ভারতকী প্রধানমন্ত্রী

মিস্তর জোয় কন্সেপ্শিয়ন

চিয়ারমেন, এসিন বিজিনেস এদভাইজরি কাউন্সিল;

এক্সেলেন্সিশিং;

ইচল ইচে অমসুং মরূপ মপাংশিং!

ঐহাক্না অহৌবমক্তদা থেংখিবগীদমক ঙাকপিনবা হায়জরি । রাজনিতীগী মতৌগুম বিজিনেসতশু মতম অমসুং মতম শিজিন্নবা অনিমক য়াম্না মরু ওই । অদুবু করিগুম্বা মতমদা ঐখোয়না ফন কন্না হোৎনরবশু ঐখোয় করিগুম্বা অমত্তা পাংথোকপা ঙমদে । ঐহাক্না ঐহাক্কী ফিলিপ্পিনগী অহানবা খোংচৎ অসিদা মনিলাদা থুংলকপা অসিদা নুঙাইবা ফাওই ।

ভারত অমসুং ফিলিপ্পিনগী মরক্তা মান্নবা কয়া অমা লৈরি:

• ঐখোয় অনিমক্কী প্লুরলিস্তিক সোসাইতিশিং অমসুং ভাইব্রেন্ত দেমোক্রেসিশিং লৈরি ।

  • ঐখোয়গী ইকোনোমী অসি মালেমদা য়াম্না থুনা চাওখৎলক্লিবা ইকোনোমীশিংনি ।

  • ইনোভেতিব অমসুং ইন্তরপ্রাইজিং ওইবা অদুগুম্লবা ঐখোয়গী অচৌবা নহাশিং অমসুং এসপ্রিং পোপুলেসন লৈরি ।

  • ভারত্তা লৈরিবা অদুগুম্না ফিলিপ্পিনগী সর্বিসেস পৱার হাউস অমা লৈরি ।

অমসুং ভারতকুম্না ফিলিপ্পিনদশু সরকারনা অহোংবা পুরকপা পাম্লি, ইনক্লুসিব গ্রোথ, দিবেলপ ইনফ্রাস্ত্রকচর, অমসুং শেঞ্জা থুমজা থেংনবা পাম্লি । ঐখোয়গী মকোক থোংলবা আইতি কম্পেনি কয়া অমা মফম অসিদা ইনভেস্ত তৌরি । মখোয়না থবক লিশিং কয়া পিরি অমসুং ফিলিপ্পিন সর্ভিস সেক্তরবু মালেম শিনবা থুংনা প্রমোত তৌরি ।

মরূপশিং,

ঙসি অয়ুক এসিন সম্মিত হৌদোকপগী থৌরম অদুদা ঐখোয়না রমায়নদা য়ুমফম ওইবা ফজরবা জগোয় ইশৈ রামহরি য়েংখ্রে । মসিদা উৎলি মদুদি মতৌ করম্না পুৱারি ওইবা মওংদা ভারত অমসুং এসিন লৈবাকশিংনা অমনা অমগা মরি লৈনরি । মসি পুৱারি ওইরবা মরি অদু খক্তা নত্তে । মসি লিভিং সেয়ার্দ হেরিতেজ অমনি । ঐহাক্কী সরকারগী ঐক্ত ইস্ত পোলিসীনা রিজন অসুবু ঐখোয়গী মতেংগী সেন্তর ওইনা থম্লি । এশিন রিজনগী লৈবাক খুদিংমক্কা লোয়ননা অখোয়গী অখন্নবা অফবা পোলিতিকেল অমসুং পিপল–তু–পিপলগী মরিশিং থম্লি । ঐখোয়না ঐখোয়গী ইকোনোমীক অমসুং বিজিনেস রিলেসনশিংবু থাক অসিদা পুরক্নবা হোৎনরি ।

মরূপশিং,

মমাংদা ওইখিদ্রিবা স্কেল অমদা ভারতপু অওনবা পুরক্নবা থবক চৎথরি । ঐখোয়না অরাইবা, এফেক্তিব ওইবা অমসুং ত্রান্সপরেন্ত ওইবা গোবর্নান্স য়াওবা অফবা গোবর্নান্স অমা পুরক্নবা অহিং নুংথিল খংদনা থবক তৌরি ।

