ভারতকী প্রধানমন্ত্রী

প্রধান মন্ত্রি শ্রী নরেন্দ্র মোদী অমসুং ওস্ত্রেলিয়াগী ইকায় খুম্নজরবা প্রধান মন্ত্রি শ্রী এন্থোনি অলবানিজনা, ২০২৬কি জুলাই ৯দা মেলবোর্নদা পাংথোকখিবা ওস্ত্রেলিয়া-ইন্দিয়া সি.ই.ও.শিংগী ফোরম অমসুং ইকোনোমিক রোদমেপ বিজিনেস ইভেন্ততা পুন্না ৱা ঙাংখ্রে। থৌরম অনি অসিদা মকোক থোঙবা ভারত অমসুং ওস্ত্রেলিয়াগী সি.ই.ও.শিং অমসুং বিজিনেস লিদরশিং, অচৌবা ওস্ত্রেলিয়াগী সুপরএনুয়েসন ফন্দশিংগী মিহুৎশিং অমসুং ইন্সতিত্যুস্নেল ইনভেভেস্তরশিংগী মিহুৎশিং অমসুং মকোক থোঙবা ওস্ত্রেলিয়াগী য়ুনিভর্সিতিশিংগী ভাইস-চাঞ্চেলরশিংনা শরুক য়াখি।

সি.ই.ও.শিংগী ফোরমদা ৱা ঙাংলদুনা প্রধান মন্ত্রি মোদীনা ফোঙদোকখি মদুদি ভারতকি কল্লবা ইকোনোমিক গ্রোথ, পোলিসি রিফোর্মশিং, দিজিতেল ত্রান্সফোরমেসন, অমসুং ইনোবেসন ইকোসিশ্তেম পাকাথোক চাওথোকপা অসিনা ওস্ত্রেলিয়াগী পার্ত্নরশিংগীদমক অনৌবা বিজিনেসকি খুদোংচাবশিং শেমগৎলি। ভারত অমসুং ওস্ত্রেলিয়াগী ইকোনোমিগী মরক্তা লৈরিবা কম্পলিমেন্তেরিতিশিং অদু নোৎ তৌরদুনা প্রধান মন্ত্রি মোদীনা মেন্যুফেকচরিং, ক্লিন ইনরজি, কৃতিকেল মিনরেলশিং, মায়নিং, ইনফ্রাস্ত্রকচর, অরবান দিবেলপমেন্ত, এভিএসন, লোজিশ্তিক্স, এদভান্স তেক্নোলোজি, আর্তিফিসিএল ইন্তিলিজেন্স, ফিনতেক, ফুদ প্রোসেশিং অমসুং দিজিতেল ইকোনোমি সেক্তর পুম্নমক্তা ভারত্তা ফংলিবা অচৌবা খুদোংচাবশিং অদু ফোঙদোকখি। মহাক্না হায়খি মদুদি ভারতকি স্কেল অমসুং ওস্ত্রেলিয়াগী এক্সপর্তশিংনা ৱান-ৱিন প্রোপোজেল অমা ওইহল্লি।

প্রধান মন্ত্রি মোদীনা ওস্ত্রেলিয়াগী ইনভেভেস্তরশিংদা ভারত্তা মতম শাংনা শেল থাদবগী খুদোংচাবশিং লৌনবা হায়খি। মহাক্না ভারত্তা ওস্ত্রেলিয়াগী য়ুনিবর্সিতিশিং হেনগৎলক্লিবা অসি তরাম্না ওকখি অমসুং অৱাংবা থাক্কী মহৈ-মশিং, রিসর্চ, ইনোবেসন অমসুং স্কীল দিবলপমেন্তকি লমদা হেন্না নিংথিনা পুন্না থবক তৌমিন্নবনা লৈবাক অনিমক্কী তেলেন্তশিং তুংদা শেম শাবা খক্তা নত্তনা মালেমগী ওইবা খুদোংচাবশিং লৌশিনবদসু মতেং পাংগনি হায়না ফোঙদোকখি।

সি.ই.ও.শিংগী ফোরমগী মতুং ইল্লদুনা প্রধান মন্ত্রি মোদীনা নাকল অনিমক্কী সি.ই.ও.শিং অমসুং বিজিনেস লিদর ২০০ হেনবগী অচৌবা মীফম অমা ওইরিবা ইকোনোমিক রোদমেপ বিজিনেস ইভেন্ততা ৱা ঙাংখি। ভারত অমসুং ওস্ত্রেলিয়াগী মরক্তা মহৌশাগী ওইবা সিনর্জিগী মতাংদা ৱা ঙাংলদুনা মহাক্না ফোঙদোকখি মদুদি সেয়র তৌরবা দেমোক্রেতিক ভেল্যুশিং, ইন্দো-পেসিফিক্কীদমক কমন ওইবা মিৎয়েং অমা, পুক্নিং থৌগৎনিংঙাই ওইবা মীচম মীয়ামগা মরি লৈনবা অমসুং অচেৎপা রাজনিতিগী ওইবা ৱাখল্লোন অসিনা লৈবাক অনিগী মরক্তা বিজিনেস পার্ত্নর্সিপ অসি পুন্না চাওখৎনবা অমসুং য়াইফনবা মহৈ য়াল্লবা মফম অমা শেমখি। ২০২২গী ইকোনোমিক কোওপরেসন অমসুং ত্রেদ এগ্রীমেন্ত (ই.সি.তি.এ.)দা য়ুম্ফম ওইবা ত্রেদ অমসুং ইনভেস্তমেন্তকি মরিশিং হেনগৎলকপদা নুংঙাইবা ফোঙদোক্লদুনা মহাক্না প্রপোজ তৌরিবা কম্প্রেহেন্সিব ইকোনোমিক কোওপরেসন এগ্রীমেন্ত (সি.ই.সি.এ.) অসি ঙন্না লোয়সিন্নবা হায়খি, মদুনা বিজিনেসকি মরিশিং অসি অনৌবা থাক অমদা পুখৎকনি। মহাক্না বিজিনেস লিদরশিংদা নাকল অনিমক্কী কম্প্লিমেন্তেরি স্ত্রেংথশিং শিজিন্ননবা অমসুং মালেমগী ওইবা সোলুসনশিং শেমগৎনবা তকশিনখি, মরুওইনা রেয়র আর্থ, লিথিয়াম, বেত্তরি, ইলেক্ত্রোনিক্স, ই.ভি., সেমিকন্দক্তর, এ.আই. অমসুং দিফেন্স সপ্লাই চেনশিংগী লমদা। প্রধান মন্ত্রি মোদীনা মসিমসু সজেসন পিখি মদুদি নাকল অনিগী ললোন-ইতিক্কী মরি অসি মথংগী থাক অমদা হেনগৎনবগীদমক ভারতকি রাজ্যশিং অমসুং ওস্ত্রেলিয়াগী প্রোবিন্সশিংনা মখোয়গী মরুওইবা কম্পিতেন্সীশিংদা য়ুম্ফম ওইরগা দাইনামিক ইকোনোমিক পার্ত্নর্সিপশিং শেমগৎপা অসি য়াম্না মরু ওই। ফোরম অনি অসিদা খন্ন-নৈনবশিং অদুনা পুরকপা ওপ্তিমিজম অমসুং অর্থ লৈবা ৱাখল্লোনশিং অদু নোৎ তৌরদুনা প্রধান মন্ত্রি মোদীনা ভারত-ওস্ত্রেলিয়াগী ইকোনোমিক মরি অসি মখা তানা চত্থগনি হায়না থাজবা ফোঙদোকখি।

***