ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা সেপ্তেম্বর ১৭, ২০১৭তা গুজরাৎকী কেবদিয়াদা শাবা সরদার সরোবর দাম জাতিদা কৎথোক্কনি ।

দাম অসিগী অৱাংবা হৌজিক্কী ওইনা ১৩৮.৬৮ মীতর ফাওবা হেনগৎখ্রে, মসিনা স্তোরেজ মিলিয়ন একর ফিৎ (এমএএফ) ৪.৭৩গী কান্নবা ফংলে । মসিদগী লোন্নরিবা রাজ্যশিং গুজরাৎ, রাজস্থান, মধ্য প্রদেশ অমসুং মহারাষ্ট্রনা য়াম্না কান্নবা ফংলগনি ।

প্রোজেক্ত অসিনা নর্মদা তুরেলগী ঈশিংবু পাক চাওরবা কেনেল অমা অমদি পাইপলাইন নেৎৱর্ক্কী খুথাংদা গুজরাৎকী ঈশিং তাংবা মফমশিংদা পুবদা মতেং ওইরগনি । প্রোজেক্ত অসিগী খুথাংদগী ইথৈ-লৌখোংগীদমক্তা লৌমী লাখ ১০ রোম্না কান্নবা ফংবগী থাজবা থম্লি অমসুং তোঙান তোঙানবা খুঙ্গং অমসুং তাউনশিংদা থক্ননবা ঈশিংগী অৱাৎপা কোকহনবা ঙম্লগনি, মসিদগী মীওই কোতি ৪ রোম্না কান্নবা ফংবগী থাজবা থম্লি । প্রোজেক্ত অসি ঈশিং পীননবা মীওইবনা হোৎনবশিংগী মনুংদা খৱাইদগী চাওবা ওইনা লৌনরি । মসিদগী চহি খুদিংগী হাইদ্রোপৱার বিলিয়ন অমা ফাওবা পুথোকপগী থাজবা থম্লি ।

দাম মফমদগী, প্রধানমন্ত্রীনা সাধু বেত্তা চৎকনি, মফম অদুদা অপুনগী শক্তম, মমিং চৎলবা শক্তম অমা অমসুং সরদার বল্লবভাই পতেলগী নীংশিং খুবম অমা লৈ, মদু হৌজিক শেমগৎলি । প্রধানমন্ত্রীনা প্রোজেক্ত অসিগী থবক-থৌরমগী খোংজেল য়েংশিনগনি । প্রোজেক্ত অসিদা মীতর ১৮২ শাংবা শক্তম, এগজিবিসন হোল অমা, নীংশিং খুবম অমা অমসুং ভিজিতর সেন্তর অমা য়াওরি ।

প্রধানমন্ত্রীনা নর্মদা মহোৎসবকী লোইশিনবা থৌরমদা শরুক য়াগনি অমসুং দাভোইদা মীয়ামগী মীফম অমদা ৱা ঙাংগনি । মহাক্না থৌরম অদুদা নেস্নেল ত্রাইবেল ফ্রিদম ফাইতর্স ম্যুজিয়মগী উরেপ-উয়ুং তমগনি ।

মতুংদা প্রধানমন্ত্রীনা অমরেলীদা চৎকনি । মফম অদুদা এপিএমসিগী অনৌবা বাজার য়ার্দ অমা শঙ্গাগনি । মহাক্না অমর দাইরীগী অনৌবা প্লান্তশিং শঙ্গাগনি অমসুং হোনী প্রদক্সন সেন্তরগী উরেপ-উয়ুং তমগনি । মহাক্না অমরেলীদা সহকার সম্মেলন্দা ৱা ঙাংগনি ।