খুদম ওইনবগীদমক ঐখোয়না তেলেকোম স্প্রেক্তম, কোল মাইনশিং অমসুং অতোপ্পা মিনরেলশিং অমদি প্রাইভেত রেদিও চেনেলশিং ফাওবা য়াওনা নেচরেল রিসোর্সশিংগীদমক ঐখোয়না ওপন ওক্সন হৌদোক্লে । মসিনা রেভেন্যুদা চাওরাক্না য়ুএস দোলর বিলিয়ন ৭৫ পুন্না খোমগৎলে । তেক্নোলোজী শিজিন্নদুনা ঐখোয়না ইথৌদাং হেঙ্গৎহল্লি অমসুং দিসক্রিয়েসন অমসুং শেঞ্জা থুমজা হন্থহল্লে । ঐখোয়না ফাইনান্সিয়েল ত্রাঞ্জেক্সনদা ঐখোয়গী য়ুনিক আইদি সিস্তেম শিজিন্নরি অমসুং মসিগী মহৈ অদু উবা হৌরে । খোংথাংশিং অদিদা হাই ভেলু নোতশিং চৎনহনখিদবনা ঐখোয়গী ইকোনোমীগী অচৌবা শরুক অমা ফোর্মেলাইজিং তৌবদা মহৈ ফংলে । ইনকম তেক্স রিতর্ন ফাইল তৌরকপা অনৌবা তেক্স থিবা মীওইগী মশিং হেঙ্গৎলে । ঐখোয়না লেস কেস ইকোনোমীগী মায়কৈদা চংশিনবদগী চহি অমদা দিজিতেল ত্রাঞ্জেক্সন চাগা ৩৪ হেঙ্গৎলে ।

ঐখোয়না প্রগতি কৌবা অনৌবা ফ্রেম-ৱার্ক অমা হৌদোক্লে মদুনা প্রো এক্তিব গোবর্নান্স অমসুং মতম চানা ইমপ্লিমেন্ত তৌবদা শিজিন্নগনি । মদুগী মখাদা ঐহাক্না লৈবাক অসিগী ওফিসিয়েলশিংগা লোয়ননা ভিদীও কনফরেন্সকী খুথাংদা প্রোজেক্ত ইমপ্লিমেন্তেসন রিভ্যু তৌবা অমসুং পব্লিক গ্রিভান্সশিং চুমথোকপা ঙমহল্লে । মিনিমম গোবর্নমেন্ত অমসুং মেক্সিমম গোবর্নান্সতা পুক্নিং থৌগৎলদুনা চহি অহুমদা অরিবা আইন ১২০০ মহুৎ শিন্দোকখ্রে ।

বেঙ্করপ্তসী অমসুং ইনসোলভেন্সিগীদমক অনৌবা আইনশিং অমসুং ইনস্তিত্যুসনশিং শেমগৎলে লোয়ন লোয়ননা আইপিআর অমসুং অর্বিত্রেসন্না হৌজিক মহুৎ শিল্লে । ইনভাইরোনমেন্তেল ক্লিয়ারেন্সকী মথৌতাবা অদুদগী হ্বাইত ইন্দস্ত্রী ৩৬ লৌথোক্লে । কম্পেনি অমা ইনকোর্পোরেত থৌবা অসি হৌজিক্তি নোংমগী থবক ওইরে । ঐখোয়না ইন্দস্ত্রীয়েল লাইসেন্সিং লাইথোকহল্লে অমসুং ইনভাইরোনমেন্তকী ওইবা অমসুং ফোরেস্ত ক্লিয়ারেন্সকীদমক ওনলাইন এপ্লিকেসন প্রোসেস হৌদোক্লে । খোংথাংশিং অসিনা অনৌবা বিজিনেস হৌদোকপদা লাইথোকহল্লে । রিজল্তশিং অদু হেক উবদা খংলে ।

ভারতনা চহি অসিদা ৱার্ল্দ বেঙ্ক ইজ ওফ দুইং বিজিনেস ইন্দেক্সতা মফম ৩০ হায়গৎলে । মসি চহি অসিদা লৈবাক অমগী মফম খ্বাইদগী হায়গৎপা ওইরে অমসুং ভারতকী লোং তর্ম রিফোর্ম ত্রাজেক্তোরিগী শকখংবিবা অমা ওইরে । 

