Search

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

প্রধান মন্ত্রীনা লৌমীশিংগী নুংঙাই য়াইফবা অমসুং ভারতকী খুঙ্গংশিং মপাঙ্গল কনখৎনবগী লৌখৎলিবা থৌরাংশিংগী মতাংদা আর্তিকল অমা লান্থোকখ্রে


প্রধান মন্ত্রী, শ্রী নরেন্দ্র মোদীনা ঙসি হৌখিবা চহি 12 অসিদা লৈবাক অসিদা পুথোকচবা তিকাশিং চাউখৎলকপনা শা-শন অমসুং য়েন-ঙানুশিং লৌনগনবা লাইনাশিংদগী ঙাকথোকপদা মরু ওইবা থৌদাং করম্না লৌরিবগে হায়বদু পল্লিবা কেন্দ্রগী মন্ত্রী শ্রী শিবরাজ সিংহ চৌহন্না ইবা আর্তিকল অমা লান্থোকখ্রে। হোৎনরিবশিং অসিনা শা-শনগী হকশেল ঙাকথোকপদা, লাইনানা মরম ওইদুনা মাঙজবা হন্থহনবদা, লৌমীশিংগী শেন্থোক হেনগৎহনবদা অমসুং লৌউ-শিংউ তৌবা মীয়ামগী পুন্সি মহিংগী থাক ফগৎহনবদা মতেং পাংলি।

শ্রী মোদীনা ফোঙদোকখি মদুদি লৈবাক অসিদা শাজবা তিকাশিং চাউখৎলকপা অসিনা শা-শনগী হকশেলগী লমদা ভারতকী হেনগৎলক্লিবা তৌবা ঙম্বগী শক্তি অমসুং অখাং কনবা অমদি মরোমদোম লেপচবা ঙম্বা লৌউ-শিংউগী ইকোসিস্তেম অমা শেমগৎনবগী ফিরেপ অদুবুসু উৎলি।

শ্রী মোদীনা X তা পোস্ত তৌখি;

হৌখিবা চহি 12 অসিদা লৌমী ইচিল-ইনাওশিংগী চাউখৎ-থৌরাং অমসুং খুঙ্গংগী ভারতপু মপাঙ্গল কনখৎহন্নবগী মাইকৈদা পুৱারী ওইরবা খোঙথাং কয়া লৌখৎখ্রে।

কেন্দ্রগী লৌউ-শিংউ অমসুং লৌমীশিংগী য়াইফ-থৌরাংগী মন্ত্রী @ChouhanShivraj জীনা মহাক্কী আর্তিকল অসিদা লৈবাক অসিদা শাজবা তিকাশিং চাউখৎলকপনা শা-শন অমসুং উচেক-ৱায়াশিংবু লৌনগনবা লাইনাশিংদগী ঙাকথোকপদা করম্না মতেং পাংলিবগে হায়বদু মরিক চুম্না ফোঙদোক্লে। মসিনা লৌমীশিংগী শেন্থোক হেনগৎহনবতা নত্তনা মখোয়গী পুন্সি মহিংসু হেন্না ফগৎহল্লে অমসুং লাইথোকহল্লে।

***