ভারতকী প্রধানমন্ত্রী

প্রধান মন্ত্রীনা নবেম্বর ১৩-১৪দা কর্নাতকা অমসুং গুজরাত্তা চৎকনি। অয়ুক্কী পুং ১০:৪৫ তাবা মতমদা প্রধান মন্ত্রীনা প্রশান্তী কুতিরামগী গোলদন জুবিলী সেলেব্রেসন্দা শরুক য়াগনি। মহাক্না থৌরম অসিদা মীয়ামগী মফমদা ৱা ঙাঙগনি। নুংথিলগী চাউরাক্না পুং ১২:৪৫ তারকপা মতমদা প্রধান মন্ত্রীনা তবারেকেরেদগী আই.আই.এম. বেঙ্গলুরু মেত্রো স্তেসন ফাওবদা চেনগদবা মেত্রো ত্রেন লম্থাবগা লোয়ননা মদুদা তোংদুনা চৎকনি। নুংথিলগী চাউরাক্না পুং ১:১৫ চৎপা মতমদা প্রধান মন্ত্রীনা ₹ করোর ১৫,৬০০ হেনবগী চাউখৎ থৌরাংগী প্রোজেক্ত কয়া শঙ্গাগনি, লৈবাক মীয়ামদা খুৎশিন্নগনি অমসুং উরেপ উয়ুংশু তমগনি। মহাক্না থৌরম অসিদা মীয়ামগী মফমদা ৱা ঙাঙগনি।

মসিগী মখা তারকপা ওইনা, প্রধান মন্ত্রীনা মৈসুরুদা চত্তুনা নুংথিলগী পুং ৩:৩০ চৎপা মতমদা কোস্মোজ-মৈসুরু প্লানেতোরিয়ম শঙ্গাগনি অমসুং মসিদা মহাক্না মীয়ামগী মফমদা ৱা ঙাঙগনি।

নবেম্বর ১৪গী নুমিৎয়ুংবা মতমদা প্রধান মন্ত্রীনা গুজরাতকী বনসকন্থাদা লৈবা অম্বাজী লাইশঙদা দর্শ্ন অমসুং পুজা তৌগনি। অম্বাজী লাইশঙ অসি শেংলবা শক্তী পীথ ৫১গী মনুংদগী অমা ওইরিবনি।

বেঙ্গলুরুদা প্রধান মন্ত্রী

প্রধান মন্ত্রীনা স্বামি বিবেকানন্দ য়োগ অনুসন্ধান সংস্থান (এস.-ভি.ৱাই.এস.এ.)গী মীওই লৈনদুনা ময়াই লোইশঙ অমা ওইরিবা প্রশান্তী কুতিরামগী গোলদন জুবিলীগী থৌরমদা শরুক য়াগনি। থৌরম অসিদা মহাক্না গোলদন জুবিলী এদমিনিস্ত্রেসন ব্লোক্কী উরেপ উয়ুং তমগনি অমসুং কেরলগী তিরুবনন্থাপুরমদা লৈবা এস.-ভি.ৱাই.এস.এ.গী ওফ কেম্পস অমশু হৌদোক্কনি।

“বিক্সিত ভারতকী মায়কৈদা” হায়বা থীমগা লোয়ননা ইং ২০২৬কী নবেম্বর ১৩দগী ২৩ ফাওবদা পাংথোক্কদৌরিবা গোলদন জুবিলীগী থৌরম অসিনা ইন্সতিত্যুসন শেমগৎপা অমসুং মীয়ামগী সেবা তৌরকপগী দিকেদ মঙা মপুং ফাবগী নুংঙাইবা ফোংদোক্কনি। ইং ১৯৭৫তা হৌদোকখিবা প্রশান্তী কুতিরাম অসি ভারতকী স্পিরিচুএল ওইবা লৌশিংগা হৌজিক্কী মতমগী সাইন্সকা পুনশিনবগী পান্দম থমদুনা লাক্লি। মসিদা ইং ২০০২দা দীম য়ুনিভর্সিতী ওইরগনি লাউথোকখ্রবা এস.-ভি.ৱাই.এস.এ. লৈরি অমসুং মসিনা য়োগগী এজুকেসন অমসুং রিসর্চতা কত্থোক্লি।

