ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা খ্বাইদগী নৌবা জি.দি.পি মশিং তরাম্না ওকখ্রে, ভারতকী ইকোনোমি অনিশুবা ক্বাতর ২০২৫-২৬ দা ভারতকী জি.দি.পি গ্রোথ ৮.২% লৈরে হায়না ফোঙদোকখি। মহাক্না হায়খি মাইপাকপশিং অসিদা চাউখৎপদা য়ুম্ফম ওইবা সরকারগী থৌশিলশিং অমসুং অওনবশিংগী মমি তারে, লোয়ননা ভারতকী মীয়ামগী থবক শুবা কনবা অমসুং ললোন-ইতিক হৈবগী মমিসু তারে। অওনবশিং খুমাঙচাউশিন্নবা অমসুং মীওই খুদিংমক হিংবদা লাইবা হেনগৎহন্নবা, চাউখৎপগী কান্নবশিং খুন্নাইগী কাংলুপ খুদিংমক্ত ফংহন্নবা সরকারনা মখা তানা থবক পায়খৎলে।

এক্সতা পোষ্ট অমদা, প্রধান মন্ত্রীনা হায়খি;

“অনিশুবা ক্বাতর ২০২৫-২৬ দা ভারতকী জি.দি.পি গ্রোথ ৮.২% ওইবা পুক্নিং থৌগৎনিঙাইনি। মসিদা চাউখৎপদা য়ুম্ফম ওইবা সরকারগী থৌশিলশিং অমসুং অওনবশিংগী মমি তারে। মসিদা ভারতকী মীয়ামগী থবক শুবা কনবা অমসুং ললোন-ইতিক হৈবগী মমিসু তারে। ঐখোয়গী সরকারনা মখা তানা অওনবশিং খুমাঙচাউশিনহনগনি অমসুং মীওই খুদিংমক হিংবদা লাইবা হেনগৎহনগনি”।

The 8.2% GDP growth in Q2 of 2025-26 is very encouraging. It reflects the impact of our pro-growth policies and reforms. It also reflects the hard work and enterprise of our people. Our government will continue to advance reforms and strengthen Ease of Living for every citizen.

— Narendra Modi (@narendramodi) November 28, 2025

***