ভারতকী প্রধানমন্ত্রী

চেক রিপব্লিক্কী প্রধান মন্ত্রী H.E. শ্রী পেত্র ফিয়ালা গুজরাত গ্লোবেল সমিৎ 2024দা শরুক য়ানবগীদমক জনুৱারী 9-11, 2024 ফাওবা ভারতকী খোঙচৎতা লৈরি।

প্রধান মন্ত্রী শ্রী নরেন্দ্র মোদীনা ঙসি প্রধান মন্ত্রী ফিয়ালাগা উনখ্রে। লুচিংবা অনিনা মরুওইনা নোলেজ, তেক্নোলোজী অমসুং সাইন্তিফিক্কী লমশিংদা নাকল অনিগী ওইবা মরীশিং অদু মখা চৎথনবগী থৌওংশিংগী মতাংদা খন্ন-নৈনখি। প্রধান মন্ত্রীনা হায়খি মদুদি চেক কম্পনী কয়ামরুম্না মেক ইন ইন্দিয়া ইনিসিএতিবকী মখাদা দিফেন্স, রেলৱেজ, অমসুং এভিএশন সেক্তরদা ভারতকী মেন্যুফেকচররশিংগা লোইননা শরুক য়ামিন্নরি। মহাক্না ৱাফম অসিগী মতাংদসু ফোংদোকখি মদুদি ভারতকী গ্রোথ স্তোরী অমসুং চেক রিপব্লিক্কী অচেৎপা ইন্দস্ত্রিএল বেজ পুনশিন্দুনা মসিবু গ্লোবেল সপ্লাই চেন ওইনা ফিদম্নীংঙাই ওইবা পার্তনর অনি শেম্লি।

লুচিংবা অনিনা ভারত-চেক লৈবাক অনিগী ওইবা মরীশিং মশক থোকপা মায় পাকপা অমা ওইনা ইনোবেশনগী মতাংদা তৌনবা ভারত-চেক স্ত্রেতেজিক পার্তনরদা অপুনবা ৱারোল অদুবুসু তরাম্না ওকখি। অপুনবা ৱারোল অসিগী পান্দম অসি স্তার্ত-অপ অমসুং ইনোবেশন, সাইবর-সেক্যুরিতী, দিজিতেল দোমেন, আর্তিফিসিএল ইন্তিলিজেন্স, দিপেন্স, ন্যুক্লিয়র ইনর্জী অমসুং সর্ক্যুলর ইকোনোমীগুম্বা লমশিংদা লৈবাক অনিগী তেংবা পীনবগী মগুন অদুগী কান্নবা লৌবনি।

প্রধান মন্ত্রী ফিয়ালাগী জয়পুর চৎননবা থৌরাং লৈ মফম অদুদা NIMS য়ুনিভর্সিতীনা মহাকপু ওনোরিস কৌসা দোক্তরেৎ দিগ্রী পীদুনা ইকাই খুম্নগনি।

*****