থৌরম অসিদা বেঙ্গলুরুদা ১৯২৬তা পোকখিবা শক্নাইরবা মীওই, অইবা অমসুং শীন লাঙবা মীওই অমা ওইরিবা শ্রী হোঙ্গসন্দ্র ভেঙ্কতরমৈয়া শেশাদ্রিগী চাম্মশুবা মপোক কুমওনশু পাংথোক্কনি। মহাক্না ইং ১৯৪৬তা রাস্ত্রিয় স্বয়মসেবক সংঘদা য়াওখি অমসুং মসিগী সর্কারয়বা ওইনা ১৯৮৭দগী ২০০০ ফাওবা থৌ পুখি। মহাক অসি এস.-ভি.ৱাই.এস.এ. হৌদোকপদা য়াওবা মীওই অমনি অমসুং মহাক্কী ইথিল অমসুং লমজিং লমতাক্না প্রশান্তী কুতিরাম চাউখৎলকপদা মরু ওইবা থৌদাং য়াখি অমসুং ইন্সতিত্যুসন অসিগী পান্দম্বু দিকেদ কয়া অসিদা খুমাং চাউশিলহনখি।

প্রধান মন্ত্রীনা বেঙ্গলুরুদা ₹ করোর ১৫,৬০০ হেনবগী চাউখৎ থৌরাংগী প্রোজেক্ত কয়া শঙ্গাগনি, লৈবাক মীয়াম্না খুৎশিন্নগনি অমসুং উরেপ উয়ুংশিং তমগনি। প্রোজেক্তশিং অসিগী মনুংদা অর্বান মোবিলিতী, পাৱর ত্রান্সমিসন, রিন্যুএবল ইনর্জী, পেত্রোলিয়ম ইনফ্রাস্ত্রকচর, ৱেস্ত মেনেজমেন্ত অমসুং রেলৱেগী প্রোজেক্তশিং য়াওরি।

প্রধান মন্ত্রীনা ₹ করোর ৩৪৭০ চঙনা শাখিবা কলেনা অগ্রহারদগী তবারেকেরে ফাওবা চেনবা বেঙ্গলুরু মেত্রোগী পিঙ্ক লাইন শঙ্গাগনি। অনৌবা লম্বী অসিনা অর্বান কনেক্তিবিতী হেনগৎহনগনি, খোঙচৎকী মতম তেনশিলহনগনি অমসুং বেঙ্গলুরুগী পব্লিক ত্রান্সপোর্ত ফেসিলিতীগী মপাঙ্গল হাপকনি।

প্রধান মন্ত্রীনা চাউরাক্না ₹ করোর ৪৪৫০ চঙনা শাবা কোপ্পল-II অমসুং গরগ-II দা শাবা ত্রান্সমিসন স্কিম ফোর ইন্তিগ্রেসন ওফ রিন্যুএবল ইনর্জী জোন (ফেজ II) অসিশু শঙ্গাগনি। ত্রান্সমিসন সীস্তেম অসিনা কর্নাতকাগী কোপ্পল অমসুং গরগতগী রিন্যুএবল ইনর্জীগী চাউরাকপা গিগা ৱাত অনি লৌথোকপদা মতেং পাংদুনা গ্রিদ অসিদা লৈবা বেনিফিশরীশিংদা মৈ ফংহনগনি। মহাক্না বিদারদা লৈবা অমসুং ₹ করোর ১৩৭০ চঙনা শাখিবা ত্রান্সমিসন স্কিম ফোর দি সোলর ইনর্জী জোন অসিশু শঙ্গাগনি। প্রোজেক্ত অসিদা বিদার পুলিং স্তেসন শাবগী থবক য়াওরি অমসুং মফম অসিদগী সোলর পাৱরগী জি.দব্ল্যু. ২.৫ লৌবদা মতেং পাংগনি।

প্রধান মন্ত্রীনা ₹ করোর ৩৪৫০ চঙনা শাগদবা ত্রান্সমিসন স্কিম ফোর ইন্তিগ্রেসন ওফ দেবাঙ্গীরী/চিত্রদুর্গ অমসুং বল্লারী রিন্যুএবল ইনর্জী জোনশিংগী উরেপ উয়ুংশু তমগনি। মহাক্না ₹ করোর ১১০০ চঙনা শাগদবা দেবাঙ্গীরী অমসুং বল্লারীদা শাগদবা ত্রান্সমিসন সীস্তেম স্ত্রেংথনিং প্রোজেক্ত ফোর ইন্তিগ্রেসন ওফ এদিস্নেল রিন্যুএবল ইনর্জী পোতেন্সিএলগী উরেপ উয়ুংশু তমগনি।

