ভারতকী প্রধানমন্ত্রী

ঙসি সাউথ ব্লোক্ত প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ৪৯ শুবা প্রাগাতি ( আই.সি.তি শীজিন্নরবা মল্তি-মোদাল প্লেতফোর্ম ফোর প্রো-এক্তিব গভর্নান্স এন্দ তাইমলি ইমপ্লিমেন্তেসন) গী মীফম পাংথোকখ্রে। প্লেতফোর্ম অসিদা মরুওইবা প্রোজেকশিং খোঙ্গুল লিনবা, খুদোংচাদবশিং কোকহন্নবা অমসুং মতম চানা থবক লোইশিন্নবা কেন্দ্র অমসুং রাজ্যশিং পুল্লে।

মীফম মনুংদা, মাইন্স, রেলৱেজ, ঈশিং, ইন্দষ্ট্রিয়েল কোরিদোরশিং অমসুং পৱার সেক্তরগা মরী লৈনবা মরুওইবা ইনফ্রাষ্ট্রকচর প্রোজেক ৮ প্রধান মন্ত্রীনা হন্না য়েংশিনখ্রে। লুপা করোর ৬৫,০০০ অপুনবা শেনফম অমগা লোয়ননা রাজ্য অমসুং য়ু.তি ১২ দা পায়খৎলিবা প্রোজেকশিং হন্না য়েংশিনখ্রে। শেন-থুম চাউখৎনবা অমসুং মীয়াম য়াইফনবা মরুওইবা থবকশিংনা হায়বা খঙলদুনা, মতম চানা লোইশিন্নবা, এজেন্সিশিংগী মরক্ত মপুংফানা থবক তৌমিন্ননবা অমসুং খুদোংচাদবশিং ফজনা কোকহন্নবা প্রোজেকশিং হন্না য়েংশিনখিবা অদুদা তকশিনখ্রে।

থবক পায়খৎপদা মতম থেংবদগী শেন শরুক অনি চঙহনবা-প্রোজেক্কী চাদিং হেনগৎলকপা অমসুং তঙাইফদবা থবকশিং মীয়ামদা মতম চানা ফংহন্দবগী মতাংদা প্রধান মন্ত্রীনা অমুক হন্না ফোঙদোকখি। ফলদা য়ুম্ফম ওইবা থবক পায়খৎনবা প্রধান মন্ত্রীনা কেন্দ্র অমসুং রাজ্য থাক্কী ওফিসিএলশিংদা খঙহনখ্রে অমসুং মীয়ামগী পুন্সি য়াইফনবা খুদোংচাবশিং থবক ওইনা পাংথোক্নবা অমসুং মীয়াম হিংবদা লাইনবা অমসুং ললোন-ইতিক্কী থবকশিং লাইনা পাংথোকপা য়ানবা থবক পায়খৎনবা তকশিনখি।

মরুওইবা প্রোজেকশিং চাং নাইনা য়েংশিন্নবা, মতম চানা লোইশিন্নবা অমসুং খুদোংচাদবশিং মপুংফানা কোকহন্নবা মখোয়গী থাক্ত থবকশিং পাংথোক্নবা রাজ্যশিং অমসুং য়ু.তিশিংদা প্রধান মন্ত্রীনা তকশিনখ্রে। চাংদম্নবগী থবক ফগৎনবা, থবক ফজনা পাংথোকপা হেনগৎনবা অমসুং হিরম খুদিংমক্ত অনৌবা থবকশিং পায়খৎপা হেনগৎনবা অমসুং নৌনা লাকপা খুদোংচাবশিং য়াংনা লৌনবা অওনবশিং অসিগী খুৎথাংদা ঐখোয় মপুংফানা শেম-শানবা মহাক্না রাজ্যশিং/য়ু.তিশিংদা তকশিনখ্রে।

***