ভারতকী প্রধানমন্ত্রী

মফম অসি পিকপনা মরম ওইদুনা অতোপ্পা কাদশু মশিং য়াম্লবা মীয়ামশিং ফমলি হায়বা ঐহাক তাবা ফংজরে । অখোয়বুসু ঐহাক্না ইকায় খুম্নবগা লোইননা নিংশিংজরি ।

ঙসি অসি সেপ্তেম্বরগী ১১নি । ২০০১গী মমাংদা মালেমনা ৯/১১গী মরুওইবা অসি খংলমদে । মালেমগী মরাল নত্তে, মসিবু কাওথোকলুবা ঐখোয়গী ইরালনি, ঐখোয়না কাওথোকলমদ্রগদি ২১শুবা চহিচাগী শাথিরবা ৯/১১ থোকলমলোয় । চহি ১২৫ মমাদা ৯/১১ অমা লৈখ্রে, নুমীৎ অদুদা নখোয়গী চহিগা মান্নবা ভারতকী নহা অমনা, চহি ৫-৭ খেৎনরম্বা য়াই । চাংচৎতা নখোয়গা চহি মান্নবা গেরুৱা মচুগী ফিজোল শেৎলদুনা মালেমনা ফি রোল অদু মশক ফাওবা খংদ্রিবা । মালেমনা মহাকপু মীনাই ভারতকী মীহুৎ ওইনা উরম্মী । অদুবু মহাক্কী আত্মাবিশ্বাস অদুনা মীনাই ওইবগী মমী অদু উবা ফংখিদে, মহাক্কী থৌগৎলোনদা য়াওখিদে, মহাক্কী ৱাহৈদা য়াওখিদে । মসি ময়ামগা মান্নদবা থৌদোক অমনি । ঐখোয় ইশানা খল্লি মদুদি ঐখোয়গী মায়কৈ মরিমক্তা নেগতিব ওইবা মতমদা, ঐখোয়গী ৱাখলগী ওন্ন তৈনবদা চৎলকপা, মায়কৈ মরিমক্তা মখোল থোকলকপা অমসুং করিগুম্বা ঐখোয়না ৱা ঙাংবা তারগদি কয়া য়াম্না অকিবা ওইগনি । ঙাংলিবা অদু লান্না লৌখিরোইদরা হায়না মরিরক খনগনি । অসিগুম্বা প্রেসর অমা ওইরকই অথোইবা মীশক অসিগী করি পাঙ্গলননো খংদে প্রেসর অসি কৈদৌনুংদা মঙোন্দা ফাওখিদে । মনুংগী মৈ, মনুংগী থৌজাল, মনুংগী আত্মবিস্বাস মালেমগী থৌনাবু মশক খংবা মীওই অসিনা মালেমবু মতেং পিনবা, অচুম্বা লম্বী তাক্নবা, সমস্যাশিংগী ৱারোইশিন পুরক্নবা লম্বী পিনবা মায় পাক্না হোৎনখি । মালেমনা খংবা ফাওবা খংলমদে মদুদি লেদিজ অমসুং জেন্তলমেন নত্তবা অতোপ্পা ৱাহৈ লৈরমবা য়াই । অমসুং মতম অদুদা ব্রদর্স এণ্ড সিস্তর্স ওফ অমেরিকা ৱাহৈ অনি অসি হায়খিবগা মিনিত কয়া খুবাক্কী মখোলনা নিল্লমী । মদুগী ৱাহৈ অনি অদুনা ভারতকী অদুগুম্লবা থৌনা অদু মহাক্না মশক তাকখি । মদু ৯/১১দনি । মহাক অদুনা মশাগী তপস্যানা ইমা ভারতকী খোংনা কোইরবা মতুং মহাক অদুনা ইমা ভারত্তা মশা লুপখিবা । অৱাংদগী খা নোংপোক্তগী নোংচুপ, লোন খুদিংমকপু ময়েক খুদিংমকপু মহাক অদুনা খংখিবা । অমরোমদা ভারত ইমাগী জাদু তপস্যাবু মশা মনুংদা ফংখিবা । অসিগুম্বা