ପିଏମଇଣ୍ଡିଆ

କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଆଜି ସନ୍ଧ୍ୟାରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ସହିତ ଟେଲିଫୋନ ଯୋଗେ କଥାବାର୍ତ୍ତା କରିଛନ୍ତି ।

ଉଭୟ ନେତା ପାରସ୍ପରିକ ସ୍ଵାର୍ଥ ଜଡିତ ପ୍ରସଙ୍ଗଗୁଡିକ ଉପରେ ମତ ବିନିମୟ କରିଥିଲେ । ବିଶେଷକରି ଜଳବାୟୁ ପରିବର୍ତ୍ତନ ସମସ୍ୟା ନେଇ ଆଲୋଚନା ହୋଇଥିଲା । ପ୍ୟାରିସ ରାଜିନାମାକୁ ଆଗକୁ ବଢାଇବା ଦିଗରେ ଭାରତର ପ୍ରତିବଦ୍ଧତାକୁ ପ୍ରଧାନମନ୍ତ୍ରୀ ମୋଦୀ ଦୋହରାଇଥିଲେ ।

ପ୍ରଧାନମନ୍ତ୍ରୀ କାନାଡା ମହାସଂଘର 150 ତମ ବାର୍ଷିକୀ ପାଳନ ଅବସରରେ ପ୍ରଧାନମନ୍ତ୍ରୀ ଟ୍ରୁଡୋଙ୍କୁ ଅଭିନନ୍ଦନ ଜଣାଇଥିଲେ । କାନାଡା-ଭାରତ ଦ୍ଵିପାକ୍ଷିକ ସମ୍ପର୍କରେ ବହୁଧା ଅଗ୍ରଗତି ଏବଂ ଏହି ପ୍ରକ୍ରିୟାରେ ସ୍ଥିରତା ପାଇଁ ପ୍ରଧାନମନ୍ତ୍ରୀ ବେଶ ସନ୍ତୋଷ ପ୍ରକାଶ କରିଥିଲେ ।

ଦୁଇ ଦେଶ ମଧ୍ୟରେ ସଂପର୍କକୁ ଆହୁରି ନିବିଡ କରିବା ଲାଗି ଆବଶ୍ୟକ ସହଯୋଗ ଓ ଯୋଗସୂତ୍ରକୁ ବଜାୟ ରଖିବା ସକାଶେ ଉଭୟ ନେତା ସହମତ ହୋଇଥିଲେ ।