ପିଏମଇଣ୍ଡିଆ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି କେନ୍ଦ୍ର ମନ୍ତ୍ରୀ ଶ୍ରୀ ପୀୟୁଷ ଗୋୟଲଙ୍କ ଦ୍ୱାରା ଭାରତ–ବ୍ରିଟେନ ବ୍ୟାପକ ଅର୍ଥନୈତିକ ଏବଂ ବାଣିଜ୍ୟ ରାଜିନାମା (ସିଇଟିଏ) ଏବଂ ସାମାଜିକ ସୁରକ୍ଷା ରାଜିନାମା ଉପରେ ଲିଖିତ ଏକ ନିବନ୍ଧ ସେୟାର କରିଛନ୍ତି, ଯେଉଁଥିରେ ଏହାକୁ ଭାରତ–ବ୍ରିଟେନ ଭାଗିଦାରୀରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ବୋଲି ବର୍ଣ୍ଣନା କରାଯାଇଛି। ଶ୍ରୀ ମୋଦୀ କହିଥିଲେ ଯେ ଏହି ଦୁଇଟି ରାଜିନାମା ଭାରତ ଏବଂ ବ୍ରିଟେନ ମଧ୍ୟରେ ଆର୍ଥିକ ସମ୍ପର୍କକୁ ଆହୁରି ଗଭୀର କରିବ ଏବଂ ଉଭୟ ଦେଶର ସହଭାଗୀ ଅଭିଳାଷକୁ ସେମାନଙ୍କ ଲୋକମାନଙ୍କ ପାଇଁ ବାସ୍ତବ ସୁଯୋଗରେ ପରିଣତ କରିବ।

ଶ୍ରୀ ମୋଦୀ ଉଲ୍ଲେଖ କରିଥିଲେ ଯେ ସି. ଇ. ଟି. ଏ. ଭାରତର କୃଷକ, ଉଦ୍ୟୋଗୀ ଏବଂ ଏମ୍. ଏସ୍. ଏମ୍. ଇ. ଗୁଡ଼ିକୁ ଅନେକ କ୍ଷେତ୍ରରେ ବ୍ରିଟେନର ବଜାରକୁ ସମ୍ପ୍ରସାରିତ କରି ନୂତନ ଗତି ପ୍ରଦାନ କରିବ। ସେ ଆହୁରି ମଧ୍ୟ କହିଥିଲେ ଯେ ସାମାଜିକ ସୁରକ୍ଷା ରାଜିନାମା ବ୍ରିଟେନରେ ଅସ୍ଥାୟୀ ଭାବେ କାର୍ଯ୍ୟ କରୁଥିବା ଭାରତୀୟ ପେସାଦାରମାନଙ୍କୁ ଅମୂଲ୍ୟ ସହାୟତା ପ୍ରଦାନ କରିବ ଏବଂ ଭାରତୀୟ ଉଦ୍ୟୋଗଗୁଡ଼ିକର ପ୍ରତିଦ୍ୱନ୍ଦ୍ୱିତାକୁ ବୃଦ୍ଧି କରିବ।

ଶ୍ରୀ ମୋଦୀ ‘ଏକ୍ସ ’ରେ ପୋଷ୍ଟ କରିଛନ୍ତି:

ଭାରତ–ବ୍ରିଟେନ ଭାଗିଦାରୀ କ୍ଷେତ୍ରରେ ଏହା ଏକ ଗୁରୁତ୍ୱପୂର୍ଣ୍ଣ ମୁହୂର୍ତ୍ତ!

ବ୍ୟାପକ ଆର୍ଥିକ ଏବଂ ବାଣିଜ୍ୟ ରାଜିନାମା ଏବଂ ସାମାଜିକ ସୁରକ୍ଷା ରାଜିନାମା କାର୍ଯ୍ୟକାରୀ ହେବା ସହିତ ଆମର ଆର୍ଥିକ ସମ୍ପର୍କ ଆହୁରି ଗଭୀର ହେବାକୁ ଯାଉଛି। ଏହି ରାଜିନାମା ଗୁଡ଼ିକ ମିଳିତ ଭାବେ ଆମର ସହଭାଗୀ ଅଭିଳାଷକୁ ଆମ ଲୋକମାନଙ୍କ ପାଇଁ ବାସ୍ତବ ସୁଯୋଗରେ ପରିଣତ କରିଥାଏ।

ସିଇଟିଏ ଆମର କୃଷକ, ଉଦ୍ୟୋଗୀ ଏବଂ ଏମ୍. ଏସ୍. ଏମ୍. ଇ. ମାନଙ୍କୁ ନୂତନ ଗତି ପ୍ରଦାନ କରିବ। ଅନେକ ଉଜ୍ୱଳ କ୍ଷେତ୍ର ବ୍ରିଟେନର ବଜାରରେ ଦୃଢ଼ ପ୍ରବେଶ ଲାଭ କରିବେ। ଏହା ପ୍ରଯୁକ୍ତିବିଦ୍ୟା, ବୃତ୍ତିଗତ ସେବା ଏବଂ ନବସୃଜନ କ୍ଷେତ୍ରରେ ସହଯୋଗକୁ ଗଭୀର କରିବ ଏବଂ କୁଶଳୀ ଭାରତୀୟ ପ୍ରତିଭାଙ୍କ ପାଇଁ ଅଧିକ ଗତିଶୀଳତାକୁ ସମର୍ଥନ କରିବ।

ଏହି ସାମାଜିକ ସୁରକ୍ଷା ରାଜିନାମା ବ୍ରିଟେନରେ ଅସ୍ଥାୟୀ ଭାବେ କାର୍ଯ୍ୟ କରୁଥିବା ଭାରତୀୟ ପେସାଦାରମାନଙ୍କୁ ଅମୂଲ୍ୟ ସହାୟତା ପ୍ରଦାନ କରିବ ଏବଂ ଭାରତୀୟ ଉଦ୍ୟୋଗଗୁଡ଼ିକର ପ୍ରତିଦ୍ୱନ୍ଦ୍ୱିତାକୁ ସୁଦୃଢ଼ କରିବ।

ଏହି ମୁହୂର୍ତ୍ତ ଆମ ଗଣତନ୍ତ୍ର ମଧ୍ୟରେ ବିଶ୍ୱାସ ଏବଂ ବାଣିଜ୍ୟ, ପ୍ରଯୁକ୍ତିବିଦ୍ୟା, ନିବେଶ ଏବଂ ନବସୃଜନ ଦ୍ୱାରା ପରିଚାଳିତ ଏକ ଅଗ୍ରଗାମୀ ଭାଗିଦାରୀ ଗଠନ ପାଇଁ ଆମର ସଂକଳ୍ପକୁ ପ୍ରତିଫଳିତ କରୁଛି। ସହଭାଗୀ ସମୃଦ୍ଧି ପାଇଁ ଭାରତ ଏବଂ ବ୍ରିଟେନ ମିଳିତ ଭାବେ କାର୍ଯ୍ୟ ଜାରି ରଖିବେ।

#IndiaUKFTA

HS