ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিঙবা কেন্দ্রগী মন্ত্রীমন্দলনা ২০২৬তগী ২০৩৩-৩৪ ফাওবগী মতমগী ওইনা লুপা কোতি ১,৮৫৬.৬৭গী অপুনবা চাদিংগা লোয়ননা খেলো ইন্দিয়া স্পোর্তস গুদ্স মেন্যুফেকচরিং স্কিম অসি অয়াবা পিখ্রে। স্কিম অসিনা ইনভেস্তমেন্ত, মেন্যুফেকচরিং, ইনোবেসন অমসুং এক্সপোর্ত প্রমোত তৌনবা, অমসুং মালেমগী শান্ন-খোৎনবগী পোত্‍‌লমশিংগী সেক্তরদা ভারতকি পোজিসন মপাঙ্গল কনখৎহন্নবা পান্দম থম্লি।

য়ুনিয়ন বজেৎ ২০২৬-২৭তা লাওথোকখিবা স্কিম অসিনা ইনভেস্তমেন্ত, তেক্নোলোজি এদোপ্ত তৌবা, রিসর্চ অমসুং ইনোবেসন, স্কিল দিবলপমেন্ত, ক্বালিতি সর্তিফিকেসন অমসুং মার্কেৎ দিভেলপমেন্ততা পান্দম থম্লিবা সপোর্তকি খুত্থাংদা ভারতকি স্পোর্তস গুদ্স মেন্যুফেকচরিং বেজ অসি মপাঙ্গল কনখৎহন্নবা হোত্‍‌নরি। স্কিম অসিনা মালেমগী ওইনা চাংদম্নবা য়াবা স্পোর্তস গুদ্স ইনদস্ত্রি অমা শেমগৎপদা মতেং পাংগনি অমসুং মালেমগী সপ্লাই চেনশিংদা ভারতকি পোজিসন মপাঙ্গল কনখৎহনগনি।

খেলো ভারত নিতি ২০২৫, মেক ইন ইন্দিয়া অমসুং আত্মনিরভর ভারতকি ভিজনগা চুশিন্নদুনা স্কিম অসিনা ইনভেস্তমেন্ত পুক্নিং চিংশিনগনি, থবক পিবগী খুদোংচাবা পিগনি, দোমেস্তিক মেন্যুফেকচরিং কেপেবিলিতিশিং মপাঙ্গল কনখৎহনগনি অমসুং ভারতকি শান্ন-খোৎনবগী পোত্‍‌লমশিংগী মালেমগী ওয়বা কম্পিতিতিবনেশ হেঙ্গৎহল্লগনি হায়না থাজরি।

ইন্তিগ্রেতেদ স্পোর্তস গুদ্স মেন্যুফেকচরিং ইকোসিস্তেমশিং শেমগত্‍‌পা:

স্কিম অসিনা ক্লস্তরদা য়ুম্ফম ওয়বা মেন্যুফেকচরিং প্রমোত তৌনবা অমসুং মেন্যুফেকচররশিং, সপ্লাইয়রশিং, তেস্তিং ফেসিলিতিশিং, দিজাইন অমসুং প্রোতোতাইপিং সেন্তরশিং, অমসুং এনশিল্লরি ইন্তরপ্রাইজশিংগী কো-লোকেসনগী খুত্থাংদা ইন্তিগ্রেতেদ ইন্দস্ত্রিয়েল ইকোসিস্তেমশিং শেমগৎনবা কত্থোক্লবা স্পোর্তস গুদ্স মেন্যুফেকচরিং জোনশিং (এস.জি.এম.জে.শিং) শেমগৎনবা থৌরাং তৌরি। হায়রিবা জোনশিং অসি বি.ঐচ.ৱাই.এ.গী স্কিম অমসুং এন.আই.সি.দি.সি.গী ইন্দস্ত্রিয়েল পার্কশিংগী মখাদা হৌজিক লৈরিবা ইন্দস্ত্রিগী ইনফ্রাস্ত্রকচরগা পুন্না চৎমিন্নবগী খুত্থাংদা শেমগৎকনি, মসিনা ইফিসিয়েনত মেন্যুফেকচরিং তৌবা, অচেৎপা ইন্দস্ত্রি লিঙ্কেজশিং অমসুং স্পোর্তস গুদ্স ভেল্যু চেন পুম্নমক্তা কম্পিতিতিবনেশ হেনগৎহনবা ঙমহনগনি।

