ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলনা ঙসি নোইদা মেত্রো রেল প্রোজেক্তকী নোইদা সেক্তর ১৪২দগী বোতানিকল গার্দেন (নোইদা) ফাওবগী এলিভেতেদ স্তেসন ৮গা লোয়ননা কিলোমিতর ১১.৫৬কী অশাংবা অমগী কোরিদোর অয়াবা পীখ্রে। কোরিদোর অসি থবক ওইনা পাংথোকপা হৌরকপদা, নোইদা অমসুং গ্রেতর নোইদা শহরদা কিলোমিতর ৬১.৬২গী এক্তিব মেত্রো রেল নেতৱার্ক লৈরগনি।

কান্নবশিং অমসুং চাউখৎপদা শাহৌ পীবা:

নোইদা মেত্রো রেল প্রোজেক্তকী নোইদা সেক্তর ১৪২দগী বোতানিকেল গার্দেন (নোইদা) ফাওবগী এক্সতেন্সন কোরিদোর অসি শহর অসিগী ইনফ্রাস্ত্রকচর দিবেলপমেন্তদা মশক থোকপা খুমাং চাউশিল্লকপগী মশক অমা ওইরি। প্রোজেক্ত অসিনা শহর অসিদা মেত্রো রেল নেতৱার্ক পাকথোক চাউথোকহনবগী থৌওং অমা ওইনা থবক তৌরি।

কন্নেক্তিবিতী হেনগৎহনবা:

নোইদা মেত্রো প্রোজেক্তকী নোইদা সেক্তর ১৪২দগী বোতানিকেল গার্দেন (নোইদা) ফাওবগী এক্সতেন্সন কোরিদোর অসিনা চাউরাক্না কিলোমিতর ১১.৫৬গী অনৌবা মেত্রো লাইনশিং লৈহল্লগনি, মসিনা হৌজিক্কী ওইনা কন্নেক্তিবিতী লৈতবা নোইদা শহরদা পব্লিক ত্রান্সপোর্তেসনদা মশক থোক্না ফগৎহল্লগনি অমসুং মসিদা নত্তনা মসিনা বোতানিকেল গার্দেন (ব্লু লাইন) অমসুং মেজেন্তা লাইনদা ইন্তরচেঞ্জ য়াওনা হাই দিমান্দ কোরিদোরশিংগা হকথেংননা কন্নেক্তিবিতীসু ফংহল্লগনি।

ফেস অসিনা নোইদাগী মরু ওইবা জোনশিং অপনবা লৈতনা ইন্তিগ্রেৎ তৌনবা পান্দম থম্মি, মসিদা য়াওরিবা অদুদি:

• সেক্তর-১৪২দা লৈবা এদভান্ত বিজিনেস পার্ক, সেক্তর-৯৩দা লৈবা স্কাইমার্ক ৱান মোল, সেক্তর-৯৩দা লৈবা মোল ওফ নোইদাগুম্বা কম্মর্সিএল হবশিং।
• সেক-১৪৫দা মাইক্রোসফোর্ত, সেক-১৫৭দা তি.সি.এস., সেক-১২৬দা হেভেল্স অসি, সেক-১৩২দা ইনফোসিস, সেক-১৩৫দা কোগ্নিজান্ত, সেক-১৩২দা এদোব, সেক-১২৭দা ওরাকল অসিগুম্বা মরু ওইবা এম.এন.সি.শিং অমসুং আই.তি. হবশিং
• এজুকেস্নেল ইন্সতিত্যুৎশিং হায়বদি সেক-১২৫দা লৈবা অমিতী য়ুনিভর্সিতী, সেক-৯১দা লৈবা পঞ্চশিল বালক ইন্তর কোলেজ, সেক-৪৪দা লৈবা মহামায়া বালিকা ইন্তর কোলেজ • ক্রিতিকেল হেল্থকেয়র ফেসিলিতীশিং, মরুওইনা সেক-১২৮দা লৈবা মেক্স সুপর স্পিসিয়েলিতি হোস্পিতাল,
• বোতানিকেল গার্দেন, সেক-৯৩ পার্ক য়াওনা মরুওইবা তুরিস্ত এত্রাক্সনশিং

মরুওইবা মফমশিং অসি মেত্রো নেৎৱার্কনা শম্নহন্দুনা, নোইদা সেক্তর ১৪২দগী বোতানিকেল গার্দেন (নোইদা) ফাওবা এক্সতেন্সন কোরিদোর অসিনা কন্নেক্তিবিতী হেনগৎহনবতা নত্তনা থবক পীবা, ললোন-ইতিক তৌবা, এজুকেসন অমসুং জেনরেল ত্রান্সিৎকা মরী লৈনবা রেসিদেন্ত অমসুং কম্ম্যুতর অনিমক্কীদমক ইকোনোমিক এক্তিবিতীসু হেনগৎহল্লগনি অমসুং অর্বান মোবিলিতীসু লাইথোকহল্লগনি।

