ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি জম্মু অমসুং কশ্মীরগী লাইন ওফ কন্ত্রোল মনাক্তা লৈবা গুরেজ ভেল্লীদা ভারতকী লান্মী অমসুং বিএসএফকী জৱানশিংগা লোইননা দীৱালী পাংথোকখ্রে। মহাক মফম অদুদা পুং অনিরোম লৈখি। মসি প্রধানমন্ত্রীনা জৱানশিংগা লোইননা ঙমখৈদা লেপ্তনা পাংথোকপা মরিশুবা দীৱালীনি।

প্রধানমন্ত্রীনা অথুম-অহাও য়েন্থোকখি অমসুং জৱানশিংগা খুদোলপোৎ কয়া পীনখি।

জৱানশিংদা ৱা ঙাংলদুনা প্রধানমন্ত্রীনা হায়খি মদুদি পুম্নমক্কুম্না মহাকসু মহাক্কী ইমুং মনুংগা দীৱালী পাংথোকমিন্নবা পাম্মি। মহাক্না হায়খি মদুদি মরম অদুনা মহাক্না মহাক্কী ‘ইমুং-মনুং’ ওইনা খল্লিবা আর্ম ফোসেসকী জৱানশিংগী মনাক্তা লাক্লিবনি।

প্রধানমন্ত্রীনা হায়খি মদুদি মহাক আর্ম ফোর্সেসকী জৱানশিংগা লোইননা মতম লেনমিন্নবা অসিদা মঙোন্দা অনৌবা ইনর্জী ফংই। অরুবা ফিভম কয়াদা মখোয়না লৌরিবা থৌদাং অমসুং কৎথোকপা অদুগীদমক মহাক্না থাগৎখি।

প্রধানমন্ত্রীনা হায়খি মদুদি জৱানশিংনা চাং নাইনা য়োগ শান্নরি হায়না মঙোন্দা তম্মি। মহাক্না হায়খি মদুদি মসিনা মখোয়গী তৌব-ঙম্বগী থৌনা শোইদনা হেনগৎহনগনি লোইননা ইংথবগী ৱাখল্লোন পোকহনগনি।

থৌরম অদুদা লান্মীগী মকোক জেন. বিপিন রাৱৎ অমসুং অতৈ মকোক থোংবা লান্মীগী ওফিসর কয়াসু শরুক য়াখি।

ভিজিতরগী বুক্তা প্রধানমন্ত্রীনা ইখিঃ

“ইমা লৈবাকপু ঙাক-শেনবা, অদোমগী নুংশিজরবশিংদগী লাপ্না, কৎথোকপগী থাক ৱাংলবা চৎনবী অদুবু উৎথোকপা, লৈবাক্কী ঙমখৈদা লান্মী পুম্নমক্না লৈরিবা অসি থৌনা ফবা অমসুং কৎথোকপগী খুদমশিংনি।

ঐনা নখোয়গা লোইননা দীৱালী পাংথোকমিন্ননবগী তাঞ্জা অমা ফংজরে। অসিগুম্বা কুম্মৈগী থৌরম অসিদা ঙমখৈদা লান্মীশিংনা লৈরিবা অসিনা আশাগী মঙাল অদু চুখৎলি অমসুং ভারতকী মীওই কোতি কয়াদা অনৌবা থৌনা পীরি।

“অনৌবা ভারত”কী মংলান মংফাওনহনবা, মসি ঐখোয় পুম্নমক্না অমত্তা ওইনা পুন্না থবক তৌমিন্ননবগী তাংলবা তাঞ্জা অমনি। লান্মীসু মসিগী শরুক অমনি।

পুমন্মক্তা দীৱালীগী য়াইফ-পাউজেল পীজরি।”