Search

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

সোসিয়েল জস্তিস অমসুং এম্পাৱরমেন্তকী দিপার্তমেন্টতল সম্মিত লোইশিনবগী সেসনদা প্রধান মন্ত্রীনা চীয়রমেন ওইদুনা শরুক য়াখ্রে

সোসিয়েল জস্তিস অমসুং এম্পাৱরমেন্তকী দিপার্তমেন্টতল সম্মিত লোইশিনবগী সেসনদা প্রধান মন্ত্রীনা চীয়রমেন ওইদুনা শরুক য়াখ্রে


প্রধান মন্ত্রী শ্রী নরেন্দ্র মোদীনা ঙসি অঙনবা শরুক্তা সুষমা স্বরাজ ভবনদা পাঙথোকখিবা সোসিয়েল জস্তিস অমসুং এম্পাৱরমেন্টকী দিপার্তমেন্টতল সম্মিতকী লোইশিনবগী সেসনদা চেয়রমেন ওইদুনা শরুক য়াখ্রে।

সম্মিত অসিদা তোঙান-তোঙানবা রাজ্যশিং অমসুং য়ুনিয়ন টেরিটোরিশিংগী মন্ত্রীশিং অমসুং অৱাংবা থাক্কী ওফিসিয়েলশিংনা অমত্তা ওইনা পুনশিন্নদুনা খুন্নাইদা মীপুম খুদিংমকপু কোনশিনবা হেনগৎহনবা, নাম্ম-শোইরবশিংবু শক্তি পীবা, নিশা শিজিন্নবা থিংবা অমসুং মীয়াম্না শরুক য়াবগী অনৌবা পাম্বৈশিংগী মতাংদা কুপ্না খন্ন-নৈনখি।

প্রধান মন্ত্রীনা সম্মিত অসিদা পাঙথোকখিবা পাক-চাউনা খন্ন-নৈনখিবশিংবু থাগৎখি অমসুং সম্মিত অসিদগী ফোঙদোরকপা ৱাফমশিং অমসুং থবক ওইনা পাঙথোক্কদবা পান্দমশিংনা সেন্তর অমসুং রাজ্যশিংগী মরক্তা লৈরিবা অমত্তা ওইবা পান্দম অদুবু উৎলি হায়না ফোঙদোকখি। রাজ্য অমনা অমগী এক্সপেরিয়েন্স অমসুং অনৌবা থৌরাংশিংদগী তমশিন্নদুনা কম্পিতিতিব অমসুং কোওপরেতিব ফেদেরেলিজমগী ৱাখল্লোন্না থবক ওইনা পাইখৎপদা লমজিংগদবনি হায়না মহাক্কী ৱাফম থমখি।

জন ভাগিদারিগী মরুওইবগী মতাংদা পল্লদুনা, প্রধান মন্ত্রীনা হায়খি মদুদি মমা-মপাশিংগী মরক্তা নাম্ম-শোইরবশিংগী চাউখৎ-থৌরাং অমসুং অঙনবা মতমদা মসি খঙদোকপগী মরুওইবগী মতাংদা ৱাখল তাহনবদা খুন্নাইগী শরুক য়াবনা অচৌবা থৌদাং লৌবা ঙমগনি। মহাক্না হায়খি মদুদি চিংনবা, খুন্নাইগী অরানবা ৱাখল্লোনগী অকিবা অমসুং ৱাখল তাদবনা মরম ওইদুনা অয়াম্বা মতমদা মমা-মপাশিংনা মখোয়গী অঙাংশিংগী ওইরিবা ফিবম খঙদোকপা নত্ত্রগা মতম চানা মতেং লৌবদা অপনবা পী। খুন্নাইদা য়ুম্ফম ওইবা খোঙথাং অমনা মমা-মপাশিংগী চিংনবা কোকহনবদা মতেং পাংবা ঙমগনি অমসুং অঙনবা মতমদা লাইয়েংবা অমসুং মতেং লৌবা  য়াহনগনি হায়না মহাক্না ফোঙদোকখি। ৱাখল তাহন্নবগীদমক অনৌবা পাম্বৈশিং শিজিন্ননবা, মরুওইনা মীয়াম্না লাইনা খঙবা ঙমগদবা মওংদা মরুওইবা পাউজেলশিং য়ৌহন্নবা টেক্নোলোজি শিজিন্ননবা মহাক্না আপিল তৌখি। নহা ওইরিবা ইনোভেটরশিংবু চত্থোক-চৎশিন তৌবা, লাইনা ফংবা ঙমহনবা অমসুং শান্ন-খোৎনবা অমসুং নুমিৎ খুদিংগী থবক-থৌরমশিংদা শরুক য়াবা হেনগৎহন্নবগীদমক অহোংবা মমলদা ফংবা মতেং পাংনবা খুৎলাইশিং পুথোক্নবা পুক্নিং থৌগৎনবগীদমক রাজ্যশিংনা ষ্টার্ট-অপ কম্পিটিসনশিং শীনবা য়াই হায়না মহাক্না পাউতাক পীখি।