অথোইবা মীশক অদুনা মীকুপ অমা অনিদা মালেম পুম্ববু মশাগী মায়কৈদা চিংশিনখি । চহি লিশিং কয়াদগী চাওখৎলবা তোঙান তোঙানবা মীওইবগী সংস্কৃতিবু মহাক্না মশারোমদা চিংশিনদুনা মালেমবু মশাগী ওইবা খুদম পিখি । মালেমবু খুদুম চনখি । ৯/১১গী নুমীৎ অদু ঐগীদমক্তদি মালেমবু জয় তৌবা নুমীৎনি অমসুং ২১শুবা চহিচাগী ৯/১১ অদুনা মীওইবগী মাংনবা লম্বী ওইখি ।

অদোম্না কুপথনা য়েংলগদি বিবেকানন্দজীগী মায়থোং অনি উবা ফংগনি । মালেমগী মফম অমদা চৎখিবদা, ৱারি শান্নবগী তঞ্জা ফংবা মতমদা মফম অদুদা য়াম্না থাজবগা লোইননা, য়াম্না পুক্নিং মকা লাম্না ভারতকী চৎন লোনচৎকী মরমদা ঙাংবদা চোকথবা নাইখিদে । লেপ্পা নাইখিদে, করিগুম্বদা চমম্নবা থোকহনখিদে । মদুনা বিবেকানন্দগী শক্লোন অমনি অমসুং অতোপ্পা শকলোন অদুনা ভারতকী মনুংদা ৱা ঙাংবা মতমদা ঐখোয়গী ফৎতবশিং মীমাং পুমাং খংদনা ঙাংখি । ঐখোয়গী মনুংদা লৈরিবা পাংদবা অদু ফহল্লমী অমসুং শিজিন্নখিবা ৱাহৈশিং অদু ঙসিশু অঙকপা অমা ওইগনি । মসিনা সমাজকী ফৎতবা পুম্নমক্তা খোঞ্জেল কন্না ঙাংলম্মী । মতম অদুগী সমাজকী ফিভম অদু য়েংবিয়ু রিচুয়েলগী মগুন্ য়াম্না ৱাংলম্মী, পুজা পাথ, চৎন লোনচৎ, সমাজ পুন্লিগী প্রকৃতি ওইরম্মী । মতম অদুদা চহি ৩০গী নহা অমনা, অসিগুম্বা তঞ্জা অদুদা হায়ররে লাই নিংদুনা মন্দিরদা ফমদুনা লৈবনা ইশ্বর ফংবা ঙমলোয় । মীওইবগী সেবানা ইশ্বরগী শেবানি, চৎলো প্রজাশিং লাইরবগী মতেং পাংলুচো মতম অদুদা ইশ্বর ফংবা ঙমগনি… কয়াদা মথৌনা লৈরিবা । মালেমগী অতৈ মফমদা চৎলগনা ভারতকী অফবা ৱাফমশিং ঙাংবা অদুবু ভারত্তা লাক্লগনা ভারতকী মনুংদা লৈরিবা ফৎতবশিংদা অকনবা ৱাফম থমলম্বা অদুগুম্বা মীশক । মহাক লাইনিংবা জাতনি অদুবু মপুন্সিদা কৈদৌনুংদা গুরু থিবা থোকখিদে । মসি খংজনিঙাই অমসুং তমনিঙাই ওইবা ৱাফমনি । মহাক্না গুরু থিবা চৎখিদে । মহাক্না অচুম্বা থিরম্মী । ইমুং মনুংদা শেল থুমগী অৱাবা লৈরম্মী । রাম কৃষ্ণ মা কালিগী মনাক্তা থারম্মী । চৎলো নহাক্না অপাম্ব অদু মা কালিদগী নিজরুচো অদুগা করি নিরকপগে হংবদদি করিমত্তা নিরক্তে হাইরকখি । কালীগী মমাদা ফাওবা করিমত্তা নিদবা করম্বা মখলগী মীওইনো । ঐখোয়গী সমাজতা লৈরিবা ফত্তবশিংগী মায়োক্তা ঐখোয়না