ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা লুচিংদুনা, সেবা তির্থদা, কেন্দ্র অমসুং রাজ্য সরকারশিংগী থবকশিং ফজনা পুশিন্দুনা, লৈবাক ঙাকপগী থবক ফগৎহন্নবা অমসুং মতম চানা থবক পায়খৎনবা পান্দম থম্বা আই.সি.তি শীজিন্নবা অমসুং মল্তি-মোদাল প্লেতফোর্ম, প্রাগাতিগী ৫১ শুবা মীফম পাংথোকখ্রে।

মীফম মনুংদা, প্রধান মন্ত্রীনা লুপা করোর ৩০,০০০ রোম থাদুনা রাজ্য ৯ শীনবা থুংনা পায়খৎলিবা রেলৱেজ, পৱার অমসুং লম্বীগী মরুওইবা ইনফ্রাষ্ট্রকচর প্রোজেক ৭ হন্না য়েংশিনখ্রে। শেন-থুম চাউখৎনবা অমসুং মীয়াম য়াইফনবা য়াম্না মরুওইবা প্রোজেকশিং অসি তাইমলাইনশিং, এজেন্সিশিং পুন্না থবক তৌমিন্নবা অমসুং মতম চানা খুদোংচাদবশিং কোকহন্নবা মীৎয়েং অমগা লোয়ননা হেন্না য়েংশিনখ্রে। প্রধান মন্ত্রীনা কেন বেতৱা লিঙ্ক প্রোজেক অমসুং শ্বাচ্ছ ভারত মিসন-অর্বান ২.০ সু হন্না য়েংশিনখ্রে। 

পৱার সেক্তর প্রোজেকশিং হন্না য়েংশিনবা মতমদা, সহরশিং, লৈকায়শিং অমসুং সরকারগী ইন্সতিতুসনশিংদা অখন্নবা মীৎয়েং অমা থম্বগা লোয়ননা, সহরগী মফমশিং শীনবা থুংনা রুপতোপ সোলার শীজিন্নবা য়াংখৎহনবগী দরকার ওইবা অদু প্রধান মন্ত্রীনা ফোঙদোকখ্রে। প্রধান মন্ত্রীনা হায়খি মদুদি ইলেক্ত্রিসিতিদা শেন চঙবা হন্থহন্নবা, ইনর্জি সেকুরিতি হেনগৎহন্নবা অমসুং য়ুমথোঙশিং অমসুং মীয়ামগী থাক্ত মৈখু থাংদবা ইনর্জি শীজিন্নবা পুক্নিং থৌগৎনবা মিসনগী মওংদা রুপতোপ সোলারগী থবক পায়খৎকদবনি।

লম্বী অমসুং হিথাংফমগী প্রোজেকশিং হন্না য়েংশিনবা মতমদা, মরুওইবা ত্রান্সপোর্ত মখল খুদিংমক অমতা ওইনা পুনশীন্দুনা তুংগীদমক শেম-শারবা লোজিষ্টিক্স ইকোসিষ্টেম অমা শেমগৎনবা, হিথাংফম্না লমজিংবা, মল্তি-মোদাল দিবলপমেন্তগী নমুনা অমা ওইনা বধাবন পোর্ত শেমগৎনবা মীফম অদুদা খন্নখ্রে। প্রোজেক অসি ইচম চম্বা হিথাংফম অমা ওইনা লৌরোইদবনি, কোষ্টেল সিপ্পিং, কংফাল মনুংগী ঈশিং লম্বীশিং, দেদিকেতেদ ফ্রেদ কোরিদোরশিং, য়াম্না য়াংবা রেল, হায়ৱেশিং অমসুং এয়রপোর্তশিংগী খুৎথাংদা শম্নবা লৈবাক্কী গেতৱে অমা ওইনা লৌগদবনি।

প্রধান মন্ত্রীনা হায়খি মদুদি শ্বাচ্ছ ভারত মিসন ২.০ মপুংফানা পায়খৎপগী তঙাইফদবা লৈরে অমসুং মিসন অসি ইনফ্রাষ্ট্রকচর শেমগৎপা খক ওইরোইদবনি অমসুং চাংনাইনা য়েংশিন্দুনা, মীয়াম শরুক য়াদুনা অমসুং তোঙান তোঙানবা মরী লৈনবশিং অমতা ওইনা পুনশিন্দুনা ফলশিং উবা ফংগদবনি। ৱেষ্ট প্রোসেসিং প্লান্তশিং অমসুং গোবর্ধান প্লান্তশিং য়াওনা সোলিদ-ৱেষ্ট মেনেজমেন্তগা মরী লৈনবা ইনফ্রাষ্ট্রকচর য়াংনা লোইশিন্নবা প্রধান মন্ত্রীনা রাজ্যশিংদা খঙহনখ্রে।

