প্রধান মন্ত্রী শ্রী নরেন্দ্র মোদীনা ঙসি নই দিল্লীগী ইন্দিরা গান্ধী স্পোর্তস কমপ্লেক্সতা এসিয়ন পেরা গেম্স ২০২৬তা শরুক য়াখিবা ভারতকী কন্তিঞ্জেন্তগা ৱারী শাখ্রে। থৌরম অদুদা ৱা ঙাংলদুনা, প্রধান মন্ত্রীনা হায়খি মদুদি চয়োল খরগী মমাংদা এসিয়ন গেম্সকী কন্তিঞ্জেন্তগা ৱারী শানরবা মতুংদা মহাক্না পেরা-এসিয়ন গেম্সকী শান্নরোয়শিংগা উননবা খৌরাংনা ঙাইদুনা লৈরম্মি অমসুং মখোয়গী অফবা পর্ফোমেন্স অসিনা মালেমগী শান্ন-খোৎনবগী শক্তি অমা ওইনা ভারতনা খোঙজেল য়াংনা থোরক্লিবা অদু উৎলি। শান্নরোয়শিংবু লৈবাক অসিগী মীওই করোর ১৪০গী মায়কৈদগী থাগৎপা ফোংদোক্লদুনা অমসুং মখোয়গী ইমুং-মনুং, ত্রেনরশিং অমসুং কোচশিংবু মখোয়গী মরুওইবা থৌদাংশিং অদুগীদমক থাগৎপা ফোংদোক্লদুনা মহাক্না হায়খি মদুদি শান্নরোয়শিংনা অচৌবা স্তেজ অমদা অমসুং লৈবাক শিনবা থুংবগী মীওই করোর কয়াগী থম্মোয়দা অনিমক্তা মেদলশিং ফংখ্রে।
ভারতকী শান্ন-খোৎনবদা শরুক য়াবা অসি থৌওং অমা খক্তনি হায়না লৌনরম্বা অমসুং ২০১০গী পেরা এসিয়ন গেম্সতা লৈবাক অসিনা সনা অমখক অমসুং পুন্না মেদল ১৪ ফংদুনা পেরা-স্পোর্তসতা শোত্থনা লৈহৌবা মতমশিংগা য়েংনবদা, প্রধান মন্ত্রীনা কন্তিঞ্জেন্তকী পুৱারী ওইরবা খোঙজেলদা সনা ৩০, সিলভর ৩৫ অমসুং ব্রোঞ্জ ৪৯ য়াওনা মেদল ১১৪ ফংখিবগী মতাংদা পনখি। মসিদা মালেমগী রেকোর্দ মঙা অমসুং এসিয়ন রেকোর্দ মাপন য়াওরি। নুপী শান্নরোয় ৫৬গী মনুংদা ৩৪না মেদল ফংখি, ইন্দিয়ন শান্নরোয়শিংনা ইভেন্ত মরিদা পোদিয়মগী মফম অহুমমক ফংখি, অমসুং কন্তিঞ্জেন্তনা অরোইবা নুমিত্তা গোল্দ মেদল মাপন ফংখি হায়না পল্লদুনা মহাক্না তোর্নামেন্ত অসিগী অরোইবা ফাওবদা মাইপাকপা ঙম্নবগী মখোয়গী থৱায় য়াওনা হোৎনখিবা অদু থাগৎখি। “মেদল ১৪দগী ১১৪ ফাওবগী খোঙচৎ অসি অদোমগী কন্না হোৎনবগী মহৈনি” হায়না প্রধান মন্ত্রীনা হায়খি।
ভারতকী শান্নরোয়শিংনা মমাংদা লৈবাক অসিনা মাইপাকখিদ্রিবা ইভেন্ত কয়াদা ফংখিবা অহানবা গোল্দ মেদলশিং পল্লদুনা প্রধান মন্ত্রীনা মোনা আগরৱালনা পেরা শুতিংদা ৱার্ল্দ রেকোর্দ অমা শেমখিবগা লোয়ননা হেন্নিনা মাগী মমাংগী ৱার্ল্দ রেকোর্দ অদু থুগাইখি হায়না পনখি। শ্রী মোদীনা হায়খি, “হিমাংশু, রবি অমসুং জেহাননা মখোয়গী পরফোর্মেন্সকী খুত্থাংদা মালেমদা করম্না ফিজিকেলগী শিংনবশিংবু মায়থিবা পীবা য়াবগে হায়বদু উৎখি।
