ভারতকী প্রধানমন্ত্রী

ঙসি প্রধান মন্ত্রী নরেন্দ্র মোদীনা লুচিংদুনা নোংচুপ এসিয়াগী হৌজিক মুক্নরিবা ফিবম অসি হন্না য়েংশিন্নবা অমসুং মুক্নবা হন্থহন্নবা পাম্বৈশিংগী মতাংদা কেবিনেত কম্মিতি ওন সেকুরিতিগী মীফম অমা পাংথোকখ্রে।

মালেমগী হৌজিক ওইরিবা ফিবম অমসুং মুক্নবা হন্থহন্নবা হৌজিক ফাওবদা পায়খৎলিবা থবকশিং অমসুং ভারত সরকারগী মরী লৈনবা মিনিষ্ট্রিশিং/বিভাগশিংনা থৌরাং তৌরিবগী মতাংদা কেবিনেত সেক্রেতরিনা মরীক চুম্না ফোঙদোকখ্রে। লৌউ-শিংউ, হারশিং, চীঞ্জাক, পেত্রোলিয়ম, পৱার, এম.এস.এম.ইশিং, মপান্দা থাদোকপা, সিপ্পিং, ললোন-ইতিক, ফাইনান্স, সপ্লাই চেনশিংগুম্বা হিরমশিংদা পীরিবা চৈথেং অমসুং মদু কোক্নবা পায়খৎলিবা থবকশিং অমসুং অকায়বা পীরিবা হিরম খুদিংমক খন্নখ্রে। লৈবাক অসিগী অপুনবা শেন-থুমগী ফিবম অমসুং মখা তানা পায়খৎকদবা থবকশিংগী মতাংদসু খন্নখ্রে।

হৌজিক নোংচুপ এসিয়াদা চৎথরিবা মুক্নবা অসিনা মালেমগী শেন্মিৎলোন্দা অতেনবা, ময়াই ওইবা অমসুং মতম শাংবা চৈথেং পীগনি অমসুং মসিনা ভারত্ত পীরিবা চৈথেং অমসুং খুদক্কী অমসুং অশাংবা মতমগী থেংন্নবা পাম্বৈশিং খন্নখ্রে। 

চীঞ্জাক, ইনর্জি অমসুং থাউ য়াওনা মীচম মীয়ামগী মরুওইবা পোৎলমশিং ফংবগী মতাংদা কুপ্না খন্নখি। লেপ্তনা তঙাইফদবা পোৎলমশিং ফংহন্নবা অতেনবা, ময়াই ওইবা অমসুং অশাংবা পাম্বৈশিংগী মতাংদা কুপ্না খন্নখ্রে।

লৌমীশিংদা পীরিবা চৈথেং অমসুং কালেন লৌরোক্ত লৌমীশিংগী হার দরকার ওইবগী মতাংদা খন্নখ্রে। হারশিং মরাংকাইনা পৈশিন্দুনা থম্নবা হৌখিবা চহি খরদা পায়খৎখিবা থবকশিংনা মতম চানা ফংহনগনি অমসুং চীঞ্জাক পুথোকপা ঙমগনি। তুংদা মখা তানা ফংহন্নবা লৌমীশিংগীদমক অতোপ্পা হার ফংফমশিংসু খন্নখ্রে।

ভারত্ত ইলেক্ত্রিসিতিগী অৱাৎপা লৈহন্দনবা পৱার প্লান্ত খুদিংমক্ত কয়লা মরাংকাইনা ফংহন্নবা মীফম অদুনা ৱারেপ লৌখ্রে।

কেমিকেলশিং, ফার্মাস্যুতিকেলশিং, পেত্রোকেমিকেলশিং অমসুং অতোপ্পা উদ্যোগশিংগী দরকার ওইবশিং তোঙান তোঙানবা লৈবাকশিংদগী পুশিল্লক্নবা পাম্বৈ কয়া খন্নখ্রে। ভারতকী পোৎথোকশিং য়োকখৎনবা মপান্দা থাদোক্নবা অনৌবা লৈবাকশিং থিগদবনি।

তোঙান তোঙানবা মিনিষ্ট্রিশিংনা পুখৎলকপা তোঙান তোঙানবা পাম্বৈশিং মরী লৈনবা খুদিংমক্কা খন্নরবা মতুংদা লাক্লিবা নুমিৎ খরনি অসিদা থবক ওইনা পায়খৎকনি।

সরকারগী মিনিষ্ট্রিশিং অমসুং বিভাগশিং পুন্না কৎথোকপগা লোয়ননা থবক তৌনবা মিনিষ্টরশিং অমসুং সেক্রেতরিশিংগী কাংবু অমা শেম্নবা প্রধান মন্ত্রীনা পাউতাক পীখ্রে। হিরম অমগী কাংবুশিং মরী লৈনবা খুদিংমক্কা ৱা তান্নবা প্রধান মন্ত্রীনা পাউতাক পীখ্রে।

প্রধান মন্ত্রীনা হায়খি মদুদি মুক্নবা অসিগী ফিবম হোংলক্লি অমসুং মওং খরদা মালেম শীনবা থুংনা চৈথেং পীরে। অসিগুম্বা ফিবম অমদা, মুক্নবা অসিগী চৈথেংদগী মীচম মীয়াম ঙাকথোক্নবা থবকশিং পায়খৎকদবনি। মীয়ামদা য়ারিবমখৈ খুদোংচাদবা থোকহন্দনবা সরকারগী মরী লৈনবা খুদিংমক পুন্না থবক তৌমিন্ননবা প্রধান মন্ত্রীনা খঙহনখ্রে। মরুওইবা পোৎলমশিং আইন্না য়াদবা মওংদা য়োন্দনবা অমসুং পৈশিন্দুনা থমদনবা রাজ্য সরকারশিংগা পুন্না থবক তৌমিন্ননবা প্রধান মন্ত্রীনা খঙহনখ্রে।

***