ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীগা লোয়ননা নিদরলেন্দগী প্রধান মন্ত্রী ঐচ.ই. শ্রী রোব জেতেন্না ঙসি গুজরাতকি ধোলেরাদা সেমিকন্দক্তর ফেবতা মতেং পাংনবা তাতা ইলেক্ত্রোনিক্স অমসুং এ.এস.এম.এল. গী ৱারেপ অদুবু তরাম্না ওকখ্রে।

প্রধান মন্ত্রী অনিনা তাতা ইলেক্ত্রোনিক্স অমসুং এ.এস.এম.এল্.না গুজরাত্তা ভারতকি অহানবা ফ্রন্ত-এন্দা সেমিকন্দক্তর ফেবকিদমক পুন্না পার্ত্নরশিপ তৌনবা ৱারেপ অদু তরাম্না ওকখি। প্রধান মন্ত্রী মোদীনা পার্ত্নরশিপ অসি লৈবাক অসিদা সেমিকন্দক্তর ইকোসিস্তেম অমা শেমগৎনবা ভারতকি খোঙচত্তা মরুওইবা খোঙথাং অমা ওইনা ফোঙদোকখি।

এ.এস.এম.এল.না দচ্চ মল্তিনেস্নেল কোর্পোরেসন অমনি অমসুং সেমিকন্দক্তর চিপশিং শাবদা মরুওইবা মথৌ তাবা অমা ওইরিবা হায়-প্রিসিজন লিথোগ্রাফি ইক্বিপমেন্তশিংগী মকোক থোঙবা সপ্লাইয়রশিংগী মনুংদা অমনি। তাতা গ্রুপকি সবসিদিয়রি অমা ওইরিবা তাতা ইলেক্ত্রোনিক্স অসি ভারতকি ইলেক্ত্রোনিক্স অমসুং সেমিকন্দক্তর মেন্যুফেকচরিং কম্পেনি অমনি অমসুং মসিনা গুজরাত্তা সেমিকন্দক্তর মেন্যুফেকচরিং ফেসিলিতি অমা লিংখৎলি।

মকোক থোঙবা দচ্চ সি.ই.ও.শিংগা লোয়ননা পাংথোকখিবা রাওন্দতেবল মীফমদা প্রধান মন্ত্রীগী ৱাফমশিং মফম অসিদা উবা ফংবিগনি [লিঙ্ক]।

***