মালেম অসিনা ইন্দিভিজুএল নৎত্রগা কল্লেক্তিব ভিক্তরীগী থোইদোক হেন্দোকপা মশক অদু উবা ফংলবসু, মায় পাকপগী অচৌবা য়ুম্ফমদি চহী কয়াগী মমাংদা উবা ফংলমদ্রবা কন্না হোৎনখিবা, হুমাং মমল অমসুং হনবা লৈতনা হোৎনবদা য়ুম্ফম ওই হায়না পল্লদুনা, প্রধান মন্ত্রীনা এসিয়ন পেরা গেম্সকী থা অনিগী মমাংদা মহাক্কী মমা লৈখিদ্রবা মতুংদা এথলেৎ রিঙ্কুনা মহাক্কী থৌনা অদু মতৌ করম্না লেংদনা থমখিবগে হায়বদু নীংশিংখি অমসুং সনা ফংলবা মতুংদা মহাক্কী ফোতো থাগৎতুনা মহাকপু ইকায় খুম্নবা উৎখি। প্রধান মন্ত্রীনা হায়খি, “মীকুপ অসিনা ঐখোয় পুম্নমকপু পুক্নিং নুংশিহনখি।”
শান্নরোয়শিংগী লান্থেং অমসুং মাইপাকপশিংবু য়াম্না ইথিল পীবা অমনি হায়না পল্লদুনা, প্রধান মন্ত্রীনা মখোয়গী মশাগী খোঙচৎ অমসুং লৈবাক অসিগী চাউখৎপগী খোঙচৎকী মরক্তা নক্নবা মরী লৈনবা ৱাফম থমখি। শ্রী মোদীনা হায়খি, “ঙসিদি অদোমগী অমসুং লৈবাক অসিগী হোৎনরিবশিং অসি অমত্তা ওইনা পুনশিন্দুনা থিংবা ঙমদবা শক্তম অমা ওইরক্লি।”
প্রধান মন্ত্রীনা হায়খি মদুদি শান্নরোয়শিংনা অৱাবা মায়োক্নবদা কায়নখিদবা অদুগুম্না, নহা ওইরিবা তেলেন্তশিং অদু মাংহন্দনবা লৈবাক অসিনা সিস্তেম অসি শেমদোক্নবা ৱারেপ লৌখি। মসিনা নহা ওইরিবা শান্নরোয়শিংদা লৈবাক অসিনা মখোয়গী মথক্তা লেপ্পা লৈতনা লেপ্লি হায়বগী থাজবা পীখি। আর্চরী, এথলেতিক্স, শুতিং, স্বিমিং, তেবল তেনিস, বেদমিন্তন, জুদো অমসুং পৱারলিফতিংদা ভারতনা হেনগৎলক্লিবা দোমিনেন্স অদু পল্লদুনা মহাক্না হায়খি এসিয়ন পেরা গেম্সতা অহানবা ওইনা শরুক য়াখিবা মীওই ৬১গী মনুংদা ৩৬না মেদল লৌখি অদুগা সন্দীপনা অহানবা ওইনা মালেমগী রেকোর্দ অমা থমখি। প্রধান মন্ত্রীনা হায়খি, “নহারোলশিংনা শরুক য়াবা অসিনা ঙসিগী ভারতকী মশক অমা ওইরি অমসুং তুংলমচৎকী ভারতকী ৱাশক অমসু ওইরি।”
সরকারনা শান্ন-খোৎনববু নেস্নেল অমসুং ইন্তর্নেস্নেল তোর্নামেন্তশিং ওইনা খক লৌদে, অদুবু পর্সনেলিতী দিবেলপমেন্ত অমসুং লৈবাক শেমগৎনবা মরুওইবা পাম্বৈ অমা ওইনা লৌরি হায়না পল্লদুনা প্রধান মন্ত্রীনা হায়খি মদুদি শান্ন-খোৎনবনা নহা ওইরিবা নাগরিকশিংদা তঙাইফদবা পুন্সিগী মগুনশিং পীরি। শ্রী মোদীনা হায়খি “স্পোর্তস খক্তনা নহারোলশিংদা মাইথিবা নংলবা মতুংদা করম্না মাইপাক্কদগে হায়বদু তাকই অমসুং দিসিপ্লিন অমসুং তীম স্পিরিৎকী ৱাহন্থোক তাকই।”
স্কুল অমসুং গ্রাসরুৎ কেম্পেন, খেলো ইন্দিয়া সেন্তর কয়া অমসুং তোপস স্কিমগী মখাদা ওলিম্পিক স্তেন্দর্দ ত্রেনিংগী খুত্থাংদা মোদর্ন স্পোর্তস ইকোসিস্তেম অমা শেমগৎনবা হোৎনরিবশিং অদু পল্লদুনা, প্রধান মন্ত্রীনা ওলিম্পিক্সতা মীৎয়েং থমদুনা লৈবাক শীনবা থুংনা তেলেন্ত হন্ত কেম্পেন অমদা শরুক য়ানবা নহারোলশিংবু লাল কিলাদগী মহাক্না হায়খিবা অদু নীংশিংখি। “মসিগী মীৎয়েং অসিগা লোয়ননা, ঐখোয়না লৈবাক অসিগীদমক মোদর্ন স্পোর্তস ইকোসিস্তেম অমা শেমগৎলি” হায়না প্রধান মন্ত্রীনা ফোংদোকখি।