প্রধান মন্ত্রীনা ₹ করোর ৮৫০ চঙনা মেঙ্গলুরুদা শাবা ভারতকী লৈনুংদা লৈবা খ্বাইদগী চাউবা এল.পি.জি. থম্ফম অমা লৈবাক মীয়ামদা খুৎশিন্নগনি। মেত্রিক ৎন ৮০০০০ চনবা ফেসিলিতী অসিনা ভারতকী এল.পি.জি. থম্বগী ইনফ্রাস্ত্রকচরগী মপাঙ্গল হেনগৎহনগনি। প্রোজেক্ত অসিদা ন্যু মেঙ্গলোর পোর্ত্তগী মেন তর্মিনেল ফাওবা শম্নহনবা কিমি ৯.৪ শাংবা এল.পি.জি.গী পাইপ্লাইন অমা য়াওরি। প্রধান মন্ত্রীনা বেঙ্গলুরুদা লৈবা দেবঙ্গোন্তি মার্কেতিং তর্মিনেল ওফ মেঙ্গলোর রিফাইনরী অমসুং পেত্রোকেমিকেল লিমিতেদ (এম.আর.পি.এল.) অমা লৈবাক মীয়ামদা খুৎশিন্নগনি। লুপা করোর ৩৩০ চঙনা শাবা স্তেত ওফ দি আর্ত ফেসিলিতী অসিনা কর্নাতকাগী পেত্রোলিয়মগী পোত্থোক থম্বগী মতিক অমসুং দিস্ত্রিব্যুসন ইনফ্রাস্ত্রকচরগী মপাঙ্গল হাপকনি।

প্রধান মন্ত্রীনা বেঙ্গলুরুগী হরালাকুন্তেদা লৈবা গেলগী কম্প্রেস বাইওগ্যাস প্লান্ত অমগী উরেপ উয়ুং তমগনি। প্লান্ত অসিনা ক্লীন কম্প্রেস বাইওগ্যাস তন ১২.৬ নুমিৎ খুদিংগী পুথোকপা ঙম্নবা ম্যুনিসিপাল সোলিদ ৱেস্তকী চাউরাকপা তন ৩০০ প্রোসেস তৌগনি। প্রোজেক্ত অসিনা সাইন্তিফিক ৱেস্ত মেনেজমেন্ত খুমাং চাউশিলহনগনি, হৌজিক শিজিন্নরিবা ফুএলগী মখা পোনবা হন্থহনগনি অমসুং হেন্না শেংবা অমসুং সস্তেনেবল ওইবা অকোয়বগী ফিভম অমা লৈহনগনি।

প্রধান মন্ত্রীনা অমৃত ভারত স্তেসন স্কিমগী মখাদা নৌনা শাবা রেলৱে স্তেসন মরি: চমরাজনগর, চিক্কমঙ্গলুরু, সক্লেশপুর অমসুং সুব্রহ্মনিয়া রোদ শঙ্গাগনি। নৌনা শেমগৎলবা স্তেসনশিং অসিনা পেসেঞ্জরগী খুদোংচাবা হেনগৎহনগনি অমসুং সিতী সেন্তর ওইনা মথৌ তৌগনি অমসুং মফম অসিদা লোকেল কম্মর্সিএল এক্তিবিতী অমসুং তুরিজম চাউখৎহনগনি।

প্রধান মন্ত্রীনা কিমি ২৮৪ শাংবা গরগ-হোতগী দব্লিং প্রোজেক্তকী শরুক অমা ওইরিবা  কিমি ৪৫ শাংবা বগলকোত- ৱন্দাল রেলৱে লাইন অসিশু লৈবাক মীয়ামদা খুৎশিন্নগনি। সেক্সন অসিনা পেসেঞ্জর অমসুং ফ্রৈত মুবমেন্ত হেনগৎহনগনি, লোকেল ত্রেদতা মতেং পাংগনি অমসুং কুরগী এন.তি.পি.সি. প্লান্ততা কোয়লা য়ৌহনগনি।

প্রধান মন্ত্রীনা সক্লেশপুর-সুব্রহ্মনিয়া রোদ ঘাত রেলৱে সেক্সনগী কিমি ৫৫ শাংবা ইলেক্ত্রিফাই তৌরবা শরুক অসিশু লৈবাক মীয়ামদা খুৎশিন্নগনি। ভারতকী খ্বাইদগী শাথীবা রেলৱেগী লম্বীদা ফাওদুনা চত্তুনা প্রোজেক্ত অসিনা ইঞ্জিনিয়রিংগী অচৌবা মায় পাকপা অমা ওইরি। মসিনা হেক লোইরকপা মতমদা বেঙ্গলুরু মেঙ্গলুরু রেলগী লম্বী অসি মপুং ফানা ইলেক্ত্রিফাই তৌরগনি।

