ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা লুপা করোর ৩৭,৫০০গী শেনফমগা লোইননা সর্ফেস কোল/লিগ্নাইত গ্যাসিফিকেসন প্রোজেক্ত প্রোমোসন তৌনবগী স্কিম অমা অয়াবা পীখ্রে।

স্কিম অসিনা ভারতকী কোইলা/লিগনাইত গ্যাসিফিকেসন প্রোগ্রাম য়াঙখৎহন্নবগী মায়কৈদা অচৌবা খোংথাং অমা ওইরগনি। মসিনা ২০৩০ ফাওবদা কোইলা তন মিলিয়ন ১০০ গ্যাসিফিকেসন তৌনবা লৈবাক অসিগী পান্দমদা খুমাং চাউশিলহল্লগনি। মসিনা ইনর্জী সেক্যুরিতী হেন্না মপাঙ্গল কনখৎহল্লগনি অমসুং মরুওইবা পোৎলমশিং হায়বদি এল.এন.জি. (অরোমদা ৫০% ইম্পোর্ত তৌই), য়ুরিয়া (~ ২০% ইম্পোর্ত তৌই), অমোনিয়া (~ ১০০% ইম্পোর্ত তৌই) অমসুং মেথেনোল (~ ৮০% ইম্পোর্ত তৌই) গী ইম্পোর্ততা মখা পোনবা হন্থহল্লগনি।

মরুওইবা রিফোর্ম অমদা, সরকারনা নন-রেগুলেতেদ সেক্তর (এন.আর.এস.) লিঙ্কেজ ওক্সিসন ফ্রেমৱার্ককী “প্রদক্সন ওফ সিনগাস লিদিং তু কোল গ্যাসিফিকেসন” সব-সেক্তরগী মখাদা কোল লিঙ্কেজ তেন্যুর চহি ৩০ ফাওবা শাংদোকখ্রে। মসিনা কোল গ্যাসিফিকেসন প্রোজেক্তশিংদা ইনবেস্তমেন্ত তৌনবগীদমক মতম শাংনা চৎনগদবা পোলিসী সেক্যুরিতী ফংহল্লি।

স্কিম অসিগী মরুওইবা ফিচরশিং:

• সিঙ্গ্যাস অমসুং মসিগী মখাদা পুথোকপা পোত্থোকশিং পুথোক্নবগীদমক অনৌবা সরফেস কোল/লিগনাইত গ্যাসিফিকেসন প্রোজেক্তশিং পুক্নিং থৌগৎনবা লুপা করোর ৩৭,৫০০গী অপুনবা শেন-থুমগী শেনফম, চাউরাক্না কোল/লিগনাইতকী তন মিলিয়ন ৭৫গী গ্যাসিফিকেসন তৌনবা পান্দম থম্লি।
• ফাইনান্সিএল ইন্সেন্তিব অসি প্লান্ত অমসুং মেছিনরীগী মমলগী খ্বাইদগী য়াম্বনা ২০% ওইগনি।
• প্রোজেক্তকী মমল, কোল ইনপুট অমসুং সিনগেস পুথোকপা বেঞ্চমার্কিং তৌনবা ইভালুএসন ফ্রেমৱার্ক য়াওবা ত্রান্সপরেন্ত অমসুং কম্পিতিতিব বিদরিং প্রোসেস অমগী খুত্থাংদা খনগৎপা।
• প্রোজেক্ত মাইলস্তোনশিংগা মরী লৈননা ইন্সেন্তিব অসি চপ মান্নবা ইন্সতোলমেন্ত মরিদা শেল থাদগনি।
• প্রোজেক্ত অমমমগীদমক লুপা করোর ৫০০০; পোত্থোক অমমমগীদমক লুপা করোর ৯০০০ (সিন্থেতিক নেচরেল গ্যাস অমসুং য়ুরিয়া নত্তনা); অমসুং প্রোজেক্ত পুম্নমক্তা এন্তিতী গ্রুপ অমমমগীদমক লুপা করোর ১২০০০গী ফাইনান্সিএল ইন্সেন্তিব পীগনি।
• স্কিম অসিগী মখাদা ইন্সেন্তিব অসি কম্মর্সিএল কোল মাইনিং রিজিম নত্ত্রগা অতোপ্পা সেন্ত্রেল/স্তেৎ গবর্নমেন্ত মিনিস্ত্রিশিংগী স্কিমশিংগী মখাদা ইন্সেন্তিবশিংগী মথক্তা লৈ, অমসুং মসিদা এক্সেসকী মতাংদা অথিংবা থমদে।
• স্কিম অসি তেক্নোলোজী-এগ্নোস্তিক ওই; লমদমসিগী তেক্নোলোজী শিজিন্নবা পুক্নিং থৌগৎলি।