লেপলোয়দরা । অমেরিকাগী লৈবাক লৈহাওদা বিবেকানন্দজীনা ব্রদর্স এণ্ড সিস্তর্স ওফ অমেরিকা হায়খি । ঐখোয় ইশানা ঙরাওবা ফাওখি । অদুবু ঐখোয়গী লৈবাক মক্তদা ঐখোয়না নুপীশিংবু ইকায় খুম্নবরা । ঐখোয়না নুপীশিংবু ইকায় খুম্ননা য়েংখিবা লৈবরা লৈরমলগদি মখোয়বু ঐহাক্না ১০০মরক হন্না খুরুমজরি । অদুবু মশাগী মনুংদা মী ওইনা ওবা ঙমদবা মখোয় অদু মীওইবা করিনো খংদে । মসিশু ইশ্বরগী লিলা অমনি । ৱাখল্লোন অসি লৈতবা অদুনা স্বামিজীগী অদুগুম্লবা ৱাফম ব্রদর্স এণ্ড সিস্তর্স ওফ অমেরিকাদা খুবাক খুবগী হক লৈব্রা লৈতব্রা । ঐখোয়না ৫০রক হন্না খনগদবনি ।

প্রজাগী সেবানা প্রভুগী সেবানি হায়বিরম্বা বিবেকানন্দগী ৱাফমদা ঐখোয়না করিগুম্বা কান্দা খনথখিবা লৈব্রা । ভারতনা মীখা পোল্লীঙৈ মতমদা থৌদোক অনিনা মালেমদা মশক তাকখি, অমনা রবিন্দ্রনাথ তেগোরনা নোবেল প্রাইজ ফংলকপা মতম অমসুং স্বমী বিবেকানন্দজীগী ৯/১১গী ৱারোলনি । অমসুং অনিমক বঙ্গালগী মচা ঙাক্তনি । ঐহাক্কী লৈবাক্কী রবিন্দ্রনাথ তেগোরনা শ্রীলঙ্কাগী জাতিগী ইশৈশু মহাক্না ইবিরম্মী, ভারতকী জাতিগী ইশৈশু মহাক্না ইবিরম্মী, বঙ্গলাদেসকী জাতিগী ইশৈশু মহাক্না ইবিরম্মী হায়না হায়বা ফংজবদা কয়াদা চাওথোকচবা ফাওরিবা । ঙসিদি ভারত অসি মালেমদা নহাগী লমদম অমনি । লৈবাক অসিদা মীওই মিলিয়ন ৮০০দি বিবেকাজীগী অদুগুম্লবা চহি অদুনি মদুনা মহাক্না চিকাগোদা ৱা ঙাংখিবা । লমদম অসিগী মীশিংগী চাদা ৬৫দি বিবেকানন্দগী চহি অদুদগী তাথবা নহাশিংনি মরম অসিনা বিবেকানন্দজীনা করম্না থবক তৌরম্মী, মহাক পাউতাক পিবা মীওই খক্তা ওইখিদে । মহাক্না আইদিয়াবু আইদেলিজমদা ওন্থোকখি অমসুং আইদেলিজম অমসুং আইদিয়াশিংগী কম্বিনেসন তৌদুনা ইন্সতিট্যুস্নেল ফ্রেমৱার্ক শেমখি । ঙসিদগী চাওরাক্না চহি ১২০ মমাংদা শক্নাইরবা মীশক অসিনা রামকৃষ্ণ মিশন হৌদোকখি । বিবেকানন্দ মিশন হৌদোকখিদে । রামকৃষ্ণবু হৌদোকখি । অপিকপা ৱাফম ওইরবশু ৱাখল লৈবশিংদি ইঙ্গিৎনা য়ারে অমসুং মহাক্না রামকৃষ্ণ মিশনবু ৱাখল্লোন অদুদা হৌদোকখি । ঙসি চহি ১২০ মতুংদা ফাওবা শেরান্নবা ওইদ্রি মায়কৈ ওনখিদ্রি । অসিগুম্বা সংস্থান অমবু মতৌ করম্না মহাক্না চেৎনা শেমগৎখি । য়ুমফম অদু কয়া য়াম্না কল্লমগনি । মীৎয়েং অদু কয়া য়াম্না শেংলমগনি ।