প্রধান মন্ত্রীনা বেঙ্গলুরু-মেঙ্গলুরু-মদগাও বন্দে ভারত এক্সপ্রেস লম্থাগনিউ অমসুং মসিনা বেঙ্গলুরু, কর্নাতকাগী সমুদ্র তোর্বান অমসুং গোৱাগী মরক্তা হেন্না য়াঙবা অমসুং মতমগা চুনবা সর্ভিস লৈহনগনি। সর্ভিস অসিনা মদগাও য়ৌদ্রিঙৈগী মমাংদা হসন, সক্লেশপুর, মেঙ্গলুরু, উরুপী, মুর্দেশ্বর, গোকর্ন অমসুং করৱারগুম্বা মরু ওইবা মফমশিং শম্নহনগনি অমসুং লমদমসিদা লৈবা পেসেঞ্জরশিংদা কান্নবা পীবগা লোয়ননা তুরিজমশু চাউখৎহনগনি।

মৈসুরুদা প্রধান মন্ত্রী

প্রধান মন্ত্রীনা কোস্মোজ-মৈসুরু প্লানেতোরিয়ম শঙ্গাগনি অমসুং মসিনা লৈবাক অসিগী প্লানেতোরিয়ম তেক্নোলোজী অমসুং এস্ত্রোনোমী এজুকেসন্দা মশক থোকপা মায় পাকপা ফংলিবা অসিগী মমি তাহনগনি। ইন্দিয়ন ইন্সতিত্যুত ওফ এস্ত্রোফিজিক্স (আই.আই.এ.)না শাবা কোস্মোজ-মৈসুরু অসি ভারতকী অহানবা এল.ই.দি. দোম প্লানেতোরিয়ম অমা ওইগনি। এস্ত্রোনোমী এজুকেসন অমসুং ত্রেনিং সেন্তর অমা ওইগদৌরিবা মফম অসি চমুন্দি চিংখোঙদা লৈবা মৈসুরু য়ুনিভর্সিতীগী কেম্পস মনুংদা লৈ।

স্তেত ওফ দি আর্ত ফেসিলিতী অসিদা এল.ই.দি. করোর ৪.২না শাবা চাউরাক্না পেনেল ৬১৫০ য়াওবা মীতর ১৫গী তিলত তৌবা দোম অমা য়াওরি। পেসিব দোমদা মমি কাপথোক্নবা প্রোজেক্তর শিজিন্নবা প্লানেতোরিয়ম অয়াম্বদগী খেন্নবা অমা ওইনা মসিগী এল.ই.দি. পেনেলশিং অসি রিএল তাইমদা কন্ত্রোল তৌবা য়াই অমসুং এস্ত্রোনোমী এজুকেসন্দা অনৌবা খুদোংচাবা পীবা ওইনা ইমর্সিব ভিজুএল এক্সপেরিএন্স অমা পীগনি।

স্কাই থিএতর অসিনা প্রোফেস্নেলশিংনা শেম্বা এস্ত্রোনোমী প্রোগ্রাম উৎপগা লোয়ননা মৈসুরু অমসুং এস্ত্রোনোমীগা লৈনবা মরী উৎপা ফিল্মশু উৎকনি। শোশিং অসি কন্নর, ইংলিশ অমসুং হিন্দি লোলদা ফংগনি। সেন্তর অসিদা একজিবিসন হোল, এস্ত্রোনোমী মোদেল অমসুং পোৎলমশিং উৎপা ম্যুজিয়ম, লেকচর হোল, ত্রেনিং সেন্তর অমসুং ইন্তরেক্তিব আউতদোর একজিবিত লৈগনি।

সেন্তর অসিগী থবকশিং অসিনা ইন্দিয়ন ইন্সতিত্যুত ওফ এস্ত্রোফিজিক্সকী রিসর্চ, ভারত অমসুং স্পেস শিনবা থুংবগী মলতি- ৱেবলেংথ তেলিস্কোপ ফেসিলিতী মথৌ পাংথোকহনবা, তুংগী মতমগী এস্ত্রোনোমিকেল ফেসিলিতী শেমগৎপা অমসুং লৈবাক্কী থাক্কী আউতরীচ প্রোগ্রামশিংদা মতেং পাংগনি।

*****