ভারতকী প্রধানমন্ত্রী

আয়ুস্মান ভারত হৌদোকখিবদগী চহি নিপাল মপুং ফারকপগা লোইননা, প্রধান মন্ত্রী, শ্রী নরেন্দ্র মোদীনা ঙসি মসিগী মাইপাকপশিং অদুগী মতাংদা পনখ্রে।

প্রধান মন্ত্রীনা হায়খি মদুদি ভারতমচা খুদিংমক্না খ্বাইদগী ফবা অমসুং অহোংবা মমলদা ফংবা হকশেলগী খুদোংচাবশিং ফংহনগদবনি হায়বা ৱাখল্লোন অদুদা চহি নিপালগী মমাংদা স্কীম অসি হৌদোকখিবনি। ঙসি কান্নবা ফংলিবা মীওই করোর ৬০দগী হেনবনা চহিদা লুপা লাখ ৫গী হেল্থ কভর ফংবা ঙম্লে, মসিনা মসি মালেমগী খ্বাইদগী চাউবা হকশেলগী স্কীম অমা ওইহল্লে হায়না মহাক্না পনখি। শ্রী মোদীনা মখাতানা হায়খি মদুদি খোঙথাং অসিনা হিদাক-লাংথক্কী চাদিংদা মশিং য়াম্লবা শেনফম তুংশিনবা ঙমহনখ্রে, মসিদগী লায়রবা অমসুং ময়াই ওইবা কাংলুপশিংনা কান্নবা ফংলি।

প্রধান মন্ত্রীনা মখাতানা ফোংদোকখি মদুদি হকশেলগী খুদোংচাবশিং অসি য়ুমথোং খুদিংদা হেন্না নকশিল্লক্লি, অমসুং আয়ুস্মান আরোগ্য মন্দিরশিংদা মীয়াম্না লাকপগী মশিং করোর ৫০০দগী হেন্না য়াম্না লাকপা থেংনখ্রে, মসিনা মীয়ামগী থাক্তা প্রাইমারী হেল্থকেয়র মপাঙ্গল কনখৎহল্লি হায়না মহাক্না পনখি। মহাক্না আয়ুস্মান ভারতকী কান্নবা ফংলিবা পুম্নমক্তা মহাক্কী য়াইফ-পাউজেলসু পীখি।

Xকী পোস্ত অমদা, প্রধান মন্ত্রীনা অসুম্না শিয়র তৌখি:

“ভারতমচা খুদিংমক্না খ্বাইদগী ফবা অমসুং অহোংবা মমলদা ফংবা হকশেলগী খুদোংচাবশিং ফংহনগদবনি হায়বা ৱাখল্লোন অদুদা চহি নিপালগী মমাংদা আয়ুস্মান ভারত হৌদোকখিবনি।

ঙসি, কান্নবা ফংলিবা মীওই করোর ৬০দগী হেনবনা চহিদা লুপা লাখ ৫গী হেল্থ কভর ফংবা ঙম্লে, মসিনা মসি মালেমগী খ্বাইদগী চাউবা হকশেলগী স্কীম অমা ওইহল্লি।

মসিনা হিদাক-লাংথক্কী চাদিংদা মশিং য়াম্লবা শেনফম তুংশিনবা ঙমহনখ্রে, মসিদগী লায়রবা অমসুং ময়াই ওইবা কাংলুপশিংনা কান্নবা ফংলি।

অমসুং হকশেলগী খুদোংচাবশিং অসি য়ুমথোং খুদিংদা হেন্না নকশিল্লক্লি। আয়ুস্মান আরোগ্য মন্দিরশিংদা মীয়াম্না লাকপগী মশিং করোর ৫০০দগী হেন্না য়াম্না লাকপা থেংনখ্রে, মসিনা মীয়ামগী থাক্তা প্রাইমারী হেল্থকেয়র মপাঙ্গল কনখৎহল্লি।

আয়ুস্মান ভারতকী কান্নবা ফংলিবা পুম্নমক্তা ঐহাক্কী য়াইফ-পাউজেল পীজরি।

#8YearsOfAyushmanBharat”

Eight years ago, Ayushman Bharat was rolled out with the idea that every Indian should have access to top-quality and affordable healthcare.

Today, more than 60 crore beneficiaries have access to Rs. 5 lakh annual health cover, making it the largest healthcare scheme in the… https://t.co/K7bWTRNlLM

— Narendra Modi (@narendramodi) September 23, 2026

***