ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি ওইল এন্দ নেচরেল গ্যাস কোর্পোরেসন – ওএনজিসিদা পন্দিৎ দীনদয়াল উপধ্যায়গী মপোক কুমওনগা মরি লৈননা শিংনবা অমগীদমক পাউজেল পীখ্রে। প্রধানমন্ত্রীনা সৌভাগ্যা য়োজনা হৌদোকপগী থৌরম অমদা ওএনজিসিগী ওফিসরশিং অমসুং স্তাফশিংগী মফমদা ৱা ঙাংলদুনা প্রধানমন্ত্রীনা ইলেক্তিক শিজিন্নদুনা চাক থোংবা য়াগদবা ইলেক্ত্রিক্কী লৈরং (স্তোব) অমা শানবগী মাইকৈদা থবক তৌনবা খঙহনখি।

প্রধানমন্ত্রীনা হায়খি মদুদি অনৌবা খোংথাং অসিনা স্ত্রোক অমদা, জাতিগী পুসিল্লকপা ফুএলদা মপান তাংবদা অচৌবা শাফু অমা পীগনি। মহাক্না হায়খি মদুদি মালেম্না ইলেক্ত্রিক কারশিং পুথোক্নবগী মাইকৈদা থবক তৌনরিবা অসিদা, ভারত্তা, ইলেক্ত্রিক কারশিংগা লোইননা, ইলেক্ত্রিক্কী স্তোবশিংনা মীয়ামগী মথৌ তাবশিং মপুং ফাহনবদা তুং কোইনা কান্নবা পীগনি। মহাক্না লম অসিদা থবক হৌনবা ওএনজিসিদা স্তার্ৎঅপশিং অমসুং নহারোলশিংবু পাউজেল পীনবা খঙহনখি।