মালেমগী মরুওইবা থৌরমশিংদা শান্নরোয়শিংবু মতেং পাংনবা নেস্নেল ইনিসিয়েতিবশিং অসিগী মনুংদা পেরা-স্পোর্তশিংবু মান্নবা মরুওইবা পীরি হায়না পল্লদুনা প্রধান মন্ত্রীনা হৌখিবা তোর্নামেন্তদা ফংখিবা ময়েক শেংবা মহৈশিং অদু পনখি। “মসিগী কম্পিতিসন অসিদা, তোপসকী মতেং ফংলবা শান্নরোয়শিংনা মেদল ৪১ অমসুং খেলো ইন্দিয়াগী শান্নরোয়শিংনা মেদল ১৯ ফংখি। মসিনা উৎলি মদুদি ঐখোয়গী হোৎনরিবশিং অসি অচুম্বা মাইকৈদা চংশিল্লি” হায়না শ্রী মোদীনা হায়খি।
ভারতকী মোদর্ন স্পোর্তস পোলিসীশিংনা শান্ন-খোৎনবগী লমদা নত্তনা নহারোলশিংগীদমক পাক-শন্না খুদোংচাবশিং পীরি হায়না পল্লদুনা প্রধান মন্ত্রীনা স্পোর্তস ইনফ্রাস্ত্রকচর শেমগৎপা, ইক্বিপমেন্ত মেন্যুফেকচরিং অমসুং ব্রোদকাস্তিং ইকনোমীগী খোঙজেল য়াংনা চাউখৎলক্লিবা অদু পনখি। “ঙসিদি ভারত্তা স্পোর্তসকা মরী লৈনবা মোদর্ন পোলিসীশিংনা শান্ন-খোৎনবগী লমদা নহাশিংগীদমক্তা অনৌবা খুদোংচাবা কয়া অমা পীরি” হায়না পি.এম. মোদীনা ফোংদোকখি।
লুপা করোর ১৮০০ হেনবগী শেনফম লৈবা খেলো ইন্দিয়া স্পোর্তস গুদস মেন্যুফেকচরিং স্কিমগী হন্দক্তা অয়াবা পীরকপা অদু পল্লদুনা প্রধান মন্ত্রীনা লৈবাক অসিগী স্পোর্তস মেন্যুফেকচরিং ইন্দস্ত্রীদা মালেমগী শান্নরোয়শিংনা মেদ-ইন-ইন্দিয়াগী গিয়র, মফি-মরোল অমসুং খোঙউপ শেৎ-চাদুনা ফিল্দদা চংনবা হায়খি। মসিনা এম.এস.এম.ই.শিংবু মপাঙ্গল কনখৎহল্লগনি অমসুং অপীকপা শহরশিং অমসুং খুঙ্গংগী মফমশিংদা থবক ফংহল্লগনি। “ঐখোয়না ভারতনা মালেমগী থাক্কী শান্নরোয়শিং পুথোকহনবা অমসুং মালেমগী থাক্কী স্পোর্তস ইক্বিপমেন্ত পুথোকহনবা পাম্মি” হায়না শ্রী মোদীনা হায়খি।
স্কুলশিং, কোলেজশিং অমসুং ইন্সতিত্যুসনশিংদা চৎপদা শান্নরোয়শিংদা লমদম অসিদা মাইপাকপা অমসুং লমদমগী মপান্দা শান্ন-খোৎনবগী কেরিয়রদা নহাশিংবু লমজিংনবা তকশিনখি। দিব্যাংজনশিংগীদমক সরকারনা লৌখৎলিবা খোঙথাংশিং অদু পল্লদুনা, প্রধান মন্ত্রীনা দিসএবিলিতী পেন্সন হেনগৎনবা, ইলিজিবিলিতী থ্রেশহোল্দ অসি চাদা ৮০দগী চাদা ৪০দা হন্থহন্নবা অমসুং পেনসনগী কভরেজ অসি চহি ১৮গী মহুত্তা পোকপদগী হেনগৎহন্নবা, ৱাহৈ ১০,০০০গী ইন্দিয়ন সাইন লেংগ্বেজ দিক্সনরী শেম্নবা, সাইন লেংগ্বেজ স্কুলগী লাইরিকশিং ফংহন্নবা অমসুং