কেন-বেতৱা রিভর ইন্তর-লিঙ্কিং প্রোজেক হন্না য়েংশিনবদা, প্রধান মন্ত্রীনা হায়খি মদুদি মতেং পাংনদুনা, মতম চানা অয়াবশিং পীদুনা, তেক্নোলোজিদা য়ুম্ফম ওইদুনা য়েংশিন্দুনা অমসুং মিসনগী মওংদা থবক পায়খৎতুনা, রাজ্যশিংগী মরক্ত লৈরিবা ঈশিংগী ৱাথোক মরুপ-মপাং ওইবা মওংদা ৱারোইশিন পুরক্নবা অতোপ্পা রাজ্যশিংগীদমক কেন-বেতৱা রিভর ইন্তর-লিঙ্কিং প্রোজেক্না নমুনা অমা ওইগদবনি। তুরেল শম্নহনবা, ঈশিং তুংশিনবা অমসুং লৈনুঙগী ঈশিং অমুক হেনগৎহন্নবা খুদোংচাবশিং মশক খঙদোক্নবা রাজ্যশিংগী পুক্নিং থৌগৎলি অমসুং মতম শাংনা ঈশিং মরাংকাইনা ফংহন্নবা অপুনবা মওং অমদা ইথৈ-লৌখোঙ ফংহনবগী থবক পায়খৎকদবনি।

প্রধান মন্ত্রীনা হায়খি মদুদি মীয়ামগী প্রোজেকশিং পায়খৎপদা মতম চোন্থবা অসিনা শেনফম হেনগৎহনবা খক নত্তনা মীয়ামদা মতম চানা তঙাইফদবা খুদোংচাবশিং অমসুং চাউখৎপগী কান্নবশিং ফংহনবা ঙমদে। মতম থেংথরিবমখৈ মীয়ামগী পুন্সি, লমদম অমা চাউখৎপা অমসুং মীয়ামগী লন-থুমশিংদা হকথেংননা চৈথেং অমা ফংহল্লি। পন্দুনা লৈরিবা খুদোংচাদবশিং কোকহন্নবা, অপনবশিং লৌথোক্নবা অমসুং য়াংনা থবক পায়খৎপা ঙম্নবা মিনিষ্ট্রিশিং, বিভাগশিং অমসুং রাজ্যশিংনা হেন্না ফবা অমসুং অকক্নবা মতমগী থৌরাং অমা পায়খৎকদবনি।

প্রধান মন্ত্রীনা হায়খি মদুদি মৈ পুথোক্নবা কেনেল পরিং অমসুং কেনেল মথক্ত  সোলার পেনেলশিং থম্বা য়াওনা কেনেলশিং অনৌবা মওংদা শীজিন্ননবা মশক খঙদোক্কদবনি।  মসিনা লম মাঙহন্দনা শীজিন্নবা, ঈশিং মনিল ওনখিবা হন্থহনবা, রিন্যুএবল ইনর্জি পুথোকপদা মতেং পাংগনি অমসুং ঈশিংদগী অহেনবা শেন-থুম তানবা ঙমগনি।

মীফম হৌরকপদা, কেবিনেত সেক্রেতরিনা হায়খি মদুদি প্রধান মন্ত্রীগী পাউতাক মতুংইন্না, রাজ্য থাক্ত সোসিএল সেক্তর স্কিমশিং থা খুদিংগী হন্না য়েংশিল্লে। চাংনাইনা য়েংশিন্নবা, থবক ওইনা পায়খৎনবা হোৎনবদা খুদোংচাদবশিং য়াংনা ৱারোইশিন পুরক্নবা অমসুং রাজ্য অমসুং জিলা থাকশিংদা হেন্না মরম চানা থবক পাংথোক্নবা থবক অসিনা পান্দম থম্লি। থবক অসিগী শরুক অমা ওইনা, অহানবা ওইনা রাজ্যগী থাক্ত শ্বাচ্ছ ভারত মিসন হন্না য়েংশিনবগী থবক পায়খৎলে।

***