ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা (১) স্কীম অমসুং সব-স্কীমশিংগী মমিং ওন্থোকপা (২) দিব্যাঙ্গজন পেন্সনগী ইলিজিবিলিতী ক্রাইতেরিয়াশিং, কভরেজ অমসুং মতেংগী চাং শেমদোকপা অমসুং (৩) অহলশিং অমসুং লুখ্রাবীশিংগী পেন্সন স্কীমশিং অমসুং ইমুংগী কান্নবা ফংহনবগী স্কীম হৌজিক লৈরিবা মওং অসিদা মখা চত্থহনবা লোয়ননা, ২০২৬-২৭ দগী ২০৩০-৩১ ফাওবা চহি মঙাগী পুন্না লুপা করোর ৫৩,৪২৮ গী বজেৎকা লোয়ননা নেস্নেল সোসিএল এসিস্তেন্স প্রোগ্রাম (এন.এস.এ.পি.) মখা চত্থনবা দিপার্তমেন্ত ওফ রুরেল দিভেলপমেন্তগী ৱাফম অয়াবা পীখ্রে।

অকুপ্পা ৱারোলশিং:

১. স্কীম অমসুং সব-স্কীমশিং মমিং হোংদোকপা:

২. দিসএবিলিতী পেন্সন্দা লৈগদবা অহোংবশিং:

দিব্যাঙ্গজন পেন্সন স্কীমগী মখাদা ফংগদবা মতেংগী শেনফম অসি হৌজিক চহি ০-৭৯ ফাওবগী কাংলুপকী লুপা ৩৭৫/- অমসুং চহি ৮০ অমসুং মথক্কী লুপা ৬২৫/- ওইরগনি। স্কীম অসিগী মখাদা মতেংগী চাং হেনগৎহনবগা লোয়ননা মখাগী অহোংবাশিং অসি পুরক্লে:

(ক)     স্কীম অসিগী মখাদা বেঞ্চমার্ক দিসএবিলিতীগী ক্রাইতেরিয়া অসি হৌজিক লৈরিবা ৯০%গী মহুত্তা ৪০% ওইরগনি।

(খ)     দিসএবিলিতী পেন্সনগী খ্বায়দগী নেমবা চহিগী ক্রাইতেরিয়া অসি হৌজিক পোকপা মতমদগী ওইরগনি।

৩. অহলশিং অমসুং লুখ্রাবীশিংগী পেন্সন স্কীমশিং অমসুং ইমুংগী কান্নবা ফংহনবগী স্কীম হৌজিক লৈরিবা মওং অসিদা মখা চত্থগনি।

কান্নবশিং:

অয়াবা অসিদগী স্তেত/য়ু.তি. ৩৬ মক্তা লৈরিবা পুন্না বেনিফিসিয়রী করোর ৩.২০ না কান্নবা ফংগনি।

থবক পায়খৎপগী মওং অমসুং পান্দম:

দিব্যাঙ্গজন পেন্সনগী মখাদা ইলিজিবিলিতী ক্রাইতেরিয়াশিংদা লাকপা অহোংবা, বেনিফিসিয়রীগী মশিং অমসুং মতেংগী চাং য়াওবা লমজিং-ৱাতাকশিং থা অহুমগী মনুংদা থোকহনগনি অমসুং চৎনহনগনি।

বেকগ্রাউন্দ:

ভারত সংবিধানগী আর্তিকল ৪১ দা লৈবা দাইরেক্তিব প্রিন্সিপলস ওফ স্তেত পোলিসীগী মখাদা কেন্দ্র লৈঙাক্কী থৌদাং মপুং ফাহন্নবগীদমক লায়রবা ইমুংশিংদা মতেং পীনবা নেস্নেল সোসিএল এসিস্তেন্স প্রোগ্রাম (এন.এস.এ.পি.) অসি ওগস্ত ১৫, ১৯৯৫ দা হৌদোকখি। চাদা ১০০ কেন্দ্রগী তেংবাংনা পীবগী পান্দম অসি লৈবাক অসিগী মফম খুদিংমক্তা লৈরিবা বেনিফিসিয়রীশিংদা মান্নবা মওংদা মতেং ফংহনবা ঙম্নবনি।

রাইতস ওফ পর্সন্স ৱিথ দিসএবিলিতী এক্স ২০১৬ না দিসএবিলিতী পেন্সনগী ইলিজিবিলিতী ক্রাইতেরিয়াশিংদা অহোংবা পুরকপগী তঙায়ফদবা ফোঙদোক্লি অমসুং মসিবু ৪০% গী ‘বেঞ্চমার্ক দিসএবিলিতী’গা শম্নহনখ্রে। মসিগী মথক্তা, মসিনা অতোপ্পা কাঙলুপশিংগীদমক পুখৎলিবা মান্নবা থাক্কী স্কীমশিংদগী দিসএবিলিতীগা মরী লৈনবা মতেং অসি মতম পুম্নমক্তা ২৫% হেনগদবনি হায়বা ৱাফমসু চৎনহনখ্রে।

***