Search

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

প্রধান মন্ত্রীনা ২১শুবা এসিয়া সম্মিত্তা থমখিবা ৱারোলগী মনিপুরী ৱাহন্থোক

প্রধান মন্ত্রীনা ২১শুবা এসিয়া সম্মিত্তা থমখিবা ৱারোলগী মনিপুরী ৱাহন্থোক


য়োর এক্সলেন্সী, রাস্ত্রপতি মার্কোস,

য়োর মেজেস্তী,

এক্সলেন্সীশিং,

খুরুমজরি!
নোংপোক এসিয়া সমিৎ অসি ফজনা শীনবগীদমক ঐনা প্রসিদেন্ত মার্কোসপু থম্মোয় শেংনা থাগৎপা ফোংদোকচরি।
মরুপশিং,
কোবিদ লাইচৎ হৌরকপদগী, মালেম অসিনা খুদোংচাদবশিংগী মথংদা খুদোংচাদবশিং মায়োক্নরক্লি। চয়েৎনবাশিংনা চিঞ্জাক, ফ্যুল, অমসুং ফর্তিলাইজরগী সপ্লাইদা অহেনবা প্রেসর পীরি।
ইন্তর্নেস্নেল ৱাতরৱেজশিংদা শিপশিং অমসুং সমুদ্র চৎপা মীওইশিংবুসু পান্দম থম্লি। তেরোরিজমগী শাথীবা খুদোংথীবগা লোয়ননা সাইবর ফ্রোদ অমসুং ওনলাইন স্কামগুম্বা ঙমখৈ লান্না চত্থবা ক্রাইমগী অনৌবা মওংশিংসু হেনগৎলক্লি।
মরুপশিং,
ঙসি, মালেম অসিনা খ্বাইদগী মথৌ তারিবা অসি শান্তি, স্তেবলিতী, অমসুং মাংজৌননা খঙবা ঙম্বা অদুনি।
চহি কয়াদগী ইস্ত এসিয়া সমিৎ অসি পুন্না থেংনরিবা শিংনবশিং অসিগী সোলুসন পুথোক্নবা অমসুং ম্যুচেল কোওপরেসন মপাঙ্গল কনখৎহন্নবা মরু ওইবা প্লেৎফোর্ম অমা ওইদুনা লাক্লি। ৱারী শানবগী, অমনা অমবু ইকায় খুম্নবা অমসুং মতেং পীনবগী ৱাখল্লোন অসি ভারতকী ফোরেন পোলিসীগী য়ুম্ফম্নি।
এসিয়ানগী অপুনবা অমসুং সেন্ত্রেলিতী অসি ঐখোয়গী এক্ত ইস্ত পোলিসীগী ময়াইদা লৈরি। ঐখোয়না ফ্রী, ওপন, ইনক্লুসিব, অমসুং রুলস-বেজ ইন্দো-পেসিফিক অমগীদমক্তা ৱাশক্লি। য়ুক্রেন ওইগেরা নৎত্রগা নোংচুপ এসিয়া ওইগেরা, ঐখোয়না শান্তিগী মায়কৈদা হোৎনরিবা পুম্নমকপু মখা তানা মতেং পাংগনি।
মরুপশিং,
ঐখোয়গী সমুদ্রশিং অসি ঐখোয় পুন্না চাউখৎমিন্নবগী লাইফলাইনশিংনি। মখোয়গী সেক্যুরিতী অমসুং নেভিগেসনগী নীংতম্বা ফংহনবা অসি ঐখোয় পুম্নমক্কী থৌদাংনি।
মসিগী মাইকৈ অসিদা, ঐখোয়না সমুদ্রগী মীওইশিংগী সেফতী ইনিসিয়েতিব অমা হৌদোক্লি, মদুগী মখাদা ঐখোয়না অপুনবা ত্রেনিং অমসুং ইমর্জেন্সী রেস্পোন্সতা মতেং পীনবা হেনগৎলগনি।
মরুপশিং,
দিজিতেলগী মালেম অসিদা থাজবা অমসুং সেক্যুরিতী লৈহনবা অসিসু চপ মান্ননা মরু ওই। চহি অসিদা ভারত্তা পাংথোকখিবা এ.আই. ইম্পেক্ত সমিৎতা, ঐখোয়না হ্যুমেন-সেন্ত্রিক, ইনক্লুসিব, অমসুং সেফ এ.আই. শেমগৎপদা মিৎয়েং চঙখি। ঐখোয়না দিজিতেল ৱাতর মার্কিংগুম্বা তেক্নোলোজীশিংবু দিপ ফেক অমসুং অরানবা পাউশিং লান্থেংনবগী তঙাইফদবা অদুসু পনখি।
ওনলাইন স্কামশিং থেংননবা ঙসি ফোংখিবা জোইন্ত স্তেতমেন্ত অসি ঐখোয়না তরাম্না ওক্লি।