সুগম্য ভারত অভিয়ানগী মখাদা মীয়াম তিনবা মফমশিংদা খুদোংচাবশিং ফংহন্নবা মন্ত্রীমন্দলনা লৌখিবা ৱারেপশিং অদু পনখি। প্রধান মন্ত্রীনা হায়খি, “ঐখোয়গী হোৎনবা অসিদি লৈবাক অসিগী দিব্যাং ইচিল-ইনাও খুদিংমক্না ইকায় খুম্নবা, চপ মান্নবা খুদোংচাবশিং ফংহনবা অমসুং মখোয়গী তৌবা ঙম্বগী মতুং ইন্না পুন্সিদা মাংলোমদা চংশিনবা ঙম্নবনি”।
ভারতনা ২০২৮গী লোস এঞ্জেলেস গেম্সকীদমক মীৎয়েং থম্লিবা অসিদা আইচি-নাগোয়া পোদিয়ম অসি অরোইবা দেস্তিনেসন অমা ওইবগী মহুত্তা অহৌবা মফম অমনি হায়না পল্লদুনা প্রধান মন্ত্রীনা শান্নরোয়শিংদা মখোয়গী মাইপাকপগী থৌরম পাংথোক্নবা অমসুং ২০২৮দা রেকোর্দ ওইনা শরুক য়াবা অমসুং মেদল লৌনবগীদমক অথুবা মতমদা শেম-শাবা হৌনবা তকশিনখি। “লৈবাক অসি অদোমগীদমক লেপ্পী অমসুং লৈবাক পুম্বনা অদোমগী মথংগী মাইপাকপগীদমক ঙাইরি” হায়না শ্রী মোদীনা ফোংদোকখ্রে।
What a performance by our Asian Para Games athletes! They have shown what aiming high really looks like. https://t.co/5t3aCa71rT
— Narendra Modi (@narendramodi) November 5, 2026
***
What a performance by our Asian Para Games athletes! They have shown what aiming high really looks like. https://t.co/5t3aCa71rT
— Narendra Modi (@narendramodi) November 5, 2026
2010 के Para Asian Games में भारत ने बस 1 Gold जीता था। कुल मिलाकर उस tournament में हम केवल 14 medals जीत पाये थे। वहीं, इस बार हमारे खिलाड़ी 114 medals ke साथ आए हैं। 14 से 114 medals की ये यात्रा आपके परिश्रम की पराकाष्ठा का परिणाम है: PM @narendramodi
— PMO India (@PMOIndia) November 5, 2026
Olympics को ही ध्यान में रखते हुए इस बार लाल किले से मैंने talent hunt अभियान में युवाओं से आगे आने का आह्वान किया है: PM @narendramodi
— PMO India (@PMOIndia) November 5, 2026
सरकार ने खेलो इंडिया Sports Goods Manufacturing Scheme को मंजूरी दी है। अब समय है, हमारी Sports Goods Manufacturing Industry भी नए कमाल करे। जब कोई भारतीय या विदेशी खिलाड़ी किसी मैदान पर उतरे तो, उसके sports gear भी ‘Made in India’ हों और उसके कपड़े-जूते भी ‘Made in India’ हों: PM @narendramodi
— PMO India (@PMOIndia) November 5, 2026
हम चाहते हैं कि भारत world-class players भी दे और world-class sports equipment भी बनाए: PM @narendramodi
— PMO India (@PMOIndia) November 5, 2026