ঐনা মফম অসিদা লাকপদা বন্দে মাতরম, বন্দে মাতরম, বন্দে মাতরম হায়না কন্না লাওবা তাবা ফংলম্মী । তু চুংবা ফাওরম্মী । থমোয়নুংদা ভারত নিংবগী ৱাখল্লোন ফাওখি । ঐহাক্না হিন্দুস্থানদা হংলি ঐখোয়না বন্দে মাতরম হায়বগী হক লৈরিব্রা । ঐহাক্না খংই মদুদি ঐহাক্কী ৱাফম অসি তারগা মীওই কয়া অমদি নুঙাইতবা ফাওরমগনি । ঐহাক খংই ৫০রক হন্না খনবিয়ু, ঐখোয়না বন্দে মাতরম হায়বগী হক লৈরিব্রা । মীওই কয়া অমনা ক্বা চাদুনা ভারত ইমাগী মতম্বাক্তা মহি কামথোক্লি অদুগা বন্দে মাতরম হায়রিবা । ঐখোয়না ফৎত হাওদি ভারত ইমাগী মতম্বাক্তা লংথোক্লি অদুগা বন্দে মাতরম হায়রিবা । লৈবাক অসিদা বন্দে মাতরম হায়বগী অহানবা হক লৈরিবা মীওইদি লৈবাক শিনবা থুংনা লু নানবগী থবক তৌরিবা ভারত ইমাগী অদুগুম্লবা মচাশিং অদুনি । ঐখোয়না শিৎ শেং তৌগেরা তৌরোইগেরা মোৎশিনহনবগী হক ঐখোয়দা লৈতে । গঙ্গাদা ঐখোয়না ইকায় খুম্নৈ, গঙ্গাদা ইরুপ্পদা পাপ কোকই । নহা পুম্নমক্কী ৱাখলদা মমা মপাবু গঙ্গাদা অমুক্তং পুদুনা ইরু লুজহনিংবগী অপামবা লৈ অদুবু গঙ্গাবু মোৎশিনবদগী ঐখোয়না থিংবা ঙম্লব্রা । ঙসিসু বিবেকানন্দা লৈরম্বা তারগদি ৱাফম অসিগীদমক ঐখোয়বু চৈগদ্রা চৈরোইদ্রা । ঐখোয়না হকচাং ফনা লৈরিবা অসি কনাগুম্বা অমনা অমোৎ অকায় শেংদোক্লি । দাক্তরদগী হেন্না মহকপু ইকায় খুম্নবা উৎলবা মতমদা বন্দে মাতরম হায়বগী নুঙাইবা অদু ফংবা ঙমগনি । মরম অদুনা ঐহাক্না হঞ্জিন হঞ্জিন নিংশিংলি মদুদি ঐহাক্না অমুকখক হায়খি অহানবদা অমাংশিং মথংদা লাইশং । মীওই কয়ানা ঐহাক্কী ৱাফম অদু য়ানিংখিদে । অদুবু ঙসিদি লৈবাক অসিগী অদুগুম্বা নুপীমচাশিংনা অমাংশং লৈত্রবদি লুহোংলোয় হায়রকপদা ঐহাক নুঙাইবা ফাওই । বিবেকানন্দনা মালেমদা ফোংদোকখি মদুদি ঐখোয়গী চৎনলোনচৎকী মমাংদা নখোয়গী চৎনলোনচৎ অদু করিশু নত্তে । করি চাগনি, করি চারোই, মসি ঐহাক্কী লৈবাক্কী সংস্কৃতি চৎনলোনচৎ অদু নত্তে, মদুদি ঐখোয়গী ওর্দরগী সরুক অমনি । চহি কয়াগী লাইনিদুনা পুথোরকপা পোৎশিং অদু লৈবাক অসিগী মীওই খুদিংমক্তা খর খরদি য়াওরি । মরম অদুনা নিদুনা চাবা লৈবাক ওইরবসু পুক্নিং লোশিংদি থন্না য়াওরি । কনাগুম্বা অমা লাকপা মতমদা