অসুম্না হেনগৎলক্লিবা খুদোংথীবা অসি নীংথিনা থেংননবা, ঐখোয়না ইস্ত এসিয়া সমিৎ সাইবর ক্রাইম কনফরেন্স অসি ভারতকী নেস্নেল ফোরেন্সিক সাইন্সস য়ুনিভর্সিতীদা পাংথোক্নবা থৌরাং তৌরি।
মরুপশিং,
ঐখোয়গী মরীগী য়ুম্ফম অসি চহি লিশিং কয়াগী মমাংদগী লৈরক্লবা মান্নবা হেরিতেজ অদুদা য়ুম্ফম ওই। ভারতকী লোথলদা শেমগৎলিবা নেস্নেল মেরিতাইম হেরিতেজ কমপ্লেক্সনা অথুবা মতমদা মালেমদা মসিগী শেয়র হেরিতেজ অসি উৎকনি। ঐখোয়গী পুৱারী অমসুং চৎনবীগী মরী অসি হেন্না চেৎশিলহন্নবা, ঐখোয়না লোথলদা ইস্ত এসিয়া সমিৎ মেরিতাইম হেরিতেজ ফেস্তিবেল পাংথোক্লগনি।
মথং চহিদা, ঐখোয়না নালন্দাদা ইস্ত এসিয়া সমিৎ য়ুনিভর্সিতী হেদশিংগী কনক্লেব পাংথোক্কনি। মসিনা এজুকেসন অমসুং রিসর্সকী লমদা ঐখোয়গী মতেং পীনবদা অনৌবা ইনোৎ পীরগনি।
মরুপশিং,
চহি অসিদা, ঐখোয়না পুৱারী ওইরবা ত্রেতি ওফ এমিতি এন্দ কোওপরেসন ইন সাউথ ইস্ত এসিয়াগী ৫০শুবা মপোক কুমওন পালন তৌরি।
চহি ৫০গী মমাংদা, লমদম অসিনা মালেমদা মরুওইবা পাউজেল অমা পীখি, শান্তি, লৈঙাক্লোনগী ইকাই খুম্নবা অমসুং ৱারী শানবগী পাউজেল। ঙসিদি, মসিগী পাউজেল অসি হেন্না মরু ওইরক্লি। ঐখোয়গী অপুনবা তুংলমচৎ অসি লানহৌদুনা শেম্বদা নত্তনা অমগা অমগা ইকায় খুম্নবা অমসুং মতেং পাংনদুনা শেম্বনি।
মসিগী মিৎয়েং অসিগা লোইননা, ভারতনা রিজনেল শান্তি, তংদু লৈতাবা অমসুং অপুনবা চাউখৎপা পুরকপদা থাজবা থমদুনা, এসিয়ানগা লোয়ননা লেপ্তনা লেপমিন্নগনি।
পুম্নকপু থাগৎচরি!

***