অমসুং মালেম অসিনা মসিদা পুক্নিং চংলি:

– ৱার্ল্দ ইকোনোমীক ফোরমগী গ্লোবেল কম্পিতিতিবনেস ইন্দেক্সতা হৌখিবা চহি অনিদা ঐখোয়না মফম ৩২ হায়গৎলে ;

– চহি অনি অসিদা ঐখোয়না ৱিপোগী গ্লোবেল ইনোভেসন ইন্দেক্স অদুদশু মফম ২১ হায়গৎলে ।

– ৱার্ল্দ বেঙ্ককী ২০১৬কী লোজিস্তিক্স পর্ফোমেন্স ইন্দেক্স অদুদা ঐখোয়না মফম ১৯ হায়গৎলে;

মরূপশিং,

হৌজিক ঐখোয়গী ইকোনোমীগী অয়াম্বা শরুক এফদিআইগীদমক হাংদোক্লে । এফদিআই সেক্তরগী চাদা ৯০ হেনবদি মশা মতোমতা এপ্রুভ তৌবগী লম্বীদা লৈরে । মমাংগী চহি অহুমগা য়েংনবদা চহি অসিদা ঐখোয়না এফদিআই চাদা ৬৭ হেন্না ফংলে । হৌজিক ঐখোয় গ্লোবেল্লি ইন্তেগ্রেতেদ ইকোনোমী ওইরে । চহি অসিগী জুলাইদা ঐখোয়না লৈবাক শিনবা থুংনা গুদ্স এণ্ড সর্বিস তেক্স চৎনহল্লে । মসি লৈবাক শিনবা থুংবদা স্তেত লেবেল অমসুং সেন্ত্রেল লেভেল তেক্সেসকী পাক চাওনা পায়খৎপা অমনি । মসি অপিকপা এচিবমেন্ত নত্তে । মতম অদুমক্তদা ঐখোয়না চাওনা থাজবা থমখি মদুদি মসিনা মতিক চাবা ওইদ্রি । চহি অসিগী অগষ্ট ফাওবদা ইন্দিয়ান বেঙ্কশিংদা অসিগুম্বা একাউন্ত মিলিয়ন ২৯০ হাংদোকখ্রে । কেস লেস ত্রাঞ্জেক্সন লাইনা পাংথোকপা ঙমহন্নবা রুপে কার্দ চাওরাক্না মিলিয়ন ২০০ ইশু তৌখ্রে । লাইরবশিংদা বেঙ্ককী খুদোংচাবা ফংহনবনা সরকার মনুংদা শেঞ্জা থুমজা ত্রেক তৌবদা অচৌবা থৌদেং অমা লৌরি । হৌজিক্তি লাইরবশিংগা সবসিদী অদু মখোয়গী একাউন্তশিংদা দাইরেক্ত বেনেফিত ত্রান্সফরগী মওংদা দাইরেক্ত দিপোজিত তৌরে, মদুনা নাকলদা য়ুবা থিংলে । চাক থোংনবা গ্যাস খক্তদা মীওই মিলিয়ন ১৪৬না বেঙ্ক একাউন্তকী খুথাংদা দাইরেক্ত কেস সবসিদী ফংলে । ঙসিদি সরকার অসিনা তোঙান তোঙানবা স্কিম ৫৯দা দাইরেক্ত বেনেফিত ত্রান্সফর শিজিন্নরে । মরি লৈনবা বেনেফেসরিশিংগী বেঙ্ক একাউন্তশিং অদুদা চাওরাক্না য়ুএস দোলর বিলিয়ন ১০গী মমল ওইবা সবসিদী দাইরেক্ত ওইনা ত্রান্সফর তৌরে ।

