ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা হায়খি মদুদি চৈথাংবনা করিগুম্বা অমত্তা ৱারোইশিন পুরকপা ঙমলোই অমসুং লান্না লমজিংখ্রবশিংবু লমজিংনবা হায়খি।

জন্তর মন্তরদা থোকখিবা থৌদোক অদু পল্লদুনা প্রধান মন্ত্রীনা হায়খি মদুদি লৈবাক অসিনা অমসুং মালেম অসিনা মহাক অমসুং মহাক্কী লৈখিদ্রবা মমাগী মায়োক্তা ফজদবা ৱাহৈ-ৱাতা শীজিন্নবা উবা ফংখি। মহাক্না হায়খি মদুদি অসিগুম্বা থৌওং অসিদা খুন্নাইদা অশাওবা পোকপা হায়বা অসি কাইদে, অদুবু অঙাং ওইরিঙৈ মতম অসি অশোয়বা থোকপা মতম অমসু ওইরি অমসুং মসিদগী তম্বগী অমসুং শেমদোকপগী খুদোংচাবা ফংই।

প্রধান মন্ত্রীনা হায়খি মদুদি অসিগুম্বা লান্না লমজিংলবা অঙাংশিংবু চৈরাক পীবগী মহুৎতা, মখোয়বু কোর্তকী খুত্থাংদা কোইচিং চিংদুনা চৎপা নৎত্রগা খুন্নাইগী ওইবা চৈথেং ফংহন্নবা হোৎনবগী মহুৎতা, ঐখোয়না মখোয়বু থেমজিনগদবনি অমসুং মখোয়দা অচুম্বা লম্বী তাকপীগদবনি। মহাক্না হায়খি মদুদি মহাক্না মখোয়বু ঙাকপীবা পাম্মি অমসুং খুন্নাই অসিনা মসিগী ৱাখল্লোন অসিবু লৌশিন্নবা আপিল তৌখি।

প্রধান মন্ত্রীনা নহারোলশিংদা লৈবাক অসিগীদমক পুন্না মাংদা চংশিন্নবা, অশোয়বশিংদগী তমশিন্নবা অমসুং মখোয়গী মঙলানশিং ফংনবা চংশিন্নবা হায়খি। মহাক্না হায়খি মদুদি লৈবাক অসিনা খোঙজেল য়াংনা খুমাং চাউশিল্লি অমসুং নহা খুদিংমকসু পুন্সিদা খুমাং চাউশিনবা ঙম্বা ওইরসনু হায়না মহাক্না হায়খি।

শ্রী মোদীনা মীপুম খুদিংমক্তা ভারতকীদমক পুন্না থবক তৌনবা হায়খ্রে।

অচুম্বা লম্বীগী মাইকৈদা নহারোলশিংবু লমজিংনবা ভিদিও অমা শিয়র তৌরদুনা শ্রী মোদীনা হায়;

“চৈথাংবনা করিগুম্বা অমত্তগী ৱারোইশিন পুরকপা ঙম্লোই।

লান্না লমজিংখ্রবশিংবু লমজিংলসি।

পুন্না থবক তৌরসি।

ভারতকীদমক থবক তৌরসি।”

Abuses never solve anything.

Let’s guide the misguided.

Let’s work together.

Let’s work for Bharat. pic.twitter.com/yAePG60KYL

— Narendra Modi (@narendramodi) July 31, 2026

***