হায়নৈ পিরিবা মীওই অদুগীশু অফবা ওইসনু পিরমদবা মীওই অদুগীসু অফবা ওইসনু । মরম অসিনা স্বামি বিবেকানন্দজীগী মায় পাকপগী মরু ওইবা মরমদি মহাক্কী মনুংদা অত্ম সমান অমসুং অত্ম গৌরবকী মগুন য়াওরম্মী । ঐখোয়না করি হায়রিবগে হায়বদু ঐখোয়না করিগুম্বা মতমদা খনখিবা লৈব্রা । অফবা মফম অমদা ঐখোয়না চৎলশি, মহৌশিগী নিংথিরবা ফজবনা থল্লবা, লু নানবা ওইরসনু, য়াম্না ফজবা ওইরগদি চিনবানদগী করি ৱাহৈ হান্না থোরকপগে.. মসিদি হিন্দুস্থান মান্দে, মসিমক হায়বরা হায়দবরা । মসিমক ওইবরা ওিদবরা হায়বিয়ু । করিগুম্বা পুক্নিংদা থাজবা পুক্নিংদা চাওথোকচবা লৈরগদি মসিগী ৱাখল্লোন অসি লাক্লোই, ঐখোয়গী লৈবাক্তসু অসুম্না তৌই অসিম্না লৈ হায়না চাওথোকচবা ফাওগনি । ঐহাক্না মেক ইন ইন্দিয়া হায়বা মতমদা মীওই কয়ানা মসিগী মায়োক্তা লেপ্পা মীওইশু লৈরি । কনাগুম্বা খরনা হায়রি মেক ইন ইন্দিয়া নত্তে মেদ ইন ইন্দিয়া পাম্মী । মতৌ অসুম্নসু হায়রি অফাও অফাওবা মকোক লৈরবশিংনা অপিক অপিকপা ৱাফমশিং পুথোরক্কনি । অদুবু মখোয়না খংগদবদি বিবেকানন্দা অমসুং জমসেদজী তাতাগী মরক্তা শিন্নখিবা ৱারি অদু করিগুম্বা মখোয়না খংবা ঙমলগদি । বিবেকজী অমসুং জমসেদজী তাতাগী মরক্তা ইন্নখিবা ৱাফম অদু উবা য়াওরগদি খংবা ঙমগনি মদুদি মতম অদুদা হিন্দুস্থান অসি মীনাই ওইরম্মী । মতম অদুদা বিবেকানন্দ চহি ৩০গী নহানা জমসেদজীগুম্বা মীওইদা হায়রি । মদুদি ভারত্তা ইন্দস্ত্রী লিংখৎলুনে । মেক ইন ইন্দিয়া ওইহল্লুনে । অমসুং জমসেদজী তাতা মশামক্না ইরম্মী, ইশানা হায়রি মদুদি বিবেকানন্দজীগী ৱাফম অদুনা, ঐহাক্ক থৌনা ওইখি । মদুনা মরম ওইরগা ঐহাক্না ভারতকী মনুংদা ভারতকী ইন্দস্ত্রী লিংখৎনবা চৎখি । অদোম্না অঙকপা ফাওগনি ঐখোয়গী লৈবাক্তা অহানবা এগ্রিকলচর রিভোলুসন বিবেকানন্দজীগী ৱাখল্লোন্না পুথোরকপনি মদুদি ভারত্তা কৃষি ক্রান্তি মতৌ করম্না পুরক্কনি অমসুং অহানবা এগ্রিকলচর রিভোলুসনগী মরুওইবা মীশক্নি খন্নরিবা দাক্তর সেন্না মসিগী ইন্সতিট্যুত অসি লিংখৎখি অমসুং ইন্সতিট্যুত অদুগী মমিং বিবেকানন্দা এগ্রিকলচর রিসার্স ইন্সতিট্যুসন হায়না মমিং থোনখি । মদুনা তাকপদি হিন্দুস্থানদা লৌউববু মোর্দন ওইহনবা মথৌ তাই, সাইন্তিফিক রিসার্সনা ওইহনগদবনি মসিগী ৱাখল্লোন অসি বিবেকানন্দজীনা চহি অদুদা হায়রম্মী ।

