ভারতকী প্রধানমন্ত্রী

এমইদিইএফ (মৌবমেন্ত দেস ইন্তর্প্রাইজেস দে ফ্রান্স)কী প্রসিদেন্ত শ্রী পিয়র গত্তাজনা ঙসি প্রধানমন্ত্রী নরেন্দ্র মোদীগা উনখ্রে।

প্রধানমন্ত্রীনা এপ্রিল ২০১৫দা চৎকিবা মহাক্কী ফ্রান্সকী খোংচৎ অদুবু নীংশিংখি, খোংচৎ অদুদা মহাক্না ফ্রান্সকী ব্যুজিনেস লীদর কয়ামরুমগা ৱারি শানখি অমসুং ভারত অমসুং ফ্রান্সকী মরক্তা মতম কয়াদগী লৈবাক অনিগী ওইবা মরি অসিবু চেৎশিনহন্দুনা লাক্লিবা লৈবাক অনিগী ব্যুজিনেস লীদরশিংগী মমল নাইদ্রবা থৌদাংশিং অদুবু শিংথাখি ।

শ্রী গত্তাজনা প্রধানমন্ত্রীদা ভারত অমসুং ফ্রান্সকী মরক্তা লৈরিবা চাওখৎলক্লিবা ত্রেদ অমসুং ইনবেস্তমেন্তকী মরিগী মতাংদা পাউদমখি।

প্রধানমন্ত্রীনা হায়খি মদুদি ফ্রান্স অসি ভারতকী মকোক থোংবা ফোরেল দাইরেক্ত ইনবেস্তমেন্তকী হৌরকফম ১০গী মনুংদা অমনি অমসুং ফ্রান্সকী কম্পেনীশিংবু ভারত্তা ললোন ইতিক তৌবগী ফিভম ফগৎহনবদা অমসুং ইনবেস্তমেন্তকী খুদোংচবাশিং লৌননবা পাউজেলখি।