবা আশা তৌজরি। ঐখোয়না লৌউ-শিংউ, ক্রিতিকেল মিনরেলশিং, ইনর্জী, ললোন-ইতিক, তুরিজম, তেক্নোলোজী অমসুং ইনভেস্তমেন্ত য়াওনা নাকল অনিগী কান্নরবা কোওপরেসন অমা মাংলোমদা পুখৎপদা মীৎয়েং থমগনি।

ঐহাক্না জুলাই 6-7তা রিও দি জেনেরোদা BRICS সম্মিৎতা শরুক য়াগনি। ফাউন্দিং মেম্বর অমা ওইনা, ভারতনা BRICSপু ইমর্জিং ইকোনোমীশিংগী মরক্তা তেংবাং পীননবা মরুওইবা প্লেৎফোর্ম অমা ওইনা শেমগৎনবা লেপ্পী। ঐখোয় পুন্না হেন্না শান্তি লৈবা, চপ মান্নবা, অচুম্বা, দেমোক্রেতিক অমসুং বেলেন্স ওইবা মল্তিপোলর ৱার্ল্দ ওর্দর অমা ওইহন্নবা হোৎনরি। সম্মিৎ অসিগী নাকলদা, ঐহাক্না মালেমগী লুচিংবা কয়াগা উনগনি। ভারতকী প্রধান মন্ত্রী অমনা চাউরাক্না চহি তরাগী খুজিং তরুক্কী মতুংদা অহানবা ওইনা বাইলেতরেল স্তেৎ ভিজিৎ অমদা ঐহাক ব্রাসিলিয়াদা চৎকনি। খোঙচৎ অসিনা ব্রাজিলগা ঐখোয়গী অচেৎপা পার্তনরশিপ মপাঙ্গল কনখৎহন্নবা অমসুং ঐহাক্কী মরুপ, রাস্ত্রপতি ঐচ.ই. লুইজ ইনাসিও লুলা দা সিলভাগা গ্লোবেল সাউথকী মরুওইবশিং খুমাং চাউশিলহন্নবগী মতাংদা থবক তৌনবা খুদোংচাবা অমা পীরগনি।

ঐহাক্কী অরোইবা খোঙচৎ অসি নামিবিয়াদা ওইগনি। মসি ঐখোয়গী থাজবা থম্বা পার্তনর অমনি অমসুং ঐখোয়গা লোয়ননা কোলোনিয়েলিজমগী মায়োক্তা লান্থেংনবগী মান্নবা পুৱারী অমা লৈ। ঐহাক্না রাস্ত্রপতি ঐচ.ই. দোক্তর. নেতুম্বো নন্দি-নদাইতৱাহগা উন্নবা আশা থম্মি অমসুং ঐখোয়গী মীয়াম, ঐখোয়গী লমদমশিং অমসুং হেন্না চাউবা গ্লোবেল সাউথকী কান্ননবগীদমক মতেং পীনবগী অনৌবা রোদমেপ অমা শেমগনি। ঐখোয় অমত্তা ওইনা লেংদনা লৈমিন্নবা অমসুং নীংতম্বা অমসুং চাউখৎ-থৌরাংগীদমক পুন্না হোৎনমিন্নবগী থৌনা অদু উৎলিঙৈদা নামিবিয়াগী পার্লিয়ামেন্তগী জোইন্ত সেসনদা ৱা ঙাংবা হায়বা অসিসু ঐহাক্কীদমক চাউথোকচনীংঙাই ওইগনি।

ঐহাক্না থাজবা থম্লি মদুদি লৈবাক মঙা অসিদা চৎপা ঐহাক্কী খোঙচৎ অসিনা গ্লোবেল সাউথকী মরক্তা ঐখোয়গী মরুপ ওইবগী মরী অদু মপাঙ্গল কনখৎহল্লগনি, এতলান্তিককী নাকল অনিমক্তা ঐখোয়গী পার্তনরশিপ অদু মপাঙ্গল কনখৎহল্লগনি, অমসুং BRICS, অফ্রিকান য়ুনিয়ন, ECOWAS অমসুং CARICOMগুম্বা মল্তিলেতরেল প্লেৎফোর্মশিংদা মরী হেন্না চেৎশিলহল্লগনি।

****