ঐখোয়গী লৈবাক্তা স্কিল দিবলপমেন্ত অনৌবা হিরম নত্তে অদুবু হান্নদি দিপার্তমেন্তশিংদা ইচাই চাইনা তাদুনা লৈরম্মী মপু পানলমদে । পুনিংবা মায়কৈদা পুদুনা চৎলম্মী । ঐহাক্না লাকপগা মসিগী স্কিল দিবলপমেন্ত অসিবু মফম অমদা পুরক্তুনা মসিগী তোঙানবা মন্ত্রালয় শেমগৎলে তোঙানবা দিপার্তমেন্ত শেমগৎলে অমসুং ফোকস ৱেদা স্কিল দিবলপমেন্তনা নহাশিংবু থৌরাং তৌদুনা কনাগীশু মখাদা তাংদুনা লৈতনবা হোৎনরে । ঐহাক্কী লৈবাক্কী নহাশিংনা থবক থিবা নত্তবা থবক পিবা ওইহনগদবনি । ঐহাক্কী লৈবাক্কী নহাশিং নিদুনা হিংবা নত্তবা পিথোকপা ওইগদবনি । মরম অসিনা ঙজি বিবেকানন্দগী ৱাখল্লোনবু নিংশিংলুবদা ইনোবেসনগী ৱাফম নিংশিংলকই । ঙসি ভারত সরকারনা স্তার্ত অপ ইন্দিয়া, স্তেন্দ অপ ইন্দিয়াগী খোংজং চংশিল্লি গরেন্তি য়াওদনা পৈশিং ফংলি। ঐহাক্না পাম্লিবদি ঐহাক্কী লৈবাক্কী নহোশিংনা ঐহাক্কী লৈবাক্কী সমস্যাশিং কোকহন্নবা অনৌবা ইনোবেসন অনোবা পোৎথো পুথোক্তুনা মীয়ামগী নাক্তা চৎপিয়ু হিন্দুস্থান অসি য়াম্না চাওবা কৈথেলনি । ঐহাক্কী লৈবাক্কী ৱাকল্লোন অমসুং মতেং অদু ঙাইরি । অমসুং বিবেকানন্দজীনা নোলেজ অমসুং স্কিলবু তোঙান তোঙান খায়দোকপিরম্বা অদু মতমগী অপাম্বনি ৱাখল্লোন অদুগী মতুং ইন্না স্কিলদা মায় ওনশিল্লশি । অহিং অমদা ফংবা ঙমলোয় মাংলোমদা চংশিনশি । মদুগী মহৈ অদু নহাক্না উবা ফংগনি । ইলোবেসনবু ঐখোয়না ঐখোয়গী নিতী আয়োগকী মতেংনা অতল ইনোবেসন মিসন এপপ চৎথরি । মদুগা লোইননা অতল তিন্করিং লেব মদুনা লৈবাক্কী অপিক অপিকপা অঙাংশিং মখল অসিগী ইনোবেসন তৌবশিং অদুদা পুক্নিং তৌগৎনবা খোংথাং পায়খৎলি । মখোল থোক্তবা খোংথাংনি অদুবু চৎথরি । অমসুং মবুদ্ধী মরৌশিং লৈবা অঙাংশিংংনা অনৌ অনৌবা পোৎশিং পুথোক্লি । প্রনবদানা রাষ্ট্রপতি ওইবা মতমদা ঐহাক্না রাষ্ট্রপতি ভবনদা অমুকখক মহাক্না লৈবাক্কী মফম কয়াদগী অসিগুম্বা অঙাংশিংবু কৌরম্মী ১২-১৫ লাকলম্মী । মখোয়না মশা মশাগী ইনোবেসনগী পোৎশিং পুদুনা লাক্লম্মী মদুদা প্রনবদানা ঐঙোন্দা ইঙ্গিত তৌদুনা অঙাংশিং অদুগা উন্ননবা খংহল্লকখি । ঐহাক অঙকপনা থল্লমী মখোয় অঙাং ১২ ১৫মুক্নি মখোয়গী