জোনশিং অসিনা ইন্তিগ্রেতেদ মেন্যুফেকচরিং ফেসিলিতিশিং শেমগৎপদা মতেং পাংগনি, ইন্দস্ত্রিগী লিঙ্কেজশিং মপাঙ্গল কনখৎহনগনি অমসুং ওপরেস্নেল ইফিসিয়েন্সি ফগৎহনগনি। হায়রিবা ইন্তরভেন্সনশিং অসিনা শেল থাদবদা লাইথোকহল্লগনি, পুথোকপগী চাং হেনগৎহনগনি অমসুং লৈবাক অসিদা অচেৎপা শান্ন-খোৎনবগী পোত্‍লমশিং শাবগী বেজ অমা শেমগৎপদা মতেং পাংগনি হায়না থাজরি।

ইনভেস্তমেন্তশিং পুক্নিং চিংশিনবা অমসুং দোমেস্তিক মেন্যুফেকচরিং পাকথোক চাওথোকহনবা:

স্কিম অসিগী মরুওইবা মিত্‍‌য়েং অমদি স্পোর্তস গুদ্স সেক্তরদা অনৌবা ইনভেস্তমেন্তশিং পুক্নিং চিংশিনবা অমসুং দোমেস্তিক মেন্যুফেকচরিং কেপাসিতি মপাঙ্গল কনখৎহনবনি। এঙ্কর ইনভেস্তমেন্ত সপোর্ত কম্পোনেন্ত অসিনা মকোক থোঙবা দোমেস্তিক অমসুং গ্লোবেল মেন্যুফেকচররশিং, ব্রান্দশিং অমসুং রিতেল চেনশিংদা দেজিগনেতেদ স্পোর্তস গুদ্স মেন্যুফেকচরিং জোনশিংগী মনুংদা মেন্যুফেকচরিং ফেসিলিতিশিং লিংখৎনবা পুক্নিং থৌগৎকনি অমসুং অচেৎপা শপ্লাইয়র অমসুং এন্সিল্লরি ইকোসিস্তেমশিং শেমগৎপদা মতেং পাংগনি। মসিগী মপুঙ ওয়বা শরুক অমা ওইনা তর্নওভর লিঙ্ক তৌরবা সপোর্ত কম্পোনেন্ত অসিনা হেননা ৱাঙবা প্রদক্সন, কেপাসিতি এক্সপান্সন অমসুং লেপ্তনা মেন্যুফেকচরিং গ্রোথতা ইনসেন্তিব পিগনি।

পুন্না লুপা কোতি ১,১৩০গী অপুনবা চাদিংনা মতেং পাংলিবা ইন্তরভেন্সনশিং অসিনা দোমেস্তিক মেন্যুফেকচরিং মপাঙ্গল কনখৎহনগনি, ইম্পোর্ত দিপেন্দেন্স হন্থহনগনি, দোমেস্তিক ভেল্যু এদিসন হেনগৎহনগনি, মশক থোকপা প্রায়বােৎ ইনভেস্তমেন্ত কেতালাইজ তৌগনি, ভেল্যু চেন পুম্নমক্তা থবক ফংবগী খুদোংচাবা পিগনি, অমসুং মালেমগী কৈথেলশিংদা ভারতকি কম্পিতিতিবনেশ ফগৎহনগনি হায়না থাজরি।

এম.এস.এম.ই.শিং অমসুং হৌজিক লৈরিবা মেন্যুফেকচরিং ক্লস্তরশিং মপাঙ্গল কনখৎহনবা:

স্পোর্তস গুদ্স সেক্তরদা মায়ক্রো, স্মোল অমসুং মেদিয়ম ইন্তরপ্রাইজশিং (এম.এস.এম.ই.শিং)গী মরুওইবা থৌদাং অদু খঙলদুনা স্কিম অসিনা হৌজিক লৈরিবা মেন্যুফেকচরিং ক্লস্তরশিং মপাঙ্গল কনখৎহনবা অমসুং অপিকপা ইন্তরপ্রাইজশিংগী চাওখত্‍‌পদা মতেং পাঙবদা অকনবা মিত্‍‌য়েং থম্লি।

