ঙসি ঐহাক রাস্ত্রপতি ফর্দিনান্দ আর.মারকোস জুনিয়রগী চেপাও পীরকপদগী ২০২৬কি নবেম্বর ১৭তা পাঙথোক্কদৌরিবা ২৩সুবা এসিয়ান-ইন্দিয়া সমিৎ অমসুং ২১সুবা ইস্ত এসিয়া সমিত্তা শরুক য়াননবা মনিলাদা চৎপা হৌরে।
এসিয়ান লৈবাকশিংগা ঐখোয়গী মরি অসি ভারতকি এক্ত ইস্ত পোলিশিগী মরুমদা লৈরি অমসুং ঐখোয়গী মহাসাগরগী মিত্য়েংদা মরু ওইবা মফম অমা কল্লি। চহি লিশিং কয়াগী সিভিলাইজেসনগী একচেঞ্জশিংদা য়ুম্ফম ওইবা ঐখোয়গী মরি অসি লল্লোন-ইতিক, কনেক্তিবিতি, মেরিতাইম সেক্যুরিতি, তেক্নোলোজি অমসুং মিগা মিগা মরি লৈনবা দাইনামিক পার্ত্নরশিপ অমা ওইনা হেনগত্লে।
এসিয়ান-ইন্দিয়া সমিৎ অসিদা ঐহাক্না মরুপ লুচিঙবশিংগা লোয়ননা ঐখোয়গী কম্প্রিহেনসিব স্ত্রেতেজিক পার্ত্নরশিপকি প্রোগ্রেসতা য়ুম্ফম ওইরগা চাউখৎপা, কনেক্তিবিতি অমসুং খুঞ্জাও-লৈচাওনবগীদমক ঐখোয়গী সেয়র তৌরবা এসপিরেসনশিংদা মখা তানা খোংজেল য়াংশিহনগনি হায়বগী থাজবা থম্লি।
ইস্ত এসিয়া সমিৎ অসিনা রিজনেল অমসুং গ্লোবেল চেলেঞ্জশিংগী মতাঙদা ৱারি শানবগী মরুওইবা প্লেৎফোর্ম অমা পিরি। ইন্দো-পেসিফিক্তা শান্তি, তংদু লৈতাবা অমসুং তেঙবাং পিনবগী মতাঙদা শরুক য়ারিবা লুচিঙবশিংগা লোয়ননা ৱাখল্লোনশিং পীথোক-পীশিন তৌননবা ঐহাক্না থাজবা থম্লি।
ঐহাক্না ফিলিপিন্সতা লৈরিবা থৱায় য়াওবা ভারতকি মিয়ামগা লোয়ননা ৱারি শানবসু ঙায়জরি, মখোয়গী কন্ত্রীব্যুসনশিংনা ঐখোয়গী লৈবাক অনিগী মরক্তা মরুপ-মপাং ওইবগী মরি অদু চেৎশিলহল্লি।
ঐহাক্না থাজবা থম্লি মদুদি খোঙচৎ অসিনা এসিয়ানগা লোয়ননা ভারতকি পার্ত্নরশিপতা অনৌবা ইনর্জি অমা পিরগনি অমসুং শান্তি লৈবা, নুংঙায় য়াইফবা অমসুং ঙাকথোকপা ঙম্বা ইন্দো-পেসিফিক অমগীদমক ঐখোয়গী অপুনবা ৱাশক অদু হেন্না চেৎশিলহল্লগনি।
***
Will be in Manila, Philippines later today and tomorrow to attend the following programmes: 23rd ASEAN-India Summit. 21st East Asia Summit India attaches immense importance to close friendship with ASEAN nations. I’m also looking forward to interacting with the Indian community based in the Philippines. https://t.co/xmAZDNtrFw
— Narendra Modi (@narendramodi) November 16, 2026