ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা মে ২০, ২০২৩দা জপানগী হীরোশিমাদা মহাত্মা গান্ধীগী মীতম মাইখুম হাংদোকখ্রে।

মাইখুম হাংদোকপগৌ থৌরমদা শরুক য়াখিবা দিগনিতরীশিংদা প্রধান মন্ত্রীগী স্পেসিএল এদভাইজর অমসুং মেম্বর ওফ পার্লিয়ামেন্ত, ঐচ.ই. শ্রী নাকাতনি জেন; হীরোশিমা সিতীগী মেয়র, শ্রী কাজুমি মৎসুই; হীরোশিমা সিতী এসেমব্লীগী স্পীকর, শ্রী ততসুনোরি মোতানি; হীরোশিমাগী মে্বর ওফ পার্লিয়ামেন্ত অমসুং মকোক থোংবা সরকারগী ওফিসিএলশিং; ভারতকী মীয়ামগী মেম্বরশিং; অমসুং জপান্দা লৈরিবা মহাত্মা গান্ধীবু পামজবা মীওইশিং য়াওখি।

মে ১৯-২১, ২০২৩দা পাঙথোকপা জি-৭ সম্মিৎকীদমক প্রধান মন্ত্রীগী খোঙচৎ অসিদা ভারত অমদি জপানগী মরক্তা মরুপ ওইবগী অমসুং অফবা মরীগী খুদম ওইনা ভারত সরকারনা হীরোশিমা সিতীদা মহাত্মা গান্ধীগী মীতম অসি খুদোল তমখিবনি।

শেঞ্জেংগী ইঞ্চি ৪২ ৱাংবা মীতম অসি পদ্ম ভুশন এৱার্দী শ্রী রাম বাঞ্জি সুতরনা হক্তুনা শাখিবনি। মীতম থমফম ওইরিবা মোতোয়াসু তুরেলগী মনাক্তা লৈরিবা মফম অসি মীওই লিশিং কয়ানা – লোকেল অমসুং তুরিস্তশিং – নুমিৎ খুদিংগী লাক্নরিবা মমিং লৈরবা এ-বোম্ব দোমগী নক্ননা লৈ।

মফম অসি শান্তি অমসুং অহিমসাগীদমক অমত্তা ওইনা লেপ্পগী খুদম অমা ওইনা খনখিবনি। মহাত্মা গান্ধীনা মহাক্কী পুন্সিবু শান্তি অমসুং অহিমসাগীদমক কত্থোকখি। মফম অসিনা মালেম অমসুং লুচিংবশিংবু মখা তানা ইথিল পীরিবা গান্ধীগী ৱাখল্লোন অমদি পুন্সিবু তশেংনবমক তাক্লি।

*****