নশা মুক্ত ভারত অভিয়ানগী মতাংদা খন্নবদা, প্রধান মন্ত্রীনা হায়খি মদুদি নিশা শিজিন্নবা থিংনবগী হোৎনরিবশিং অসি চৎনবী ওইনা পাঙথোকপা থৌরমশিংগী ৱাংমদা চৎকদবনি। নহাশিংগী মরক্তা ৱাখল তাহন্নবা অমসুং খুন্নাইগী ওইনা পাক-শন্না শরুক য়াহন্নবা পুক্নিং থৌগৎনবগীদমক এসে-রাইতিং, দিবেত, ৱারী-ৱাতাই শান্নবগী কম্পিতিসনশিং অমসুং অতোপ্পা থৌরমশিংগী খুত্থাংদা স্কুলশিংবু শরুক য়াহন্নবা মহাক্না পাউতাক পীখি। নিশাগী লাংদা থুরুরবা মতুংদা মায় পাক্না ফগৎলক্লবা মীওইশিংগী এক্সপেরিয়েন্সশিং মীয়ামদা ফোঙদোকপগী মরুওইবসু মহাক্না থমখি।

লৈবাক পুম্বগী ওইবা খোঙথাং অমা লৌখৎপদা অকনবা ৱাফম থম্লদুনা, প্রধান মন্ত্রীনা নশা মুক্ত ভারত অমা ওইহন্নবা হোৎনরিবশিংদা খুন্নাই, স্পিরিচুয়েল ওর্গানাইজেসনশিং, এজুকেস্নেল ইনষ্টিট্যুসনশিং অমসুং মন্ত্রালয়শিংনা হেন্না শরুক য়ানবা আপিল তৌখি। খুন্নাই পুম্বনা ঈহৌ অসিদা থৱায় য়াওনা শরুক য়ারকপা মতম খক্তদা তুং কোইনা চৎকদবা লমচৎ-শাজৎকী অহোংবা পুরকপা ঙমগনি হায়না মহাক্না ফোঙদোকখি।

প্রধান মন্ত্রীনা অমুক হন্না ফোঙদোকখি মদুদি সেন্তর অমসুং রাজ্যশিং অসি লৈবাক্কী ওইবা অপুনবা পান্দম অমগী পার্তনরশিংনি, অমসুং সম্মিত অসিদা উৎখিবা অপুনবা থৌদাং অসিবু কম্পিটিটিভ অমসুং কোওপরেটিভ ফেদেরেলিজমগী ৱাখল্লোন্দা মখা তানা পুখৎকদবনি, মসিনা মীপুম খুদিংমকপু কোনশিনবা অমসুং শক্তি লৈবা বিকসিত ভারত অমা শেমগৎপদা মতেং পাংগনি।

*****