মনুংদা তংখায় অমদগী হেনবানা পোৎশিংবু ইনোবেসন তৌদুনা পুরক্লম্মী অমসুং মখোয় অদু ক্লাস ৮ ৯ ১০গী অঙাংশিংনি । ফৎতবা অমোৎ অকায় ৱেস্তপু মতৌ করম্না বেস্ততা ওন্থোক্কনি হায়বা প্রোজেক্ত পুনা লাকখি য়েংবিয়ু স্বস্থ অভিয়ানগী করি মমী তারে হায়বদু । মখোয়না ফৎত হাওদিশিংনা করি শেম্বা য়াবগে হায়বা পোৎতু পুদুনা লাকখি । ঐহাক্না হায়জনিংবদি মনুংদা হোৎনবা লেপতে । অমসুং মদুদা ঐখোয়না খনথবা মথৌ তাই ঙসি মালেম অসিদা মীরৈবাক্কী চৎন লোনচৎকী মতাংদা ৱারি তৌরি । স্বিমি বিবেকানন্দজীনা মতম অদুদা হায়খিবা ৱাফম অদু ঙসিদি চহি ১২০গী মতুংদা মালেমগী মাংদা লাক্লে । মহাক্না হায়খি ৱান এসিয়া, ৱান এসিয়াগী কন্সেপ্ত পিখি অমসুং ৱান এসিয়া কন্সেপ্তকী মতেংনা মহাক্না হায়খি মদুদি মালেম অসি অৱাবনা কোইশিল্লবা মতমদা মদুবু লম্বী তাক্নবা পাঙ্গল অদু ৱান এসিয়াদা লৈগনি । ঙসি মালেমনা হায়রি মদুদি ২১শুবা চহিচা অসি এসিয়াগীনি কনাগুম্বা অমনা হায়রি চিনাগীনি কনাগুম্বা অমনা হায়রি ভারতকীনি অদুবু মসিদা চেৎনিঙাই লৈতে মদুদি ২১শুবা চহিচা অসি এসিয়াগী মতমনি । অমসুং মরম অসিনা অনৌবা মতম অসিদা ঐকোয়না বিবেকানন্দবু নিংশিংবা তাই মহাক্না ইন্তরপ্রিনরশিপ্পু চাওখৎহন্নবা ৱাফম থমলম্মী মহাক্কী ৱাফম খুদিংদা ভারতপু মশি মতোমতা লেপচনবাগীদমক এগ্রিকলচর রিভোলুসনগী ৱাফম থম্বা মতমদা নাকল অমদা ইনোবেসনগী ৱাফম থমলম্মী অদুগা অহুমশুবদা ইনন্তরপ্রিনরশিপকী ৱাফম থম্লম্মী । অমসুং সমাজকী মনুংদা লৈরিবা ফৎতবশিং অদুগী মায়োক্তা থেংননবা ৱাফমশু থমলম্মী । শোক্না শম্নবা য়াদবগী মায়োক্তা মহাক্না ঙাংলম্মী, শোক্না শম্নবা য়াদবা অসি অঙাওবনি হায়রম্মী, থাক ৱাংবা নেমবগী ৱাফমবু অঙাওবনি হায়রম্মী অসুক য়াম্বা ৱাফম অসি হায়বিরম্বা অথোইবা মীওই অদুনা অসুক য়াম্না পিখিবা ঙসি দীনদয়াল জীগী মপোক নুমীৎ পাংথোক্লি মতম অদুদা মহাকশু অহোংবা পুরক্নবা ৱা ঙাংলম্মী । মহাত্মা গান্ধিনানশু হায়বিরম্মী করিগুম্বা ৱারেপ অমা লৌবা মতমদা সমাজকী অরোইবা কাচিনদা ফমলিবা মহাক অদুগীশু কান্নবা ফংগদ্রা ফংলোইদ্র হায়বদু য়েংবিয়ু । অদোমগী ৱারেপ অদু চুমগনি ।