কমন ফেসিলিতিশিং অমসুং সেয়র তৌরবা ইনফ্রাস্ত্রকচরশিং শেমগত্‍‌পা য়াওনা হৌজিক লৈরিবা শান্ন-খোৎনবগী পোত্‍‌লমশিং শাবগী ক্লস্তরশিং অপগ্রেদ তৌবদা মতেং পিগনি।

ক্বালিতি অমসুং ইন্তর্নেস্নেল সর্তিফিকেসন প্রমোত তৌবা:

স্কিম অসিনা ভারতকি শান্ন-খোৎনবগী পোত্‍‌লমশিংগী কম্পিতিতিবনেশ হেঙ্গৎহনবদা মালেমগী ওইনা য়ানরবা ক্বালিতি অমসুং পরফোমেন্স শ্টেনদরদশিংগী মরুওইবা অদু খঙলে।

ইন্তর্নেস্নেল স্পোর্তস ফেদেরেসনশিংদগী সর্তিফিকেৎশিং লৌবা অমসুং রিন্যু তৌবদা মেন্যুফেকচররশিংদা মতেং পিগনি, মসিদা লুপা কোতি ১০৫ চংগনি।

হায়রিবা খোঙথাংশিং অসিনা পোত্থোক্কী ক্বালিতি হেনগৎহনবদা মতেং পাংগনি, ইন্তর্নেস্নেল মারকেত্তা য়ৌবা ঙমহনগনি অমসুং ভারত্তা শাবা শান্নপোত্‍‌কি পোত্‍‌লমশিংদা থাজবা হেনগৎহনগনি।

রিসর্চ, তেক্নোলোজি অমসুং ইনোবেশন্দা শেল থাদবা

স্কিম অসিনা শান্ন-খোৎনবগী পোত্‍‌লমশিংগী সেক্তরদা রিসর্চ, দিজাইন অমসুং ইনোবেসন মপাঙ্গল কনখৎহনবদা অখন্নবা মিত্‍‌য়েং থম্লি।

স্পোর্তস ইক্বিপমেন্ত, মেতরিএল সাইন্স, প্রোতেক্তিব গীয়ার অমসুং এদভান্স মেন্যুফেকচরিং তেক্নোলোজিশিংদা রিসর্চ প্রমোত তৌনবা প্রিমিয়র এজুকেস্নেল অমসুং রিসর্চ ইন্সতিত্যুসনশিংদা সেন্তর ওফ এক্সেলেন্স লিংখৎনবা মতেং পিগনি।

অনুসন্ধান নেস্নেল রিসর্চ ফাওন্দেসনগা লোয়ননা কনভরজেন্সকি খুত্থাংদা রিসর্চ অমসুং দিবেলপমেন্তকি থবক থৌরমশিংশু পুক্নিং থৌগৎকনি।

স্তার্তঅপ ইন্দিয়া ইনিসিয়েতিবকা চুশিন্নদুনা স্তার্ত-অপশিংদা কত্থোক্লবা মতেংনা অনৌবা পুথোকপা হেনগৎহনগনি অমসুং শান্ন-খোৎনবগী পোত্‍লমশিং শাবগী ইকোসিস্তেমগী মনুংদা অনৌবা তেক্নোলোজিশিং, প্রোসেশশিং অমসুং পোত্‍‌থোকশিং শেমগত্‍‌পা, তেস্ত তৌবা, ভেলিদেসন অমসুং কম্মর্সিএলাইজ তৌবদা লাইথোকহল্লগনি।

তুংগীদমক স্কিল লৈরবা ৱার্কফোর্স অমা শেমগত্‍‌পা:

স্পোর্তস গুদ্স সেক্তরগী ইমপ্লোয়মেন্ত-ইন্তেন্সিব ওয়বা মওং অসি খঙলদুনা স্কিম অসিনা ইন্দস্ত্রিগী মথৌ তাবশিংগা চুনবা স্কিল দিবেলপমেন্ত ইনিসিয়েতিবশিংদা মতেং পাংগনি।