• ত্রাফিক কঞ্জেসন হন্থহনবা: মেত্রো রেল অসি মতিক চাবা অতোপ্পা লম্বীগী ত্রান্সপোর্ত অমা ওইনা অমসুং নোইদা সেক্তর ১৪২দগী বোতানিকেল গার্দেন (নোইদা) ফাওবা এক্সতেন্সন কোরিদোরনা নোইদা অমসুং গ্রেতর নোইদা শহরদা মেত্রো রেল নেৎৱার্ককী এক্সতেন্সন অমা ওইনা ত্রাফিক্কী কঞ্জেসন হন্থহল্লগনি হায়না পানরি। লম্বীগী ত্রাফিক হন্থবনা ভেহিকলশিংবু অপনবা লৈতনা চৎথোক-চৎশিন তৌবা, চৎথোক-চৎশিন তৌবগী মতম হন্থহনবা, অপুনবা লম্বীগী সেফতী হেনগৎহনবা অসিনচিংবা পুরকপা য়াই।
• অকোইবগী ফীভমদা কান্নবা: নোইদা সেক্তর ১৪২দগী বোতানিকেল গার্দেন (নোইদা) ফাওবা এক্সতেন্সন কোরিদোর হাপচিনবগা লোয়ননা নোইদা মেত্রো রেল প্রোজেক্ত অমসুং নোইদা অমসুং গ্রেতর নোইদা শহরদা মেত্রো রেল নেৎৱার্ক অপুনবা হেনগৎলকপনা ত্রেদিস্নেল ফোসিল ফ্যুলদা য়ুম্ফম ওইবা ত্রান্সপোর্তকা চাংদম্নবদা কার্বোন থাদোকপা য়াম্না হন্থহনবা ঙমগনি।
• শেন্মিৎলোনগী শাহৌ: চৎথোক-চৎশিন তৌবগী মতম হন্থহনবা অমসুং শহরগী তোঙান-তোঙানবা শরুকশিং অমসুং দিল্লীগী এয়রপোর্ত, দিল্লীগী রেলৱে স্তেসনশিং অমসুং তোঙান-তোঙানবা বস দিপোশিং অসিগুম্বা ত্রান্সপোর্তেসন হবশিংদা হেন্না ফবা এক্সেস লৈবনা মীওইশিংনা মখোয়গী থবক মফমশিং অমসুং দেস্তিনেসনশিংদা হেন্না মপুং ফানা য়ৌহন্দুনা প্রদক্তিবিতী হেনগৎহনবা ঙমগনি। মসিগা লোয়ননা, হেন্না ফবা কন্নেক্তিবিতী অসিনা লোকেল বিজিনেসশিংবু পুক্নিং থৌগৎপা ঙমগনি, মরুওইনা অনৌবা মেত্রো স্তেসনশিংগী মনাক্তা লৈবা মফমশিংদা, মসিনা হান্নদগী কয়া চংদনবা মফমশিংদা ইনবেস্তমেন্ত অমসুং দিবেলপমেন্তসু পুক্নিং থৌগৎপা ঙমগনি।
• খুন্নাইদা পীরিবা শাফু: নোইদাগী সেক্তর ১৪২দগী নোইদাগী বোতানিকেল গার্দেন (নোইদা) ফাওবা এক্সতেন্সন কোরিদোর পাকথোক চাউথোকহনবনা মেত্রো রেল নেৎৱার্কনা নোইদাদা পব্লিক ত্রান্সপোর্তকীদমক হেন্না থোং মান্নবা খুদোংচাবা ফংহল্লগনি। মসিনা সোসিও-ইকোনোমিক গ্রুপ কয়াদা কান্নবা ফংহল্লগনি অমসুং ত্রান্সপোর্তকী খেন্নবা হন্থহল্লগনি। মসিনা পুন্সি মহিংগী হেন্না ফবা থাক অমা ফংহল্লগনি।

নোইদা মেত্রো রেল প্রোজেক্তকী নোইদা সেক্তর ১৪২দগী বোতানিকেল গার্দেন (নোইদা) ফাওবগী এক্সতেন্সন কোরিদোর অসি শহর অসিগী ত্রান্সফোর্মেতিব দিবেলপমেন্ত অমা ওইরগনি। মসিনা হেন্না ফবা কন্নেক্তিবিতী, ত্রাফিক কঞ্জেসন হন্থহনবা, অকোইবগী ফীভম ফগৎহনবা, শেন্মিৎলোন চাউখৎহনবা অমসুং পুন্সি মহিং ফগৎহনগনি হায়না থাজবা পীরি। মরুওইবা অর্বানগী শিংনবশিং কোকহন্দুনা অমসুং তুংলমচৎতা পাকথোক চাউথোকহন্নবগী য়ুম্ফম অমা পীদুনা, মসিনা শহর অসিগী চাউখৎ-থৌরাংগী ত্রেজেক্তরী অমসুং তুংকোইনা চৎনগদবা মওংদা শেমগৎপদা মরুওইবা থৌদাং অমা লৌগনি।

***