হৌখিবা নুমীৎ খরনি মমাংদা নহারোল খরনা প্রোগ্রাম অমা পাংথোকখি প্রোগ্রাম অদুদি অতলজীগী মতমদা গোল্দন চতুস্কোন শেমখিবা অদুদা ত্রাবেলিং তোবনি, সাইকল পুদুনা চৎখি অমসুং রিলে রেস পাংথোকখি মখোয়না চাওরাক্না কিলোমীতর ৬০০০ সাইকলদা রিলে রেস তৌনা তৌনা চৎথখি । মখোয়গী অফবা মন্ত্র লৈরম্মী, মখোয়না হায়রম্মী মদুদি ফোল্লো দি রুল এণ্ড ইন্দিয়া ৱিল রুল । ঐখোয় লৈবাক অসিগী প্রজা কোতি ১২৫না মসি খক্তং তৌশি ফোল্লো দি রুল অদু ওইরগদি বিবেকানন্দজীগী মংলান ঐহ্ক ভারতনা মালেমগী মকোক ওইরক্কনি হায়বদু মশি মথন্তা ইন্দিয়া ৱিল রুল ওইরক্লগনি অদুবু ঐখোয়না রুল অদু ফোল্লো তৌবা তাই । অদুবু ঐহাক্কী নহারোলশিং স্বমি বিবেকানন্দনা হৌদোক্লমবা রামকৃষ্ণ মিসন অদু ২০২২দা চহি ১২৫ ফারক্লগনি । ২০২২ অসি ভারতকী নি তমবা ফংখিবগী চহি ৭৫ শুরনি । ঐখোয়না ৱারেপ অমা লৌবা য়ারে । অমসুং ৱারেপ অদু ঐহাক্কী পুন্সিগী ওইগদবনি । ঐহাক্না মসি পাংথোক্কনি হায়না লেপ্পিয়ু অমসুং মতম অদুদা হিংবগী মহাও থোক্কনি । মরক মরক্তা ঐখোয়গী লৈবাক্তা মসি ঙাংনৈ মদুদি কোলেজ য়ুনিবর্সিতীগী মহৈরোইশিংনা য়ুনিবর্সিতীগী প্রসিদেন্তকী ফম পায়দুনা লাক্লগা মীখল থেংনদুনা নেতা ওইরকই । ঐখোয়গী য়ুনিবর্সিতিশিংদা মীখল লোইখিবা মতুং মথংগী নুমীৎতা অদোম্না য়ুনিবর্সিতী অমা হেক্তদা চৎপিয়ু, মফম অদুদা করি ওইরম্বগে য়েংবিয়ু । করি ওইরি.. অদুগা বন্দে মাতরম ছাত্রগী সংস্থানশিংনা য়ুনিবর্সিতিগী মীখলগীদমক কেম্পেন তৌবা মতমদা লু নানবদা অখন্নবা মীৎয়েং থমগদবনি । নুপীশিংবু ইকায় খুম্নবা মীওইশিং অদু খক্তনা স্বামি বিবেকানন্দগী এদ্রেসকী অহৌবা ৱাহৈ পরেং “ব্রদর্স এণ্ড সিস্তর্স ওফ অমেরিকা”গী মগুন খংবা ঙমগনি । হৌখ্রবা মতমদা তাওদুনা লৈবা মহাক অদু নহারোল ওইনা লৌবা য়ারোই । অদুবু হৌখ্রবা ৱাফমগী অফবা অদুগা লোয়ননা মাংলোমদা হয়েংগীদমক চৎলিবা মহাক অদু নহারোলনি হায়না লৌগনি । অদুগুম্বা নহাগী ৱাখল্লোন অদু থমোয়নুংদা থমদুনা মাংলোমদা চংশিনবদা মহাক্কী ৱারেপ অদুগা লোইননা চংশিন্নবা ৱাখল্লোনগা লোইননা ঙসি দীনদয়ীল উপাধয়জীবু ঙসি ইকোক নোনজরি, স্বিমি বিবেকানন্দজীবু ইকোক নোনজরি, শ্রীমান বিনোবা ভাবেজীবু ইকোক নোনজরি অমসুং ঐহাক্কী লৈবাক্কী নহোরোলশিং পুম্নমকপু য়াইফ পাওজেল পিজরি ।

থাগৎচরি!