ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ২০২৬কী ওক্তোবর তাং ৮গী অয়ুক পুং ১০ রোম তাবদা নই দিল্লীগী য়শোভুমিদা ইন্দিয়া মোবাইল কংগ্রেস (আই.এম.সি.) গী ১০শুবা এদিসন হৌদোক্কনি। থৌরম অসিদা মহাক্না মীয়ামদা ৱা ঙাংগনি।

তেলিকম্ম্যুনিকেসন দিপার্তমেন্ত (দি.ও.তি.) অমসুং সেলুলর ওপরেতরস এসোসিএসন ওফ ইন্দিয়া (সি.ও.এ.আই.) না পুন্না শীনবা থৌরম অসি ওক্তোবর ৭তগী ১০ ফাওবা পাংথোক্কনি। আই.এম.সি. ২০২৬কী থিমদি “স্কেল ৱিথআউৎ বাউন্দরীজ”নি, মসিনা দিজিতেল ইন্নোবেসন, নেক্স-জেনরেসনগী কন্নেক্তিবিতী অমসুং তেক্নোলোজীনা লমজিংবা গ্রোথতা ভারতকী হেনগৎলক্লিবা কেপাসিতীশিং উৎলি।

আই.এম.সি. ২০২৬কী মরুওইবা য়ুম্বী মরি অসি – সৃস্তি: তুংলমচৎ শেমগৎপা; সমবর্ধন: গ্রোথতা শাহৌ পীবা; সশক্ত: খুদোংচাবশিং পাকথোক চাউথোকহনবা; অমসুং সুরক্ষা: থাজবা মপাঙ্গল কনখৎহনবা
অসিনি। মসিনা ইন্নোবেসন অমসুং নেক্স-জেনরেসনগী দিজিতেল ইনফ্রাস্ত্রকচর, তেক্নোলোজীনা লমজিংবা ইকোনোমিক গ্রোথ, ইনক্লুসিব দিজিতেল এক্সেস, অমসুং সেক্যুর অমসুং রেসিলেন্ত দিজিতেল ইকোসিস্তেমশিং শেমগৎপদা মীৎয়েং থমগনি। আই.এম.সি. ২০২৬না মালেমগী তেক্নোলোজীগী লুচিংবশিং, পোলিসী মেকরশিং, ইন্দস্ত্রীগী এক্সপর্তশিং, স্তার্তঅপশিং, ইনভেস্তরশিং অমসুং ইন্নোবেতরশিং দিজিতেল ইকোসিস্তেমগী অনৌবা খুদোংচাবশিং থিদোক্নবা পুনশিনগনি।

২০২৬কী ইদিসন অসিদা ৫জি অমসুং ৬জি, নেক্স-জেনরেসনগী এ.আই. নেৎৱার্কশিং, সেমিকন্দক্তরশিং, নন-তেরেস্ত্রিএল নেৎৱার্কশিং, সাইবর সেক্যুরিতী, ক্বান্তম কম্ম্যুনিকেসন, এন্তরপ্রাইজ ত্রান্সফোর্মেসন, সর্ক্যুলর ইকোনোমী অমসুং ই.এস.জি. অমসুং ইলেক্ত্রোনিক মেন্যুফেকচরিং য়াওনা এঙ্কর সেক্তর নিপান কোনশিনগনি। থৌরম অসিনা সেক্তরগী ওইবা মীৎয়েং অসি অনৌবা লম মরি – স্মার্ত মোবিলিতী, স্তেদিয়ম এক্সপরিয়েন্সশিং, ইন্দস্ত্রীএল রোবোতিক্স অমসুং ত্রান্সপোর্ত তেক্নোলোজীদা পাকথোক চাউথোকহল্লগনি।

আই.এম.সি. ২০২৬তা লৈবাক ১০০দগী শরুক য়ারিবা মীওই লাখ ১.৫ হেন্না শরুক য়াগনি হায়না পানরি, মসিদা শরুক য়ারিবা মীওইশিং অদু পার্তনর ৫০০ অমসুং এক্সিবিতর ৬০০ অমসুং থীঙ্ক লিদর ৯০০নি। থৌরম অসিদা তেক্নোলোজী শীজিন্নবগী কেস ২,০০০ হেনবা অমসুং সেসন ১২০ হেন্না য়াওগনি।

*****