স্ত্রেতেজিক অমসুং ইকোনোমিক বেনেফিৎশিং:

• ইনবেস্তমেন্ত মোবিলাইজেসনগী থাজবা: লুপা করোর লাখ ২.৫-৩.০
• ইনর্জী সেক্যুরিতী অমসুং ইম্পোর্ত সবস্তিত্যুসন: কোইলাগী রিসোর্সশিং মখল-মখা কয়া শিজিন্নবা অমসুং এল.এন.জি., য়ুরিয়া, অমোনিয়ম, এমোনিয়ম নাইত্রেত, মেথানোল অমসুং কোকিং কোয়েলগী ইম্পোর্তশিং মহুৎ শিনবা, মালেমগী মমল হোংবা অমসুং জিওপোলিতিকেল সপ্লাই-চেনগী অৱাবা লৈতবদগী ভারতপু ঙাকথোকপা অমসুং আত্মানির্ভর ভারত অমসুং মেক ইন ইন্দিয়াগী পান্দমশিংদা খুমাং চাউশিলহনবা।
• এমপ্লোইমেন্ত জেনরেসন: স্কিম অসিনা কোয়লা লৈবা মফমশিংদা প্রোজেক্ত ২৫দা চাউরাক্না থবক ৫০,০০০ (দাইরেক্ত + ইন্দাইরেক্ত) পুথোক্কনি হায়না পানরি।
• গবর্নমেন্তশিংদা ফংলিবা শেনফম: স্কিম অসিগী মখাদা পান্দম থম্লিবা গ্যাসিফিকেসনগী তোন মিলিয়ন ৭৫দগী চহি খুদিংগী লুপা করোর ৬,৩০০ কোয়ল/লিগনাইত শিজিন্নদুনা ফংলগনি হায়না পানরি। মসিগী মথক্তা জি.এস.তি. অমসুং অতৈ লেবিশিংদগী রেভিন্যু লাক্কনি।
• তেক্নোলোজী ইকোসিস্তেম: লমদমসিগী তেক্নোলোজীশিং খুমাং চাউশিলহন্দুনা অমসুং ফোরেন ই.পি.সি. কন্ত্রেক্তরশিংদা মখা পোনবা হন্থহন্দুনা ভারতকী দোমেস্তিক সর্ফেস কোল গ্যাসিফিকেসন কেপাসিতী মপাঙ্গল কনখৎহল্লি।

মমাংগী ৱারোল:

ভারতনা মালেমগী খ্বাইদগী চাউবা কোইলা রিজর্ব (মিল্লিয়ন তন ৪০১) অমসুং লিগনাইত রিজর্ব (মিল্লিয়ন তন ৪৭) অমা লৈ। লৈবাক অসিগী ইনর্জী মিক্সকী চাদা ৫৫ হেন্না কোয়লানা পুথোকই। গ্যাসিফিকেসন্না কোইলা/লিগনাইতপু “সিন্থেসিস গ্যাস” (সিঙ্গাস) দা ওন্থোকই। মসি লৈবাক অসিদা মৈ অমসুং কেমিকেলশিং পুথোক্নবগীদমক্তা শিজিন্নবা য়াবা মচাক অমনি। মসিনা ভারতনা মমল য়াম্লবা ইম্পোর্তশিং মহুৎ শিনবা ঙমহল্লি অমসুং মালেমগী ওইবা সপ্লাই থিংবা অমসুং মমল হোংবা-হোংবা লৈতবদগী ঙাকথোকপা ঙমহল্লি।

ভারতকী মরুওইবা মহুৎ শিনবা য়াবা পোৎলমশিং হায়বদি এল.এন.জি., য়ুরিয়া, এম্মোনিয়ম নাইত্রেত, এম্মোনিয়া, কোকিং কোল, মেথেনোল, দি.এম.ই. অমসুং অতোপ্পা পোৎলমশিংগী ইম্পোর্ত বিল অসি এফ.ৱাই. ২০২৫দা চাউরাক্না লুপা করোর লাখ ২.৭৭ ওইখি। মসি নোংচুপ এসিয়াদা হৌজিক ওইরিবা জিওপোলিতিকেলগী ফিভম অসিনা হেন্না ময়েক শেংলে।

নেস্নেল কোল গ্যাসিফিকেসন মিসন (২০২১) অমসুং জনুৱারী ২০২৪দা অয়াবা পীরবা লুপা করোর ৮,৫০০গী স্কিম (মসিগী মখাদা লুপা করোর ৬,২৩৩গী প্রোজেক্ত ৮ চৎনবা হৌরে) অসিদা য়ুম্ফম ওইদুনা অনৌবা স্কিম অসিনা মসিগী মোমেন্তম অসি য়াম্না চাউনা হেনগৎহন্দুনা মতেং পাংলি।

 ***