ভারতকী প্রধানমন্ত্রী
প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা এনসিতিইগী অয়াবা য়াওদনা তিচর এদুকেসন চৎথবা থেংনরিবা অদুগুম্বা সেন্ত্রেল/স্তেত/য়ুনিবর্সিতীশিং অদুদা রেত্রোস্পেক্তিব রিকোগনিসন গ্রান্ত তৌনবা নেস্নেল কাউন্সিল ফোর তিচর এদুকেসন (এমেন্দমেন্ত) এক্ত, ২০১৭ হায়না খংন্নবা নেস্নেল কাউন্সিল ফোর তিচর এদুকেসন এক্ত, ১৯৯৩ অদু এমেন্দ তৌনবা পর্লিয়ামেন্তদা বিল অমা পুথোকপদা মসিগী ওইবা অয়াবা পিখ্রে ।
এমেন্দমেন্ত অসিনা একাদমিক ইয়ার ২০১৭-২০১৮ ফাওবদা এনসিতিইগী অয়াবা য়াওদনা তিচর এদুকেসন কোর্স চৎথরিবা সেন্ত্রেল/স্তেত/ য়ুনিয়ন তেরিতোরিশিংনা শেল থাদরিবা ইনস্তিত্যুতশিং/ য়ুনিবর্সিতীশিং অদুদা রেত্রোস্পেক্তিব রিকোগনিসন গ্রান্ত তৌনবা হোৎনরি । রেত্রোস্পেক্তিব রিকোগনিসন অসি অমুক খক্তংগী ওইবা খোংথাংদা পিগনি মদুনা মসিগী ইনস্তিত্যুতশিং অসিদা পাস তৌরবা/ এনরোল তৌরবা মহৈরোইশিংগী তুংদা জিওপর্দাইজ ওইদে হায়বা অদু শেংহল্লগনি ।
এমেন্দমেন্ত অসিনা মসিগী ইনস্তিত্যুতশিং/ য়ুনিবর্সিতীশিং অসিদা তম্লিবা মহৈরোইশিং নত্রগা হান্ননা মসিদগী পাস তৌখ্রবশিংদা ওজা অমা ওইনা থবক তৌবা য়াহল্লগনি । মথক্তা পনখিবা কান্নবশিং অসি ফংনবা মীৎয়েং অমগা লোইননা, দিপার্তমেন্ত ওফ স্কুল এদুকেসন এণ্ড লিতরেসি, মিনিস্ত্রী ওফ হ্যুমেন রিসোর্স দিবলপমেন্তনা মসিগী এমেন্দমেন্ত অসি পুখোকপনি ।
বি.এদ অমসুং দি.ইএল.এদ অসিনচিংবা তিচর এদুকেসন কোর্সশিং চৎথরিবা ইনস্তিত্যুসন পুম্নমক এনসিতিইগী সেক্সন ১৪গী মখাদা নেস্নেল কাউন্সিল ফোর তিচর এদুকেসনদগী রিকোগনিসন ফংলগনি । মখা তানা অসিগুম্লবা রিকোগনাইজ তৌরবা ইনস্তিত্যুতশিং/ য়ুনিবর্সিতীশিংগী কোর্সশিং এনসিতিইগী সেক্সন ১৫গী মখাদা অয়াবা পিরগনি ।
এনসিতিইনা সেন্ত্রেল য়ুনিবর্সিতীশিং অমসুং/ স্তেত য়ুনিবর্সিতীশিং/ দিস্ত্রিক্ত ইনস্তিত্যুতস ওফ এদুকেসন এণ্ড ত্রেনিং (দিআইইতি)শিংদা তিচর এদুকেসন কোর্সশিং হৌনবগীদমক মাংজৌননা অয়াবা লৌবা অসি তৌদবা য়াদবা অমা ওইনা লেগেল প্রোবিজনশিং শেমনবা মখোয়দা ইদুনা খংহনখ্রে অমসুং এনসিতিইগী অয়াবা য়াওদনা কোর্স অমা চৎথরিবা অসিগুম্বা ইনস্তিত্যুসন/ য়ুনিবর্সিতী লৈরগদি এনসিতিইদা খংহন্নবা পাস্ত ইশুশিংগী ৱান-তাইম রিজোলুসন অমগীদমক্তা মখোয়দা ৩১-০৩-২০১৭ ফাওবগী মতম পিখ্রে ।
য়ুমফম:
এনসিতিই এক্ত, ১৯৯৩ অসি ১৯৯৫গী জুলাই ১দা চৎনহনখি অমসুং জম্মু অমসুং কাশ্মিরগী রাজ্য খক্তা নত্তনা লৈবাক শিনবা থুংনা চৎনরি । এক্ত অসিগী মরু ওইবা পান্দমদি তিচর এদুকেসন সিস্তেম প্লান তৌরবা অমসুং কোওর্দিনেতেদ দিবলপমেন্ত ফংনবা, হায়রিবা সিস্তেম অসিদা রেগুলেসন অমসুং নোর্মস অমসুং স্তেন্দর্দশিংগী প্রোপর মেন্তিনেন্স শোয়দনা ফংহনবা এনসিতিই অমা লিংখৎপা ঙমহনবনি । এক্ত অসিগী ওবজেক্তিবশিং ফংনবা ওইনা, তিচর এদুকেসন কোর্সশিং শকখংনবগীদমক্তা অমসুং শকখংলবা ইনস্তিত্যুতশিং/ য়ুনিবর্সিতীশিংনা গাইদলাইনশিং কমপ্লাইন্স তৌনবা এক্ত অসিদা তোঙানবা প্রোবিজনশিং শেমলে ।