মরূপশিং,

সম্মিত অসিগী অচৌবা হীরম অমদি ইন্তরপ্রিনরশিপনি । ঐখোয়না মেক ইন ইন্দিয়া কৌবা কেম্পেন অমা হৌদোক্লে । ইনিসিয়েতিব অসিগী খুথাংদা গ্লোবেল ভেলু চেন্দা মেজর প্লেয়র অমা ওইনা ভারতনা ত্রান্সফোর্ম তৌনবা ঐখোয়না কমিত তৌখ্রে । ঐখোয়না ভারতপু গ্লোবেল মেনুফেকচরিং হব অমা ওইহনবা পাম্লি । মতম অসিমক্তদা, ঐখোয়গী নহাশিংবু জোব সীকর নত্তবা জোব ক্রিয়েতর ওইহনবা ঐখোয়না পাম্লি । থৌরাং অসিগীদমক ঐখোয়না স্তার্ত অপ ইন্দিয়া অমসুং স্তেন্দ অপ ইন্দিয়া কৌবা দ্রাইবশিং লৌখৎলে । অহানবা ওইনা ভারত্তা, কোলেতরেল ফ্রী লোনশিং মুদ্রা স্কিমগী মখাদা অপিকপা ইন্তেপ্রিনর মিলিয়ন ৯০ হেনবদা পিথখ্রে । ফিলিপ্পিনগী মীশিংগা চাওরাক্না মান্ননা । ফিলিপ্পিন অমসুং এসিন রিজনদা ইন্তরপ্রিনরশিপতা মরু ওইবা পিরিবা অদু ঐহাক্না ওরে । মসিগী সম্মিত অসিদা হৌদোক্লিবা এসিন মেনতরশিপ ফোর ইন্তরপ্রিনরশিপ অসি ইন্তরপ্রিনরশিংগী মথৌতাবা অদু ফংহন্নবা অতোপ্পা অনৌবা খোংথাং অমনি । মদুমক্না তুংদা অথুবা মতমদা সাউথ অমসুং সাউথ ইস্ত এসিয়া অসি মালেমগী গ্রোথ ইঞ্জিন ওইরক্লগনি । মরম অদুনা এসিনগা লোয়ননা কনেক্তিবিতী থম্বা অসি ভারতকীদমক মরুওইবা ওবজেক্তিবনি । ম্যানমার অমসিং থাইলেন্দ ফাওরগা অতোপ্পা সাউথ ইস্ত এসিয়াগী লৈবাকশিংগা শম্নহন্নবা ত্রাই-লেতরেল হাইৱেগী শেমগৎপগী থবক হান্ননা চৎথরে । ভারত অমসুং এসিনগী মরক্তা মেরিতাইম ত্রান্সপোর্ত্তা য়ান্নচে অদু অথুবা মতমদা লোয়শিন্নবা ঐখোয়না হোৎনরি । এয়ার কনেক্তিবিতীগী লমদা এসিন লৈবাকশিংনা ভারতকী মেত্রো সহর মরী অমসুং অতোপ্পা পন্থুংফম তরানিপালদা ওপরেত তৌবগী খুদোংচাবা অদু ফংলি । কনেক্তিবিতীদা মরুওইবা পিরগা ভারতনা মথং থাদা ন্যু দিল্লিদা এসিন – ইন্দিয়া কনেক্তিবিতী সম্মিত ওর্গনাইজ তৌরি । মথং চহিগী জনুৱারিদা এসিন লুচিংবশিংগী এসিন-ইন্দিয়া কোম্মেমোরেতিব সম্মিত অদুগা লোয়ননা ঐখোয়না এসিন- ইন্দিয়া বিজিনেস এণ্ড ইনভেস্তমেন্ত মীত এণ্ড এক্সপো অসিশু ওর্গনাইজ তৌরি । ঐহাক্না ময়াম পুম্নমকপু শরুক য়াবিনবা বার্তন তৌজরি । মসিনা হৌজিক ফাওবদা ভারতনা ওর্গনাইজ তৌখিবা বিজিনেসতা মীৎয়েং থম্বা খ্বাইদগী চাওবা এসিন ওইগনি । ভারতনা অদোমগী চাওখৎ থৌরাংগী খোংচৎ অদুদা শরুক য়াবগী অপাম্বা ফোংদোকচরি অমসুং এসিনগী লৈবাক পুম্নমকপু ঐখোয়গী চাওখৎ থৌরাংদা শরুক য়ামিন্ননবা বার্তন তৌজরি ।

মাবুহায়!

মরামিংগ সলামাত!

থাগৎচরি ।