ভারতকী প্রধানমন্ত্রী

অদোমগী এক্সেলেন্সী, চান্সেলর স্তোকর

লৈবাক অনিগী মীহুৎশিং,

মীদিয়াগী মরূপশিং,

নমস্কার!

গ্রুস গোট

চান্সেলর স্তোকর, অদোমগী অহানবা ভারত খোঙচৎতা ঐহাক্না অদোমবু তরাম্না ওকচরি। অদোম্না য়ুরোপকী মপান্দা অহানবা খোঙচৎকীদমক্তা ভারতপু খনখিবা অসিদা ঐহাক য়াম্না নুংঙাইবা ফাওই। মসিনা অদোমগী মিৎয়েং অমসুং ভারত-অস্ত্রিয়াগী মরীগীদমক অদোমগী অচেৎপা ফিরেপ অদু উৎলি।

চহী চাম্মগী মতুংদা ওস্ত্রিয়াগী চান্সেলরগী ভারত খোঙচৎ অসি য়াম্না মরু ওই। চহি ২০২৬কী পুৱারী ওইরবা ভারত-য়ুরোপিয়ন য়ুনিয়ন ফ্রী ত্রেদ এগ্রিমেন্তকী মতুংদা, ভারত অমসুং য়ুরোপিয়ন য়ুনিয়নগী মরক্তা লৈনরিবা মরীদা অনৌবা অশেংবা থৌওং অমগী হৌরকফম ওইরে। চান্সেলর স্তোকরগী খোঙচৎনা ভারত-অস্ত্রিয়াগী মরীবু অনৌবা তাঙ্কক অমদা পুখৎলে।

মরুপশিং,

ইনফ্রাস্ত্রকচর, ইন্নোবেসন অমসুং সস্তেনেবিলিতীদা ভারত অমসুং ওস্ত্রিয়া অসি থাজবা য়াবা পার্তনর ওইরি। দিল্লী মেত্রো ওইগেরা নত্রগা হিমালয়াদা ফুট ১০,০০০গী অৱাংবদা শাবা অতল তনেল ওইগেরা, ওস্ত্রিয়াগী তনেলিং এক্সপর্তিজনা মপাঙ্গল কনবা ইথিল অমা থাদোকখ্রে।

মসি খক্তমক নত্তে, রেলৱে প্রোজেক্তশিংদগী হৌরগা গুজরাতকী গিরনর রোপৱে ফাওবা, ক্লিন এনর্জীদগী হৌরগা অর্বান দিবেলপমেন্ত ফাওবা, ভারতকী ইঞ্জিনীয়রিং প্রোজেক্ত কয়াদা ওস্ত্রিয়াগী কম্পেনীশিংনা থৌদাং লৌদুনা লাক্লি।

মরুপশিং,

চান্সেলর স্তোকরগী খোঙচৎ অসিনা ত্রেদ অমসুং ইনভেস্তমেন্ততা অনৌবা ইনর্জী পুরক্লগনি। মহাক্না চাউরবা মিৎয়েং অমা অমসুং অচৌবা বিজিনেস দেলিগেসন অমগা লোয়ননা ভারত্তা লাকখিবা অসিদা ঐখোয়না য়াম্না নুংঙাইবা ফাওই।

ঐখোয়না ওস্ত্রিয়াগী এক্সপর্তিজ অমসুং ভারতকী স্পীদ অমসুং স্কেলবু পুনশিন্দুনা, মালেম পুম্বগীদমক থাজবা য়াবা তেক্নোলোজী অমসুং সপ্লাই চেন অসি শোয়দনা ফংহল্লগনি। ঐখোয়না দিফেন্স, সেমিকন্দক্তর, ক্বান্তম, অমসুং বাইও-তেক্নোলোজীদা ঐখোয়গী পার্তনরশিপসু মপাঙ্গল কনখৎহল্লগনি।

লোয়ননা, ঐখোয়না ইঞ্জিনীয়রিং অমসুং তেক্নিকেল এজুকেসনগী মতেং পীনবা অসিসু হেন্না মপাঙ্গল কনখৎহল্লগনি। আই.আই.তি. দিল্লী অমসুং ওস্ত্রিয়াগী মোন্তান য়ুনিভর্সিতীগী মরক্তা ঙসি খুৎয়েক পীনরিবা এম.ও.য়ু. অসি লৌশিং একচেঞ্জ তৌনবগী ময়েক লারবা খুদম অমনি।

মরুপশিং,

ভারতকী তেলেন্তশিংনা ওস্ত্রিয়াগী ইনোবেসন অমসুং প্রদক্তিবিতী হেনগৎহনবগী শক্তি লৈ।

২০২৩দা ঐখোয়না ওস্ত্রীয়াগা লোইননা পাক শন্না মাইগ্রেসন অমসুং মোবিলিতী এগ্রিমন্ত তৌখি। হৌজিক্তি মসিগী খোংথাং অসিগী মখাদা, ঐখোয়না নর্সিং সেক্তরদসু মোবিলিতী অসি মাংলোমদা চংশিল্লগনি।

ঐখোয়না জোইন্ত রিসর্স অমসুং স্তার্ত-অপ কোওপরেসনসু হেন্না মপাঙ্গল কনখৎহল্লগনি। য়ুথ এক্সচেঞ্জ প্রমোৎ তৌনবা, ঐখোয়না ঙসি ভারত-অস্ত্রিয়া ৱার্কিং হোলীদে প্রোগ্রামসু হৌদোক্লে।

মরুপশিং,

ঙসিদি মালেম পুম্বনা য়াম্না শাথীবা অমসুং অৱাবা ওইরবা ফিভম অমা মায়োক্নরি। অমসুং মসিনা ঐখোয় পুম্নমক্তা শাফু পীরি। অসিগুম্বা অৱাবা লৈবা মালেমগী ফীভম অসিদা, ভারত অমসুং ওস্ত্রিয়া, ঐখোয়না য়ানরি মদুদি লানগী খুদোংচাদবশিং অসি লানগী খুদোংচাদবশিংদগী কোকহনবা ঙম্লোই। য়ুক্রেন ওইগেরা নৎত্রগা ৱেস্ত এসিয়া ওইগেরা, ঐখোয়না স্তেবল, সস্তেনেবল অমসুং অচেৎপা শান্তিগীদমক শৌগৎলি।

মালেমগী অৱাবা হেনগৎলক্লিবা অসি কোকহন্নবা মালেমগী ইন্সতিত্যুসনশিং শেমদোক-শাদোকপা অসি তঙাইফদবনি হায়বা ৱাফম অসিদসু ঐখোয়না য়ানরে। অমসুং তেরোরিজম মুত্থৎপা হায়বসি ঐখোয়গী অপুনবা ৱাশক অমনি।

অদোমগী এক্সলেন্সী,

২০২৪দা ঐহাক্কী ওস্ত্রিয়াগী খোঙচৎ অসিসু চহী তরাগী মতুংদা ওইখি। অদোমবু ভারত্তা তরাম্না ওকপা অসি ঐখোয়গীদমক চাউথোকচনীংঙাই অমসুং নুংঙাইবা অমনি। ঐহাক্না ভারত-অস্ত্রিয়া পার্তনরশিপ অসি ইনোবেসন সেন্ত্রিক অমসুং ফিউচর রেদি ওইহন্নবা থৌরাং তৌজরি।

অদোমবু হন্না হন্না থাগৎচরি।

***