স্কিল দিবেলপমেন্ত ইনিসিয়েতিবশিং অসি স্কিল দিবলপমেন্ত অমসুং ওন্তরপ্রিনরশিপ মন্তরালয় অমসুং মরি লৈনবা ইন্দস্ত্রিগী স্তেকহোলদরশিংগা পুন্না থবক তৌমিন্নদুনা হেন্না চাওখৎলক্লিবা ইন্দস্ত্রিগী মথৌ তাবশিংগা চুশিন্ননবা থবক পায়খৎকনি।

হোত্‍‌নরিবশিং অসিনা স্কিল লৈরবা মেনপাৱরগী হেনগৎলক্লিবা দিমান্দ অদু ফংহনবদা মতেং পাংগনি অমসুং শান্ন-খোৎনবগী পোত্‍‌লমশিং শাবগী সেক্তরগী মতম শাংনা চাওখৎহনবদা মতেং পাংগনি।

ভারতকি শান্ন-খোৎনবগী পোত্‍‌লমশিং মালেমগী কৈথেলশিংদা পুরকপা:

স্কিম অসিনা কত্থোক্লবা ব্রান্দিং, আওতরিচ অমসুং মার্কেৎ দিবেলপমেন্ত ইনিসিয়েতিবশিংগী খুত্থাংদা ইন্তর্নেস্নেল স্পোর্তস গুদ্স মার্কেত্তা ভারতকি লৈফম পাকথোক চাওথোকহন্নবা হোত্‍‌নরি। এক্সপোর্ত প্রমোসন মিসন অসি লৌশিনদুনা হোত্‍নরিবশিং অসিনা ভারতকি শান্ন-খোৎনবগী পোত্‍‌লমশিং য়েঙবা হেনগৎহনগনি, কৈথেলদা য়ৌবা ঙম্বগী মপাঙ্গল কনখৎহনগনি অমসুং ইন্তর্নেস্নেল কৈথেলশিংদা মখোয়গী হেন্না চঙশিনবদা মতেং পাংগনি।

ভারতকি গ্লোবেল স্পোর্তিং এমবিসনশিংদা মতেং পাঙবা:

অৱাঙবা থাক্কী অমসুং মালেমগী ওইনা সর্তিফাইদা তৌরবা শান্ন-খোৎনবগী পোত্‍‌লমশিং শাবদা য়োকখত্তুনা স্কিম অসিনা ভারতকি শান্ন-খোৎনবগী সেক্তর অমসুং শান্নরোয়শিংগী চাওখৎ-থৌরাংগী থৌরাংশিংগী হেনগৎলক্লিবা মথৌ তাবশিংদা মতেং পাংগনি। স্কিম অসিগী মখাদা ইনোবেসন, ক্বালিতি লৈবা ইনফ্রাস্ত্রকচর অমসুং মেন্যুফেকচরিং কেপাসিতি হেঙ্গৎহনবনা খেলো ইন্দিয়া অমসুং ফিৎ ইন্দিয়াগুম্বাা ইনিসিয়েতিবশিং মপুঙ ফাহনগনি।

স্কিম অসিনা ভারতপু শান্ন-খোৎনবগী পোত্‍‌লমশিং দিজাইন তৌবা, দিবেলপ তৌবা অমসুং শাবদা মালেমগী ওইনা চাংদম্নবা য়াবা হব অমা ওইনা থম্লগনি হায়না থাজরি। মেন্যুফেকচরিং কেপেবিলিতিশিং মপাঙ্গল কনখত্‍‌হনদুনা, ইনোবেসন প্রমোত তৌদুনা অমসুং গ্লোবেল মার্কেৎ এক্সেশ পাকথোক-চাওথোকহন্দুনা, মসিনা গ্রোথ, ইমপ্লোয়মেন্ত অমসুং এক্সপোর্তকি অনৌবা খুদোংচাবশিং শেমগত্‍‌লগনি, মসিগা লোয়ননা ভারতনা মাংজিল থারিবা শান্ন-খোৎনবগী লৈবাক অমা ওইনা থোরক্নবা অমসুং আত্মনিরভর ভারত অমসুং বিকসিত ভারত@২০৪৭গী মিত্‍‌য়েং অদু মাংলোমদা পুখৎলগনি।

***