ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা স্মোল ইন্দষ্ট্রিস দিবলপমেন্ত বেঙ্ক ওফ ইন্দিয়া(সিদবি) দা লুপা করোর ৫,০০০ গী ইকুইতিগী মতেং পীবা অয়াবা পীখ্রে।

৩১.০৩.২০২৫ দা লৈখিবা লুপা ৫৬৮.৬৫ গী বুক ভেল্যুদা শেনবা চহি ২০২৫-২৬ দা লুপা করোর ৩০০০ অসি তাঙ্কক অহুম থোক্না লুপা করোর ৫০০০ গী ইকুইতি কেপিতেল স্মোল ইন্দষ্ট্রিস দিবলপমেন্ত বেঙ্ক ওফ ইন্দিয়াদা দিপার্তমেন্ত ওফ ফাইনান্সিএল সর্বিসেসনা পীগনি অমসুং হৌখিবা শেনবা চহিগী মার্চ ৩১ ফাওবদা লৈখিবা বুক ভেল্যুদা শেনবা চহি ২০২৬ অমসুং শেনবা চহি ২০২৭-২৮ দা লুপা করোর ১,০০০ অমমম পীগনি।

কান্নবা:

লুপা করোর ৫০০০ গী ইকুইতি কেপিতেল পীখ্রবা মতুংদা, শেন্থং ফংবা এম.এস.এম.ই মশিং শেনবা চহি ২০২৫ গী অরোইবদা লাখ ৭৬.২৬ লৈরম্বদগী শেনবা চহি ২০২৮ গী অরোইবদা লাখ ১০২ দা হেনগৎলক্কনি হায়না পানরি। মসি চাউরাক্না অনৌবা এম.এস.এম.ই লাখ ২৫.৭৪ রোম হাপচিল্লগনি। এম.এস.এম.ই মিনিষ্ট্রিগী ৱেবসাইত্তগী ফংবা খ্বাইদগী নৌবা দেতাগী মতুংইন্না, ৩০.০৯.২০২৫ ফাওবদা, এম.এস.এম.ই করোর ৬.৯০ না থবক করোর ৩০.১৬ ফংহনখ্রে (এম.এস.এম.ই অমনা মীওই ৪.৩৭ থবক পীরে)। চাংচৎ অসি য়েংলগা, থবক পীগনি হায়না পারিবা অসি করোর ১.১২ নি অমসুং শেনবা চহি ২০২৭-২৮ লোইরকপদা অনৌবা এম.এস.এম.ই বেনিফিসরি লাখ ২৫.৭৪ হাপচিনগনি হায়না পানরি।

নুঙগীৱারোল:

হকথেংননা শেন্থং পীবদা মীৎয়েং থমদুনা অমসুং মথং চহি ৫ দা হায়রিবা পোর্তফোলিও অদু চাউখৎলক্কনি হায়বগী থাজবা থমদুনা, স্মোল ইন্দষ্ট্রিস দিবলপমেন্ত বেঙ্ক ওফ ইন্দিয়াগী বেলেন্স সিত শিংথাবা য়ানা ফগৎলক্কনি হায়বগী থাজবা থম্লি। মসিনা চপ মান্নবা থাক্ত কেপিতেল তু রিক্স-ৱেথ এসেতস রেসিও (সি আর এ আর) দা দরকার ওইবা কেপিতেল পীবা ঙমগনি। শেন্থং পীবা হেনগৎনবা পান্দমদা স্মোল ইন্দষ্ট্রিস দিবলপমেন্ত বেঙ্ক ওফ ইন্দিয়ানা দিজিতেল অমসুং দিজিতেল-ইনবেল কোলেতরেল-ফ্রি ক্রেদিৎ প্রদকশিং শেমগৎলে অমসুং মসিগা লোয়ননা ষ্টার্দ-অপশিংদা  শেন্থং পীরে, মসিনা কেপিতেল তু রিক্স-ৱেথ এসেতস রেসিও লৈনবা অহেনবা কেপিতেল পীগনি।

অফবা কেপিতেল তু রিক্স-ৱেথ এসেতস রেসিও অসি ক্রেদিৎ রেতিং ঙাকথোক্নবা মরুওইবা অমনি। অফবা কেপিতেল তু রিক্স-ৱেথ এসেতস রেসিও অমা থমদুনা অহেনবা সিয়ার কেপিতেল পীশিনবা অসিনা সিদবি কান্নবা ফংগনি। অহেনবা কেপিতেল পীশিনবা অসিনা সিদবিনা অতাবা রেতশিংদা শেন্থং পীদুনা এম.এস.এম.ইশিংদা শেন্থং পীবা হেনগৎহনগনি। তাঙ্কক ওইনা ইকুইতি পীবা অসিনা সিদবিনা কেপিতেল তু রিক্স-ৱেথ এসেতস রেসিও ১০.৫০% গী মথক্ত থম্বা ঙমগনি অমসুং মথং চহি অহুমদা পিল্লার ১ অমসুং পিল্লার ২ গী মখাদা ১৪.৫০% গী মথক্ত থম্বা ঙমগনি।

***